Juan 7:26 - Biblia Yanowamö

²⁶ Eja wawädowä a wa̦ ma fale ma cui, a wa̦ wasöimije. “Yai Bada tänö a shömabä a lä yaileno wei a lä cui, ö̦jö lä a waiquiwä”, bada bänö ¿fei bei a nofi tabou cadidia da culajenö?

Juan 7:26 Iomraidhean Croise

Mateo 22:16

¿Ö̦jö tawä? Ö̦jö bä bada nija bä lä nocaono wei, ai ebä shömölemaje, bada tä Elode ai ebä ca̦i mö feduwä. Jesús nija abinaja ebä cuyoluma. —Tä a̦ wäyäle. Wa lä bejedimou wei bäfä daö. Yanowamö wa bä nö quili taimi. Bada bä ma cui, bada bä lä mlai bä ma cui, wa bä nofi tabou fe usucuo fa showaonö, Yai Bada tänö bämalecö taamaö lä bufii wei, quilii mlai ja wa tä a̦ shino yai wäyäö shalilou.

Lucas 23:13

Ö̦jö däjä, Biladonö bä co̦camomalema. Nofi bäyäalewä blowäjäwä bä ma cui, judio bada ai bä ma cui, ai bä bluca ma cui, ö̦jö bä fa co̦camomalönö,

Lucas 7:30

Ö̦jö ma cui, faliseo bä bada lä cui bä fe ojoblamonomi. Moisesi tä a̦ ja täbä lä damaö wejei bä ma cui, inaja showawä. Yai Bada tänö bä taamaö lä bufino wei tä a̦ wailemaje.

Juan 12:42

Inaja tä ma cuono wei ma cui, bada bä ca̦i bluca ma cuinö, Jesús a wa̦ bejedi bufia fe yadilemaje. Ö̦jö ma cui, faliseo bä nö bada quili fa tajenö, wawädowä bä a̦ nö wäonomi, judio bä yododabä yafi jamö bä coyocamabou mladou mlaobeje.

Juan 18:20

Jesús abinaja e cuu mö feduoma. —Yanowamö täbä nijamö, wawädowä ya wa̦ shino faö talei. Judio bämacö yododabä yafi bä jamö ya tä a̦ shino wäyäö, Yai Bada etä yafi jamö ca̦i, judio bä bluca lä yododadii wei jamö. Moli ma cui, ya tä a̦ wäaö ja̦toonomi.

Juan 3:1

Faliseo ai a wa̦fa Nicodemo lä cuono wei, judio bada a cuoma.

Juan 4:29

—Bä da jaboje. Quijamö wa̦lo a da möcöliyoje. Camiyänö ya tä bluca lä tano wei tä a̦ wawämaö cadidou cublei. Yai Bada tänö a shömabä a lä yaileno wei, ¿ö̦jö lä a mada tawä? —bä nowa tama.

Juan 7:25

Wawädowä Jesúsnö bä damaö cudeenö, abinaja Jelusaleteli ai bä cuma. —A shäö bufi lä doblao wejei, ¿fei bei ami?

Juan 7:31

Ö̦jö ma cui, ai bä bluca lä cuinö a wa̦ bejedi bufia fe yadilemaje. Abinaja bä cuma. —Yai Bada tänö a shömabä a lä yaileno wei a lä cui, fei a waiquiwä. ¿Wedi tabä ai bäma tä nö li dabou nomöjöquei? Yai Bada e nö ö̦jöböamobä, fei a lä cuinö, tä nö lä quilijii tä bluca wawämaö malä waiquii—bä cuma.

Juan 7:48

Bada ai bä ma cuinö, faliseo ai yamacö ma cuinö, ¿ö̦jö yama a wa̦ bejedi lä bufii wei, wama tä a̦ ji̦libou da culanö, wama a bufii mö feduobä?

Juan 9:22

Judio bä nija cäcöbö quilima yalo cäcöbö a̦ li cuoma. ¿Ö̦jö tawä? Judio bada bä a̦ wayou malä waiquiono wei. “Yai Bada tänö a shömabä a lä yaileno wei, ö̦jö Jesús a waiquiwä”, wawädowä bä lä cuu wei, bä nia joyamaje. Judio bä yododabä yafi jamö, bä nia coyocomabou co̦daanomije.

Hechos 4:13

Pedro, Juan sho cäcöbö a̦ waiteli lä juono wei tä fa dalalöjenö, bada bä bufi wedinajamoma. Oni sibä ja, cäcöbö damamou fe balojoono malä mlaono wei. Showadi ai bä cua lä bädalenaja cäcöbö cuo mö malä feduono wei. Bä bufi fa möblalunö, “Jesús nija showadi cäcöbö lä nocaablalodino wei cäcöbö nofi yaiwä”, cäcöbö nofi tadalemaje.

Filipenses 1:14

Abenaja ca̦i. Ya cafe quefua ma cule, ya bayeliblamou fe lä yadio wei tänö, Jesucristo ai ebä bufi bluca ca̦i lofotoblou fe balojoa lä cule. Bada tänö bä bufi fa lofotoamanö, fei däjä bä quilii mlai ja, Yai Bada etä a̦ yai wäyäö waiteliaö lä culajei.