Juan 7:20 - Biblia Yanowamö

²⁰ Abinaja bä cuma. —¡Jolemou dijä! Fecula wa tabou yalo, wa wa̦ li faö mojodi. ¿Wedi jamö a lä cuinö wa li shäö bufi doblao? —bä cuma.

Juan 7:20 Iomraidhean Croise

Mateo 10:25

Tä a̦ lä wäyäö wei a wa̦ ji̦liaö lä mlajeinaja, inaja showawä cama ebä lä nocao wei bä a̦ nia ji̦liaimi cuo mö feduoje. Bada a nofi tabou lä mlajeinaja, inaja showawä cama ebä nofi nia taboimi cuo mö feduoje. Inaja lä waiquiwä. Bä ca̦i lä cule a bada lä cui, a wa̦fa Sadanasi taö waiquiweje yalo, cama ebä lä cule bei ebä a̦fa wayobou dodijia yaiqueije.

Mateo 12:24

Ö̦jö ma cui, faliseo bä bada lä cuinö, ö̦jö bä a̦ fa ji̦liläjenö abinaja bä cuma. —Ma. Fecula bada Sadanasi tä lojodenö bä li fecula yashuu buo, Yai Bada tä lojodenö mlai —bä cuma.

Mateo 9:34

Ö̦jö ma cui, faliseo bä bada lä cui, abinaja ö̦jö bä cuma. —Ma. Fecula bada tä lojodenö bä li fecula yashuu buo —bä cuma.

Marcos 3:30

Yai Bada a Bufinö bä fecula ma yashublano wei ma cui, a wa̦fa feculabö tamaje yalo, einaja bä nowa li tama.

Juan 10:20

Abinaja ai bä cuma. —Fecula a lä bälömabole, a wa̦. A wa̦ faö nofi malä mojodi wei. ¿Wedi tabä bei wama a wa̦ li ji̦lidii?

Juan 8:48

Judio bä a̦ juoma. —Cafä Samaliateli bäfä a̦fa wa̦li wäyäö ja, yamacö a̦ bejedi. Fecula wa lä bälömabolenö, wa wa̦ li —bä cuma.

Juan 8:49

Abinaja Jesús a cuma. —Fecula ya bälömaboimi. Fayä ya nö yai dodijidawä ma ö̦jöböamaö wei ma cui, cafä wamacönö wamale nö li waiblaö.

Juan 8:52

Jesús nija abinaja judio bä cuma. —Ei malä cui, ¡fecula wa malä bälömabole! Ablaamö a ma cui, a nomalayoma. Yai Bada a wa̦no wäyälewä bä ma cui, inaja showawä. Ö̦jö ma cui, “Wale a̦ nofi lä cadidibou wejei bä nomaö mlaicätä”, bei wa li cuu.

Hechos 26:24

Inaja Pablo a nofi bäyäo showai ja, Fedo a wa̦ i̦cali falayoma. —¡Pablo, wa shi wa̦lii! Oni wa sibä showadi mödii ja, wa shi wa̦lijou.