Juan 7:28 - Biblia Yanowamö

²⁸ Inaja bä cuma yalo, Yai Bada etä yafi jamö Jesúsnö bä damaö ja, a wa̦ i̦cali fama. Abinaja a cuma. —¿Camiyä wamale daö da culanö? Camiyä ma cui, ya jaba lä cuono wei jamö wama tä daimi. Ö̦jö ma cui, camiyä ya juu bufi doblao tänö ya juu bädaonomi. Wale lä shömöleno wei a lä cui a bejedimou. Ö̦jö wama a ca̦i daimi.

Juan 7:28 Iomraidhean Croise

Mateo 11:27

’Jödödöwä täbä nija ya Bada läobä, Fayänö wale tablamalema —a cuu nomöjöoma—. ¿Ö̦jö tawä? Yanowamö täbänö wale daimije. Fayä a lä culadinö, bä Ijilubö ya e lä cui wale shino daö ayawä. Inaja showawä, Fayä a daö ma mlajei ma cui, camiyä bä Ijilubö ya enö ya shino daö ayawä. Fayä ya dablamaö bufi lä doblao wei bä lä cui nija ya fa damalalönö, ö̦jö bä ma cuinö a daö mö feduweje.

Mateo 2:23

Nasale tä a̦fa shabono lä jilaö wejei jamö, bä yai bälöaliyoma. Inaja Yai Bada tänö bä taamama, cama a wa̦no wäyälewä bä lä cuno wei tä a̦ bejedi cublobä. Yai Bada tänö a shömabä a lä yaileno wei a lä cui, ö̦jö a wa̦fa wäyämamou ja abinaja tä a̦ cuu. Nasaleteli a wa̦fa nia jilabouje. Einaja tä a̦ cuu.

Mateo 26:55

Ö̦jö däjä, a nabä lä toujono wei bä nija abinaja a Jesús cuma. —Tomömolewä bä nabä juu lä culajeinaja, ¿wedi tä tabä bei wamale nabä li juu cuaaö dicoo cufe? ¿Wedi tä tabä shocobi, nablushi wama bä ca̦i fa juimanö, bei wamale li juwämaö cuboyoi? Yai Bada etä yafi jamö showadi ya lolanö ya täbä yömölama ma cui, wamale juwäano malä mlai.

Lucas 10:22

’¿Ö̦jö tawä? —a cuu nomöjöoma—. Jödödöwä täbä nija ya Bada läobä, Fayänö wale tablamalema. ¿Ö̦jö tawä? Yanowamö täbänö wale daimije. Fayä a lä culadinö, bä Ijilubö ya e lä cui, wale shino daö ayawä. Inaja showawä, Fayä a daö ma mlajei ma cui, camiyä bä Ijilubö ya enö, ya shino daö ayawä. Fayä ya dablamaö bufi lä doblao wei bä lä cui nija ya fa damalalönö, ö̦jö bä ma cuinö a daö mö feduaje —a cuma.

Lucas 2:11

¿Ö̦jö tawä? Wamacö jucäamobä, bada tä David a jaba lä bälöono wei jamö, a oshe wawäblaliyo lä cufe. Yai Bada tänö a shömabä a lä yaileno wei, ö̦jö a Bada.

Lucas 2:39

Bada tä a̦ oni jamö, tä tamaö lä bufino weinaja tä taa fa jödödöblabölönö, Calilea jamö bä ijilubö a ca̦i co̦böa co̦layoma, cama Nasaleteli bä nijamö.

Lucas 2:4

José a ma cui, a aa mö fedulayoma. Calilea tä ulifi jamö, Nasaleteli bä lä bälöle jamö a culanö, Judea tä ulifi jamö a alayoma. David nodiwä a li cuoma yalo, Belenateli bä lä bälöle jamö a juu cadidioma, David a jaba lä bälöono wei jamö.

Lucas 2:51

Ö̦jö däjä, cama ecöbö nijamö a nocaa co̦layofälöma. Nasale jamö bä co̦a fa co̦lunö, dodijidawä cäcöbö a̦ juama. Tä bluca lä cublaliyono wei, bä nöö enö tä nofi jaducubou showalanö a bufi dayäodima.

Juan 1:46

Abinaja Nataniel e cuma. —Nasaleteli bä nijamö, ¿tä nö bayeli cublou yai tawä? —e cuma. Felipe abinaja e cuma. —Ja̦o. Jabo, ö̦jö lä. Wa möblabä.

Juan 10:36

¿camiyä bei wamale nia li bufiblaimi, eja, bita jamö Fayänö wale shömabä, wale lä yaileno wei ya lä cui? Yai Bada ya a̦fa Ijilubö jilou yalo, ¿wedi tabä “Yai Bada wa tä nö waiblaö”, wamale nowa li taö dicoo?

