Juan 7:12 - Biblia Yanowamö

¹² Bluca bänö a wa̦fa wajado wayoaö cuaamaje. —A dodijaö —ai bä cuma. —Ma. Täbä mölamaö dicoo talei —ai bei bä cuu mö feduoma.

Juan 7:12 Iomraidhean Croise

Mateo 10:25

Tä a̦ lä wäyäö wei a wa̦ ji̦liaö lä mlajeinaja, inaja showawä cama ebä lä nocao wei bä a̦ nia ji̦liaimi cuo mö feduoje. Bada a nofi tabou lä mlajeinaja, inaja showawä cama ebä nofi nia taboimi cuo mö feduoje. Inaja lä waiquiwä. Bä ca̦i lä cule a bada lä cui, a wa̦fa Sadanasi taö waiquiweje yalo, cama ebä lä cule bei ebä a̦fa wayobou dodijia yaiqueije.

Mateo 21:46

Ö̦jö ma cui, a nia juwäaö ma showadaono wejei ma cui, yanowamö täbä nija bä quilima. “Yai Bada a wa̦no wäyälewä, ö̦jö a dodijiwä”, a nofi tabomaje yalo, cama bä mamo mötale däjä, a juwäaö quilimaje.

Mateo 27:63

abinaja ebä cuma. —Bada tä. Quiji a lä jolemono wei a lä cui, a demöo showao däjä, abinaja a cuu dicoo cublelei. “Bolacabö tä mö didi fa cublalunö, ya nia jocädou co̦o”, a cuma.

Lucas 18:19

Abinaja Jesúsnö a nowa tama. —¿Wedi tabä camiyä wale a̦fa dodijaö li taö? Yai Bada a lä cui, ö̦jö moli a shino dodijaö ayao.

Lucas 23:47

Sodado 100 bä ca̦i lä cuono wei a bada lä cuinö, ö̦jö tä bluca lä cublaliyono wei tä fa dalalönö, Yai Bada a nofi doablama. Abinaja a cuma. —Bejedi lä, ei a doblou lä mlai etä cuonomi.

Lucas 23:50

Ö̦jamö Alimadeateli José a wa̦fa lä cule, a ca̦i cuoma. Ö̦jö Alimadeateli bä lä cui, Judea tä ulifi jamö bä bälöo mö feduoma. Ö̦jö José a lä cui, a bejedimou bufi doblaoma, a dodijama. Judio bada bä lä läono wei bä nija a coyocooma.

Lucas 6:45

’A lä dodijaö wei a wa̦ faö däjä, bei bufi jamö tä dodijidawä lä didile etä a̦ nia wawäblou —a cuma—. Inaja showawä, wa̦lidiwä talewä a lä cui a wa̦ faö däjä, bei bufi jamö tä wa̦lidiwä lä didile etä a̦ nia ca̦i wa̦lidiwä wawäblou mö feduo. ¿Ö̦jö tawä? Bei täbä bufi jamö tä lä didile etä a̦ shino malä wawäblou wei.

Lucas 7:16

Ö̦jö tä ja bä bluca fa quililalunö, Yai Bada a nofi doablaöje ja, abinaja bä cuma. —Camiyä yamacö nija, ¡Yai Bada a wa̦no wäyälewä a bada waloqueyoluu lä cufe! ¡Yai Bada tänö bejedi lä cama ebä bayeliblaö dodijilayoyoluu lä cufe! —bä cuma.

Juan 6:14

Nii bä wai bolacami ma cui ja, Jesúsnö täbä bluca lä iyamaleno wei tä fa dalalöjenö, ö̦jö däjä Yai Bada e nö ö̦jöbölemaje. Abinaja bä cuma. —Yai Bada a wa̦no wäyälewä a nia jo̦wa lä juno wei, ¡fei ö̦jö lä a waiquiwä! —bä cuma.

Juan 7:32

Jesús a wa̦fa wajado lä wayoaö wejei, faliseo bä bada lä cuinö bä a̦ fa ji̦liläjenö, cama bä ma cuinö, nofi bäyäalewä blowäjäwä bä ma cuinö, Yai Bada etä yafi jamö bä bada lä läono wei bä nija, Jesús a juwäamaö bufimaje.

Juan 7:47

Abinaja faliseo bä bada cuu nomöjöoma. —Cafä wamacö ma cui, ¿ö̦jö nija wamacö nia ca̦i luluamou dicoo tawä?

Juan 7:52

Abinaja cama nija bä cuu nomöjöoma. —¿Cafä Calileateli wa mö fedua tawä? Yai Bada etä a̦ oni da mö. Calilea jamö Yai Bada a wa̦no wäyälewä a nia lä wawäblou wei, tä a̦fa wäyämoimi —bä cuma.

Juan 9:16

Faliseo ai bä bada lä cui, abinaja bä cuma. —Ma. Ei a lä jalomalöfe, Yai Bada tänö a shömanomi. Täbä yanöcöobä, tä mö jalu nofi cadidibou malä mlai —bä cuma. Ö̦jö ma cui, abinaja ai bä cuu mö feduoma. —Wa̦lidiwä talewä a cuo fa cunoja, tä nö lä quilijii tä lä wawämafenaja, a nö cuaaö fe balojoobö mlai —bä cuu mö feduoma. Einaja bä bluca cuu majöadalou ja, bä bufi shedequeblaliyoma.

Hechos 11:24

Cama Benabei a dodijama. Yai Bada tä Bufinö a fa jödödöblalunö a showadi cadidoma. A bufi cadidilanö Jesucristo a nofi mölabou dodijioma. Ö̦jamö, Bada tä Jesús a fa bufiläjenö, cama nija bluca bä yädäblaliyoma.

Romanos 5:7

Inaja yanowamö täbä nö cuaabö mlai. A bejedimou daö lä dodijio wei a ma cui, ö̦jö a bayeliblabeje bä nia shämou läo si ijejeomi. Cuwi. A showadi lä dodijaö wei a bayeliblabä, ai a shämou ojodaa ja̦toquei fa cui.

Filipenses 2:14

Wama tä bluca lä taö wei tä ja, dodijidawä bä da cuo. Wamacö bufi jushujuablalou mlai, wamacö a̦ lafujou mlai, wamacö dodijabä.