Juan 7:16 - Biblia Yanowamö

¹⁶ Ö̦jö däjä, abinaja Jesúsnö bä nowa tama. —Ya tä a̦ lä wäyäö wei, camiyä ya wa̦ bädawämi. Wale lä shömöleno wei, ö̦jö lä ya wa̦no li wäyäö.

Juan 7:16 Iomraidhean Croise

Juan 14:10

Fayä nija ya lä cule, camiyä nija Fayä a ca̦i lä cule, ¿wama tä a̦ bejedi bufii yailawä? Cafä wamacö nija ya tä a̦ lä wäyäö wei, camiyä ya wa̦ bädawämi. Fayä ya wa̦no wäyäö. Ya ma cuaaö wei ma cui, camiyä nija Fayä a yai culanö, ö̦jönö tä taö.

Juan 14:24

Wale nofimaö lä mlajei bänö wale a̦ nofi cadidiboimije. ¿Ö̦jö tawä? Cafä wamacö nija ya tä a̦ lä wäyäle, camiyä ya wa̦ bädawämi, Fayänö wale lä shömöleno wei ya wa̦no taö.

Juan 17:14

Iba bä nija bäfä a̦no wäyäö ja, bä shomiblaliyoma. Yanowamö täbänö bä nofi wa̦libouje, cama bämi cudeenö. Camiyä ya shomi lä culenaja, iba bä cuwä mö feduwä yalo, bä nofi li wa̦libouje.

Juan 17:8

Cama bä nija, cafä bäfä a̦no malä wäyäno wei. Wa wa̦no ji̦liamaje. Cafä nijamö ya cuoma ya lä waloqueyoluno wei tä lä cui, ö̦jö tä bejedi ca̦i daöje. Cafänö wale lä shömöleno wei tä ma cui, ö̦jö tä a̦ ca̦i bejedi bufiije.

Juan 3:11

Cafä nija ei ya wa̦ lä cui, bejedi lä ya wa̦. Yama tä lä daö wei yama tä a̦fa wäyäö. Yama tä lä möno wei yama tä a̦fa taö. Ö̦jö ma cui, yama tä a̦fa lä taö wei, wama tä a̦ bufiboimi dicowä.

Juan 3:31

Bä fe lä ojomano wei a Juan lä cui, abinaja a cuma. —Fedu jamö a cuoma a lä itolayono wei a lä cui, ö̦jö a shino Bada ayawä. Bita jamö camiyä sho bämacö li lä bälöle, ö̦jö ya. Bita jamö täbä lä cuaaö wei, camiyänö ö̦jö ya tä a̦fa shino wayoaö. ¿Ö̦jö tawä? Fedu jamö a lä cuono wei a lä cui, ö̦jö a shino Bada ayawä.

Juan 5:30

Abinaja Jesús a cuma. —Camiyä ya cuaaö bufi lä doblao wei tänö ya cuaaimi. Fayä ya wa̦ fa ji̦linö, ya bä yanowamö li jömaö. Camiyä ya cuaaö bufi lä doblao weinaja mlai, wale lä shömöleno wei a lä cuinö wale yai taamaö bufi lä doblao weinaja, ya li cuaaö. Ö̦jö cudeenö, ya bä jömaö ja ya bejedimou showadawä.

Juan 6:44

Wale lä shömöleno wei, Fayä a lä cuinö bä blacämaimi ja, camiyä nija cama bä nia juu bädaomi. Bä lä blacämaö wei bä lä cui, tä lä jödödöblole däjä, ö̦jö ya bä nia jocädamaö co̦o.

Juan 8:28

Ö̦jö cudeenö, abinaja Jesúsnö bä nowa taö nomöjöoma. —Ya lä yanowamöblaleyoluno wei ya lä cui, wamale befi ca̦i i̦tamaö waiquio däjä, ö̦jö lä däjä, wamale nö nia bejedi ö̦jöböaö. “Ö̦jö lä a waiquiwä cuoma, a da cubleinaja showadawä”, wamale nofi nia tabou. “Cama a bufi cuu lä bädao weinaja, a cuaanomi. Bä Fö̦önö tä a̦ wäyäö ja, a wa̦ yai cuoma”, wamale nofi nia tabou.

2 Juan 1:9

Jesucristonö tä a̦ lä wäyäno wei tä a̦ jamö, shomi tä a̦ coyocobou lä dicoo wejei bänö Yai Bada tä taboimije. Jesucristonö tä a̦ yai lä wäyäno wei tä a̦ jamö bä lä cadidou wei bä lä cuinö, bä Fö̦ö e ma cui, bä Ijilubö e ma cui, ö̦jö lä cäcöbö tabou bolacaaje.

Apocalipsis 1:1

Camiyä Juan ya nija Jesucristonö tä lä damalaleno wei, ei tä a̦ oni. Jesucristo nija Yai Bada tänö ö̦jö tä bluca wawämalema, cama bäma ecö moyawämabou mö feduobä. Tä nö dedei showao mlao däjä, Yai Bada tänö tä nia lä taö wei tä nia cublou. Jesucristo a nosie juamobä ya lä cui nija tä dablamabä, a̦jele e shömöledayoma.