Juan 7:39 - Biblia Yanowamö

³⁹ ¿Ö̦jö tawä? Cama a wa̦ bejedi lä bufii wejei bä lä cui nija, Yai Bada tä Bufi nia lä jöböamou wei tä a̦fa yai tama. Fedu jamö a doblaodayobä a ösönomi showao yalo, a Bufi jöböamou showaono malä mlai.

Juan 7:39 Iomraidhean Croise

Salmo 68:18

Jeobaanö yanowamö bluca täbä fa däfälönö, ösö jamö täbä ca̦i yamobefälöma. Yanowamö täbä shijiloblao lä mlai bä ma cui lija, a dobämoma. Jeobaa a lä bufiblamou wei, ö̦jamö a nia bälödio.

Proverbios 1:23

’Bämacö lä wasöö wei wamale a̦ da ji̦lilä —a cuu—. Ya bufi lä cuu wei ya tä a̦ nia wawämaö. Cafä wamacö lija ya wa̦ nia wawädoo showadao.

Mateo 16:14

Abinaja bä cuma. —Fe ojomalewä Juan bei wa jo̦wa fa talei. Ai bä mö feduwänö, Yai Bada a wa̦no wäyälewä Elia a cuo lä balöono wei, ö̦jö wa jo̦wa bufidaö talajei. Ai bä mö feduwä lä cuinö, Jelemia wa bufiije. Ai bä a̦ showawä ja, Yai Bada a wa̦no wäyälewä ai a demi jocädou fa co̦lonö, ö̦jö bei wa jo̦wa co̦dawä fa talei —bä cuma.

Mateo 21:11

Ö̦jö däjä, bä bluca lä co̦camono wei bä a̦ nocalayoma. —¡Yai Bada a wa̦no wäyälewä, Nasaleteli fei Jesús ö̦jö lä a, Calilea tä ulifi jamö a lä bälöle! —bä cuma.

Lucas 24:49

¿Ö̦jö tawä? Fayänö tä a̦fa wäyäö lä balöono wei ya tä nia shömaö. Yai Bada tänö wamacö nö nia lä wa̦lojomabou wei wama tä nö dabou showalanö, eja Jelusale jamö bä cua da balöicu —bä nowa tama.

Lucas 3:16

Ö̦jö cudeenö, Juan abinaja a cuu mö feduoma. —Ma. Camiyänö bämacö fe ojoblaö däjä, mau u ja bämacö jödödöblamaö. Inaja camiyä ya cuaaö ma balöo wei ma cui, a nö yai lä wa̦lojaö wei a nia waloo nomöjöoyoluu. Ö̦jö a shino yai doblaa ayaa cudeenö, ya bayeliblaö bädaobä tä ma cui ja, ya nö quilibö wei. Bei mamicö lä didio wei etäcö nata bädawä ma cui, ya etäcö nö cushaö quilibö wei. Ö̦jö a lä cuinö, bejedi lä wamacö nia yai jödödöblaö. Mau unö mlai, Yai Bada a Bufinö wamacö nia jödödöblaö. Cowa wacönö täbä ca̦i nia jödödöblaö.

Lucas 7:16

Ö̦jö tä ja bä bluca fa quililalunö, Yai Bada a nofi doablaöje ja, abinaja bä cuma. —Camiyä yamacö nija, ¡Yai Bada a wa̦no wäyälewä a bada waloqueyoluu lä cufe! ¡Yai Bada tänö bejedi lä cama ebä bayeliblaö dodijilayoyoluu lä cufe! —bä cuma.

Juan 1:21

A wa̦lii co̦oje ja, abinaja bä cuma. —Ja̦o. ¿Wedi bei wa dodijiwä, ö̦jö lä? Elia a lä cuono wei, ¿ö̦jö wa tawä? —bä cuma. —Ma. Ö̦jö ya ca̦imi —Juan a cuma. —Yai Bada a wa̦no wäyälewä a nia jo̦wa lä waloono wei, ¿ö̦jö bei wa? —bä cuu nomöjöoma. —Ma —a cuma.

Juan 1:25

A wa̦lii co̦oje ja, abinaja bä cuma. —Yai Bada tänö a shömabä a lä yaileno wei a lä cui, ö̦jö wami ja, Elia wa ca̦imi ja, Yai Bada a wa̦no wäyälewä wa ca̦imi ja, ¿wedi tä tabä bei wa täbä fe li ojomaö, ö̦jö lä? —bä cuma.

