Juan 7:19 - Biblia Yanowamö

¹⁹ ’Yai Bada tänö tä tamaö lä bufii wei, cafä wamacö nija Moisesinö tä a̦ jöböquema, ¿ö̦jö tawä? —a cuma—. Tä a̦ ma jöböqueno wei ma cui, moli ai wamacö ma cuinö wama etä a̦ nofi cadidiboimi. ¿Wedi tabä bei wamale shäö bufi li doblao, ö̦jö lä?

Juan 7:19 Iomraidhean Croise

Mateo 12:14

Ö̦jö ma cui, faliseo bä bada faa fa co̦lufälönö, Jesús a nabä queobeje a nofi washuaö showadaomaje.

Mateo 21:38

Ö̦jö ma cui, bä lä bälöblamabole bä lä cuinö, bada tä ijilubö e cadidiwä fa dalalöjenö abinaja bä nowa tayolayoma. “Ei bada tä ijilubö cadidiwä, ficali ca nia obi tabou lä juo wei. Fei däjä, bäma a shäa fa showadalönö, camiyä bämacönö bäma täca yai ficali tabou juo nomöjöobä”, bä nowa tayolayoma.

Marcos 11:18

Nofi bäyäalewä blowäjäwä bä ma cuinö, Moisesi tä a̦ ja täbä lä damaö wejei bä ma cuinö, Jesús a wa̦no ji̦lilemaje. A wa̦no fa ji̦liläjenö, a shäbeje a nofi washuamaje. Jödödöwä täbä lä cui, Jesús a wa̦ ja bä bufi bluca möaama yalo, bada bänö a nö quili malä tano wejei.

Marcos 3:4

Ö̦jö däjä, bä mamo lä showajaono wei bä nija abinaja Jesús a cuma. —Täbä yanöcöobä tä mö jalu jamö bämacö dodijaö mlaobä, ¿tä a̦ läa daanö? Ma, wa̦lidiwä bäma tä taö mlaobä, tä a̦ shino läa. ¿Ö̦jö daanö? Täbä shäö mlaobeje tä a̦ läa ma cui, täbä jalomabeje tä a̦ läami —a cuma. Inaja a cuma ma cui, bä a̦ juonomi.

Marcos 3:6

Ö̦jö däjä, faliseo bä bada faa fa co̦lufälönö, Elode ebä fa co̦cablamalöjenö, Jesús a nabä queobeje, lobe a nofi washuaö showadaomaje.

Juan 1:17

Yai Bada tänö tä tamaö lä bufii wei, Moisesi nija tä a̦ ma jöbäqueno wei ma cui, täbä nofi nia yai lä ojodabou wei tä lä cui, Jesucristo nija ö̦jö tä shino yai wawälayoma, tä a̦ yai lä bejedii tä a̦ ca̦i.

Juan 10:39

Bada bänö a juwäamaö wabaö ma co̦ono wejei ma cui, a fa moyawäonö a juwäamonomi.

Juan 11:53

Inaja bä nowa tayoma yalo, Jesús a shäbeje tä nofi cadidibomaje. A nia yai lä taamano wejei tä ja, bä a̦ showadi wayoma.

Juan 5:16

Täbä yanöcöobä tä mö jalu jamö Jesúsnö a jalomalema yalo, judio bada bänö a bäyäblabeje a nabä jumaje.

Juan 5:18

Täbä yanöcöobä tä mö sábado jalu ma cui ja a wasöomi cudeenö, Jesús a shäö bufi doblao waiquiomaje. Yai Bada nija a ca̦i Fö̦ömou fa cadidionö, bä jushuo balaö showadaoma, Yai Bada a sho cama cäcöbö a̦fa wäyämoma yalo.

Juan 5:45

’Fayä nija camiyänö bämacö a̦fa nia taimi —a cuma—. Inaja wale nofi tabo dijejä. Moisesi a yai lä cuinö, wama a nofi lä mölabou wei a showawä lä cuinö, ö̦jönö wamacö a̦fa nia dobloimi taö.

Juan 7:1

Ö̦jö tä cublou waiquilayono wei ja, Calilea jamö Jesús a juu cuaama. Judio bänö a shäö bufi doblao waiquiomaje cudeenö, Judea jamö a juu bufionomi.

Juan 7:25

Wawädowä Jesúsnö bä damaö cudeenö, abinaja Jelusaleteli ai bä cuma. —A shäö bufi lä doblao wejei, ¿fei bei ami?

Hechos 7:38

Tä ulifi blocoobä jamö, Isaeli nodiwä bä co̦camolanö, bä juu lä cuaafälöno wei, ö̦jö Moisesinö bä ca̦i cuoma. Sinai cäcö jamö ö̦jö Moisesi nija showawä, Yai Bada tänö cama a̦jele etä lä shömöleno wei a wa̦ fama. Camiyä bämacö nö ca̦i badabö cuoma, Moisesinö. Yai Bada nija dodijidawä bä ba̦limi cuobä, Moisesi nija tä a̦ bluca wäyäö fa balöonö, bämacö nö badabö nija tä a̦ wäyäö fe dolemou nomöjöoma.

Gálatas 3:19

“Ja̦o. Moisesi etä a̦ ja, täbä nia bayelibloimi waiquiwä ja lä, ¿wedi tabä tä a̦ li wäa bäquema, ö̦jö lä?”, ai bä nia cuu ja̦too fa cui. Wedi tabä mlai. Ablaamö nodiwä a wawäblou jaöo mlao däjä, wa̦lidiwä tä lä taö wejei täbä nia ja̦amabou fa balöonö tä a̦ li lämaboma. ¿Ö̦jö tawä? Ablaamö lija Yai Bada a wa̦ nö wäo däjä, a wa̦fa nodiwä bayeliblamou wäyäö balöoma. Tä nö dedea fa nomöjölönö, Moisesi lija a̦jele bänö Yai Bada a wa̦no wäyäö nomöjöomaje, ö̦jö a lä cuinö tä a̦ wäyäö fe dolemobä.

Gálatas 6:13

Ö̦jö bä lä cui, ¿wedi tabä cafä wamacö lija bä a̦ fe li blacäjou? Moisesi etä a̦ fuamaö nofi fa jalubojenö mlai. Cama bä mosi sicö ma joyamou wei ma cui, etä a̦ fuaö malä mlajei. Ma. Judio ai bä lija, cafä wamacö mosi sicö lä joyamaö wejei tä a̦fa wäaö bufi doblaoje yalo, bä a̦ fe li blacäjou, ö̦jö bä judio lija cama bä nofi nia fa doablamonö.