Juan 7:32 - Biblia Yanowamö

³² Jesús a wa̦fa wajado lä wayoaö wejei, faliseo bä bada lä cuinö bä a̦ fa ji̦liläjenö, cama bä ma cuinö, nofi bäyäalewä blowäjäwä bä ma cuinö, Yai Bada etä yafi jamö bä bada lä läono wei bä nija, Jesús a juwäamaö bufimaje.

Juan 7:32 Iomraidhean Croise

Mateo 12:14

Ö̦jö ma cui, faliseo bä bada faa fa co̦lufälönö, Jesús a nabä queobeje a nofi washuaö showadaomaje.

Mateo 23:13

Abinaja Jesúsnö bä nowa taö nomöjöoma. —Ö̦jö ma cui, Moisesi tä a̦ ja wama täbä lä damaö wei wamacö lä cui, faliseo wamacö ca̦i lä cui, wamacö nö bluca bleaaö dodijiobä wamacö. Jole jole wamacö dodijaö bäa. Yanowamö bä nija Yai Bada a dablamou bufi ma doblao wei ma cui, wama bä bufi jaducublamaimi. Yai Bada cafä wamacönö wama a daimi waiquiwä. Ai bänö a daö bufi ma doblao wejei ma cui, cafä wamacö a̦nö wama bä doblamaimi.

Mateo 26:58

Ö̦jö ma cui, Pedro a jäwäjäwä fa yauicunö, nofi bäyäalewä bada e yafi sibo lä ji̦coloi jamö a lucäa jälayofälöma. Ö̦jamö, Yai Bada tä yafi lä nowamano wejei bä lä loono wei jamö, a ca̦i loa mö fedualiyoma, Jesús a nia lä taamano wejei tä nö daabä.

Juan 11:46

Ö̦jö ma cui, ai bä mö feduwä lä cui, faliseo bä bada nijamö bä jua showalayoma. Jesús a lä cuaano wei tä a̦ wäquemaje.

Juan 12:19

Ö̦jö däjä, abinaja faliseo bä nowa tayoma. —Tä da möblaaje. Bäma a nö ja̦amabimi waiquiwä. Bluca bä lä bälöblai bänö, a bufii waiquiweje —bä nowa tayoma.

Juan 18:3

Judanö täca dama cudeenö, Jesús a nabä jubeje bä fa nacalänö, bä ca̦i ayofälöma. Lomateli ai bä sodado coyocomoma. Yai Bada etä yafi jamö bä lä läono wei ai bä ca̦i. ¿Ö̦jö tawä? Nofi bäyäalewä blowäjäwä bänö bä shömölemaje, faliseo bä bada ca̦inö. Cowa wacöbä shi̦i cuobä täbä däaquemaje. Wacöbä ca̦i ji̦ibomaje. Bä ishobä täbä ca̦i showabou showadaomaje.

Juan 7:30

Inaja a cuu yalo, a nia juwäama ma cujei, a nia yai lä shämou wei etä cuonomi showawä yalo, bä imicö queonomi.

Hechos 5:26

Ö̦jö däjä, Yai Bada etä yafi nowamabeje bä ca̦i lä cule a bada lä cuinö, cama ebä fa nacalänö, bä co̦a co̦lemaje. Yanowamö täbä nija bä quilima yalo, dodijidawä bä öböalalefälömaje. “Maa ma bänö yamalecö shäö mlaobeje”, bä bufi fa cunö, bä i̦cali öbömanomije.