Juan 1:33

¿Ö̦jö tawä? Camiyänö ya nö ö̦jöböano ma mlai ma cui, mau u ja ya bä fe ojomabä wale lä shömöleno wei a lä cuinö wale yömölama. Abinaja a cuma. “Wale Bufi nö nia itou lä daaö wei, ya Bufi lä yanöcöo wei nija, ö̦jö a lä cuinö, camiyä ya Bufinö täbä lä jödödöblamaö wei, ö̦jö bei a”, a cuma.

Juan 12:16

Ö̦jö tä lä cublaliyono wei tä ja, cama ebä lä nocamabono wei ebä bufi jaducublou showadaonomi. Ö̦jö ma cui, fedu jamö Jesús a lä doblaquedayono wei däjä, Yai Bada etä a̦ oni jamö, a wa̦fa lä wäyämono wei, tä a̦ nofi jaducudaö jälayomaje. Yai Bada etä a̦ oni jamö, a wa̦fa bluca wäyäö lä balöono wejeinaja, a yai bejedi taamamaje. Ö̦jö tä ja, bä bufi yai jaducublou jälayoma.

Juan 12:23

Jesús abinaja a cuu mö feduoma. —Ya lä yanowamöblaleyoluno wei ya lä cui, Yai Bada tänö wale nia doblao dablamaö. Tä cublou ajedewä waiquia lä cule— a cuma.

Juan 14:13

Camiyä ya wa̦nö, wamacö nö bayeli nacao ja, wama tä nacaö lä bädao wei tä ma cui ja, bämacö a̦ nia juaö, Fayä ya doblao dablamabä.

Juan 14:26

Ö̦jö ma cui camiyä ya wa̦nö, Fayänö Bayeliawä a nia shömaö, cama a Bufi showawä lä cui. Ö̦jö a lä cuinö, bluca tä lä cule tä ja wamacö nia yömölabodii juo. Cafä wamacö nija ya tä a̦ bluca lä wäyäno wei tä a̦ ja, wamacö bufi nia jaducuamaö juo.

Juan 16:14

Bayeliawä a lä cuinö, camiyä wale nia doblao dablamaö. Camiyä wale a̦ fa ji̦lilänö, cafä wamacö nija tä a̦ nia malä wawämaö wei.

Juan 16:7

Wamacö bufi ma wa̦lidii ma cui, wamale a̦ da ji̦lilä. Bejedi lä ya wa̦. Ya nia lä co̦o wei tä ja, wamacö nia yai bayeliblamou. Ya co̦o mlao fa cunoja, cafä wamacö nija Bayeliawä a nö waloobö ma mlai ma cui, ya co̦o däjä, cafä wamacö nija ya nia shömadayou.

Juan 17:1

Inaja Jesús a fa culunö, fedu jamö a mö fa nonoicunö a wa̦ fama. —Fabe, Fabemi. Wale taamaö lä bufio wei, fei däjä tä cublou waiquia lä cule. Ijilufä wale doblao da damalalö, cafä bäfä ca̦i doblao dablamaö mö feduo showadaobä.

Juan 17:5

Fabe. Cafä wa lä cule jamö camiyä wale doblao da damalalö. Bita wa tablaö showao mlao däjä, cafä sho bäfäcö doblao lä cuono weinaja showawä.

Juan 20:22

Einaja a fa culunö, cama ebä nija a fa jolashicönö, abinaja bä nowa tama. —Yai Bada tä Bufi da taaleje.

Juan 6:14

Nii bä wai bolacami ma cui ja, Jesúsnö täbä bluca lä iyamaleno wei tä fa dalalöjenö, ö̦jö däjä Yai Bada e nö ö̦jöbölemaje. Abinaja bä cuma. —Yai Bada a wa̦no wäyälewä a nia jo̦wa lä juno wei, ¡fei ö̦jö lä a waiquiwä! —bä cuma.

Juan 7:12

Bluca bänö a wa̦fa wajado wayoaö cuaamaje. —A dodijaö —ai bä cuma. —Ma. Täbä mölamaö dicoo talei —ai bei bä cuu mö feduoma.

Juan 8:54

Jesús abinaja a cuu mö feduoma. —Camiyä ya wa̦fa doblao tamamou bädao ja, tä nowa cuami waiquiwä. Wale a̦fa yai doblao lä taö wei a lä cui, Fayä a, wama a jo̦wa lä bufibou wei a showawä lä cui.

