Juan 7:15 - Biblia Yanowamö

¹⁵ A wa̦ lä macocoablalou wei a wa̦ ja, judio bä bufi shädayaimoma. Abinaja bä cuma. —¿Wedinaja dodijiwä? Bada bä nija ei a damamono ma mlai ma cui, ¡tä nofi daö dodijiwä yai!—bä cuma.

Juan 7:15 Iomraidhean Croise

Mateo 13:54

Cama etä ulifi jamö a waloa co̦aliyoma, a oshe lä cuono wei jamö. Ö̦jamö a fa waloicunö, judio bä yododabä yafi jamö täbä yömölama. A wa̦ lä ji̦lino wejei bä lä cui, bä bufi bluca shädayaimolanö, abinaja bä nowa tayoma. —Fei a lä cui, ¿wedi nija a bufi li jaducublamolayoma tawä? ¿Wedinaja a li fa taamamonö, tä nö lä quilijii bei tä wawämaö majöa cule?

Mateo 22:22

Jesús a wa̦ ja, bä bufi yai shädayaimolayoma. Ö̦jö däjä, a fa dacöfälöjenö bä jua co̦layoma.

Mateo 22:33

Bä lä co̦camono wei bä lä cuinö, ö̦jö a wa̦ fa ji̦liläjenö, bä bufi yai shädayaimoma.

Lucas 2:47

Jesús a wa̦ lä ji̦liano wejei bä bufi bluca shädayaimoma. A bufi lä jaducuono wei tä ma cui ja, a wa̦ juo lä moyawäono wei tä ma cui ja, bä bufi shädayaimou dodijioma.

Lucas 4:22

A wa̦ lä ji̦liano wejei bä blucanö, a wa̦fa dodijaö tamaje. A wa̦ dodijaö ja, bä bufi möaama ma cui, abinaja bä cudou majölayoma. —¿José fei bä ijilubö emi daanö? —bä cuma.

Juan 1:19

Fe ojomalewä Juan a lä cui, a wa̦liije däjä, a wa̦ nö wäo shalilioma. Jelusale jamö nofi bäyäalewä ai bä lä cuono wei, Lewi nodiwä ai bä cuo mö lä feduono wei sho, Juan nijamö judio bänö ö̦jö bä shömölemaje. Abinaja Juan nija bä cuyoluma. —Ei wa lä cuaale, ¿wedi cafä bei wa? —bä cuma.

Juan 7:11

Bä iyaö ca̦i co̦camobä jamö judio bänö a dayäalajenö, a wa̦liadalaö cuaamaje. —¿Wedi jamö ö̦jö lä bei a li? —bä cuma.

Juan 7:13

Ö̦jö ma cui, judio bada bä nö quili fa tajenö, wawädowä a wa̦fa wayoanomije.

Juan 7:46

Bä lä shömöleno wejei bä bada lä cui, abinaja bä cuma. —Quiji a lä cui, a wa̦ yai walalawä fe balojowä. Ö̦jö a wa̦ yai ji̦limamou lä culenaja, yedu ja ma cui, fei däjä ma cui, ai bä a̦ ji̦limamou cuwämi waiquiwä —bä cuma.

Hechos 26:24

Inaja Pablo a nofi bäyäo showai ja, Fedo a wa̦ i̦cali falayoma. —¡Pablo, wa shi wa̦lii! Oni wa sibä showadi mödii ja, wa shi wa̦lijou.

Hechos 4:13

Pedro, Juan sho cäcöbö a̦ waiteli lä juono wei tä fa dalalöjenö, bada bä bufi wedinajamoma. Oni sibä ja, cäcöbö damamou fe balojoono malä mlaono wei. Showadi ai bä cua lä bädalenaja cäcöbö cuo mö malä feduono wei. Bä bufi fa möblalunö, “Jesús nija showadi cäcöbö lä nocaablalodino wei cäcöbö nofi yaiwä”, cäcöbö nofi tadalemaje.

1 Samuel 10:11

¿Ö̦jö tawä? Jeobaa a wa̦no wäyälewä bä a̦ lä fano wei däjä, Saulo a wa̦ ca̦i bädou fa dalalöjenö, Saulo a jaba lä dano wejei, bä bufi wedinajamou fe balojooma. Abenaja bä nowa tayoma. —¿Bejedi lä, Jeobaa a wa̦no wäyälewä bä lija, ö̦jö bei a ca̦i yädäa cadidia da culanö? Sisi bä ijilubö, ¿wedinaja bei e li cuaaö majöblaa cule? —bä nowa tayoma.