Juan 12:49

Camiyä ya bufi lä cuu weinaja ya tä a̦ wäyäö bädao malä mlai. Fayänö wale lä shömöleno wei a showawä lä cuinö wale nosiemaö ja ya wa̦. Cama a wa̦nö ya wa̦ cadidou.

Juan 14:10

Fayä nija ya lä cule, camiyä nija Fayä a ca̦i lä cule, ¿wama tä a̦ bejedi bufii yailawä? Cafä wamacö nija ya tä a̦ lä wäyäö wei, camiyä ya wa̦ bädawämi. Fayä ya wa̦no wäyäö. Ya ma cuaaö wei ma cui, camiyä nija Fayä a yai culanö, ö̦jönö tä taö.

Juan 14:31

Fayänö wale lä nosiemaö wei tä ja ya li yai cadidou, yanowamö täbä bufi jaducublobä. Fayänö wale lä nofimaö wei tä dablabeje. ¿Ö̦jö tawä? Bei. Bämacö da jufälö —a cuma.

Juan 16:3

Camiyä wale daimije yalo, Fayä a ca̦i daimije cudeenö, bä nia inaja cuaaö.

Juan 17:25

’Fabe, cafä wa lä cadidou wei wa. Yanowamö täbänö wa daö ma mlajei ma cui, camiyänö bäfä daö. Iba bä lä cuinö, eja wale lä shömöleno wei, wale ca̦i daöje.

Juan 17:3

Cafä Yai Bada wa bejedi cua lä ayale wa daöje ja, camiyä Jesucristo wale lä shömöleno wei wale ca̦i daö mö feduoje ja, ö̦jö tänö bä nia ba̦limi cuo.

Juan 3:2

Ö̦jö a lä cui, didi däjä Jesús nija a icua fe fa jaluicunö, abinaja e cuma. —Tä a̦ wäyäle. Yamalecö yömölayolubä, Yai Bada tänö wa shömölema. Ö̦jö yama tä daö. Ö̦jö wa e nö ö̦jöböamobä, tä nö lä quilijii bluca wa tä wawämaö. Yai Bada tänö wa ca̦i cuo mlao fa cunoja, inaja wa nö cuaabö mlai —e cuma.

Juan 3:33

A wa̦ nofi yai mölabou fe lä yadio wejei bä lä cuinö, Yai Bada a wa̦fa ca̦i bejedi taöje.

Juan 5:32

Ai tänö wale a̦fa li yai wäyäö culadi. ¿Ö̦jö tawä? Ö̦jönö wale a̦fa lä wäyäö wei, ya bejedimou daö.

Juan 5:43

Fayänö wale ma shömöleno wei ma cui, wamale a̦ juaimi. Ai a lä cui, a juu bufi doblao lä bädao wei a lä cui, ö̦jö lä wama a wa̦ nia shino yai juaö.

Juan 6:42

Abinaja bä cuma. —José bä ijilubö Jesús a wa̦fa lä cui, ¿fei ö̦jö a mlai daanö? Bä fö̦ö e ma cui, bä nöö e ma cui, bäma cäcöbö malä dale. ¿Wedi tabä “Fedu jamö culanö ya itolayoma”, bei a li cuu dicoo? —bä cuma.

Juan 7:14

Bä iyaö ca̦i lä co̦camou wei bä nö dedejeblou waiquio däjä, Jesús a aa fa jälönö, Yai Bada etä yafi jamö a co̦blou jälayoma. A co̦blou fa jälonö, Yai Bada etä a̦ ja bä yömölama.

Juan 8:14

Abinaja Jesús e cuu mö feduoma. —Camiyä ya wa̦fa wäyämamou ma bädao wei ma cui, ya bejedimou. Ya cuo lä balöono wei tä ma cui, ya nia lä juu wei tä ma cui, ya tä malä dale. Ö̦jö ma cui, cafä wamacö lä cuinö, ya cuo lä balöono wei wama tä shino daimi. Ya nia lä juu wei tä ma cui, wama tä ca̦i daimi.

Juan 8:16

Ö̦jö ma cui, ya täbä jömaö ma bädao wei, bejedi lä ya wa̦. Ya täbä jömaö cadidobä, camiyä ya bufi lä cuu weinaja ya nia cuu bädao malä mlai. Wale lä shömöleno wei a lä cuinö, wale a̦ fa bayelibonö ya wa̦ faö malä cui.

Juan 8:19

Inaja a cuma yalo, abinaja bä cuu nomöjöoma. —¿Wedi jamö Faafä bei a, ö̦jö lä? Abinaja Jesúsnö bä nowa tama. —Fayä wama a daimi waiquiwä. Camiyä wamale ca̦i daimi. Camiyä wamale daö fa cunoja, Fayä a ma cui, wama a nö ca̦i daö mö feduobö wei—bä nowa tama.