Hechos 19:2

Cama bä nija abinaja a cuma. —Jesucristo wama a bejedi lä bufileno wei däjä, ¿cafä wamacö nija Yai Bada tä Bufi lucäa showadalayoma daanö? —a cuma. —Ma —bä cuma—. Yai Bada yama tä Bufi a̦fa ca̦i ji̦liboimi.

Hechos 2:17

Yai Bada ya wa̦no taö lä cule. Yai Bada tänö täbä nia lä jömaö wei tä cublou ajedou däjä, bluca bä nija Yai Bada tä Bufi nia jo̦wa yai jöbömou. Wamacö ijilubö bä ma cuinö, wamacö tääbö bä ma cuinö, a wa̦no nia wäyäöje. Tä nia lä cublou wei, cafäteli ai bä fiyanö, tä yai nia wawädou mööje. Bada bä lä cuinö, tabi tä nia li dablaöje.

Hechos 2:33

’¿Ö̦jö tawä? —a cuma—. A nö Bada ö̦jöböamobä, cama Yai Bada jayu boco mashi jamö, a döcämabou lä culadi. Ö̦jamö a Bada lä döcämaqueno wei däjä, bä Fö̦önö a dobälema. Cama a Bufi a̦fa wäyämamou lä balöono wei tä ja, a dobälema. Ö̦jö tä ja, cama a fa dobämamoludunö, camiyä yamalecö dobäa fe dolea nomöjölema. Ei wama tä lä möle, wama tä a̦ lä ji̦liale, ö̦jönö tä wawäblamalei lä cufe.

Hechos 2:38

A wa̦ juo ja, abinaja Pedro a cuma. —Wedinaja mlai. Wa̦lidiwä tä ja, bä bufi da lädalu. Jesucristo nija wamacö bufi fa cuicunö, ö̦jö a wa̦nö, bä fe da ojomamo. Wamacö doblou lä mlai tä ma cule, tä nowa mladamabä. Inaja wamacö cublaliyo ja, cama Yai Bada tä Bufi ja, wamacö nia dobämamou.

Hechos 2:4

Inaja tä fa cuonö, Jesucristo bluca ebä nijamö, Yai Bada a Bufi fa jödödöblalunö, bä a̦ faö shomiblamalema. Yai Bada a Bufinö bä a̦ fa bädamanö, shomi bä caficö a̦ ja bä a̦ bluca fadou cuaama.

Hechos 3:13

Bämacö nö badabö Ablaamö a ma cui nija, Isaacö a ma cui nija, Jacobo a ma cui nija, ö̦jö bä nija a lä bufiblamou wei a lä cuinö, Jesús a doblao damalalema. ¿Ö̦jö tawä? Ö̦jö Jesús a lä cui, Yai Bada a nosie yai lä juaö wei a, bada bänö a shäbeje, wama a noshi lä ö̦jödabono wei a lä cui. Biladonö ö̦jö a nia ma jujeblano wei ma cui, ö̦jö a mamo mötale däjä, wama a waia dicolema.

Hechos 4:31

Yai Bada nija bä a̦ faö waicou däjä, bä lä co̦cablono wei a yafi lä cui, a yafi qui̦da qui̦damou nö quiliama. Ö̦jö bä bluca lä cui, Yai Bada tä Bufinö bä fa jödödöblalunö, bä quilii mlai ja etä a̦ wäyäö waiteliblou showadalayomaje.

Romanos 8:9

Ö̦jö ma cui, Yai Bada wama a Bufi bejedi tabou ja, yanowamö täbä showadi lä cuaaö wei tä ja wamacö luluamoimi waiquiwä. Ö̦jö lija wamacö bufi yai luluamou. Cristo a Bufi tabou lä mlajei, cama ebämi waiquiwä.

2 Corintios 3:8

fei däjä Yai Bada tä Bufinö täbä nia yai lä bayeliblamou wei tä a̦ ja, bei tä shi̦i dablamou blaucublou yailayou. ¿Ya wa̦ jolemou daanö?

Efesios 4:30

Yai Bada tä Bufi lä jibämoqueno wei tä Bufi ca̦i wa̦lidiwä bälömabo dijejä. Cama wama ecö nö ö̦jöböamobä a Bufi malä jibämoqueno wei. Wamacö co̦aö showao mlao däjä wamacö ca̦i cudio balöobä.