Juan 8:26

Cafä bämacö a̦fa tabä, bluca ya tä tabou. Bämacö jömabä tä bluca. Ö̦jö ma cui, wale lä shömöleno wei ya wa̦ fa ji̦lilänö, yanowamö täbä nija, ö̦jö lä ya wa̦ nia shi̦lo yai wäyäö. Ö̦jö a bejedimou —bä nowa tama.

Juan 8:42

Abinaja Jesúsnö bä nowa tama. —Yai Bada wama ecö ijilubö cuo fa cunoja, wamale nö nofimabö wei. Ö̦jö lä Yai Bada nija ya cuoma ya malä juno wei. Camiyä ya juu bashio bufi fa doblaonö mlai, ö̦jönö wale yai shömölema.

Juan 9:29

Moisesi nija Yai Bada tä a̦ lä fano wei, yama tä daö ma cui, fei a lä cui, a jaba lä cuono wei yama etä daimi.

Hechos 17:23

Afä wama täbä lä bufiblaö wei ya täbä nö idubö möö cuaama, wama täbä a̦fa lojode lä wäyäö wei täbä lä cui. Ya täbä möö fa cuaaimadunö, ai tä nö idubö ja, abinaja ya tä a̦ oni dalalema, “Bäma tä nofi lä mojodubole”, tä a̦ oni cuu culai. ¿Ö̦jö tawä? Wama tä nofi ma mojodubole ma cui nija wamacö nö bayeli nacaobä wama etä yafi wai tabou. Ö̦jö wama tä daö lä mlale tä ja, wawädowä bämacö yömölaö lä cule.

Romanos 1:28

Yai Bada a nofi jaducäbou bufionomije. Ö̦jö cudeenö wa̦lidiwä tä ja bä bufi cudiobä, Yai Bada tänö bä noshi ö̦jödabou cadidioma, wa̦lidiwä tä tabeje.

Romanos 3:4

Ö̦jö malä cui. Yanowamö täbä bluca ma jolemou wei ma cui, Yai Bada a wa̦ cadidou showaobä a. Abenaja tä a̦ oni malä cuu wei. Showadi wa wa̦ shi̦lo lä cadidou wei tä dablabeje wa. Wa ma jimaöje däjä, wa shi̦lo bejedimou ayaobä cafä bei wa. Einaja tä a̦ cuu.

2 Corintios 1:18

Yai Bada a wa̦ lä cadidou weinaja ya wa̦ cadidou cuwä mö feduwä. Cafä wamacö lija, “Ma”, ya bufi cuu waiquilanö, “Awei”, ya jole cuimi.

2 Corintios 4:6

Tä mö didiobä jamö, cama a wa̦nö tä jaba lä wacacadamaleno wei a lä cuinö, ö̦jö a showawänö, yamalecö bufi malä wacacamabole. Cristonö Yai Bada tä doblao lä damalaleno weinaja, inaja showawä yama tä dablamaö cuo mö feduobä. ¿Ö̦jö tawä? Tä mö ma dödöono wei ma cui, abenaja a jaba cuu malä balöono wei. Bei. Tä da wacacablalu. Einaja a cuma.

Tito 1:2

Bä nia lä ba̦limio wei tä ja bä nö daobä, ya bä yömölaö. Yedu ja, bämalecö nia lä ba̦limiblamaö wei, Yai Bada tänö tä a̦fa wäaö balöoma. A jolemoimi.

Hebreos 6:18

Yai Bada a wa̦ nö wäo ja a wa̦ cadidou showadao. A wa̦ nia shominajaö majöomi. Inaja showawä, cama a caficö jolemou dao lä mlai a wa̦fa wäyämou ja, a wa̦ nö shominajaaö majöobimi waiquiwä. ¿Ö̦jö tawä? A wa̦ nö lä wäono wei tä a̦ lä cui ja, bämacö mölaö lofotoo showaobä tä a̦. Yai Bada lija bämacö nofi lä yashuo wei bämacö lä cui, bämacö nia lä bayeliblou wei tä a̦ ja, bämacö mölaö showao fe yadiobä.

1 Juan 5:10

¿Ö̦jö tawä? Yai Bada bei Ijilubö a bejedi lä bufii wejei bä lä cuinö, Yai Bada tänö bä Ijilubö e a̦fa lä wäyäno wei tä a̦ nofi jaducubouje. Yai Bada tä a̦ bejedi bufibou lä mlajei bä lä cuinö, tä a̦no lä waii wejei tänö, Yai Bada bei a jolemou jömaöje. Bä Ijilubö e a̦fa yai ma wäyäö wei ma cui, Yai Bada tä a̦ bejedi bufii malä mlajei.

1 Samuel 2:12

Bei. Eli bä ijilubö ecöbä doblonomi dicowä. Jeobaa a nö quili tabönomi.