Juan 7:1 - Biblia Yanowamö

¹ Ö̦jö tä cublou waiquilayono wei ja, Calilea jamö Jesús a juu cuaama. Judio bänö a shäö bufi doblao waiquiomaje cudeenö, Judea jamö a juu bufionomi.

Juan 7:1 Iomraidhean Croise

Mateo 10:23

’Ai täbä shabonobö jamö wamacö nö bleaamaöje ja, ai lä täbä shabonobö nomöjöwä jamö, bä docua cuablalou da majöofälö —a cuma—. Cafä wamacö nija ei ya wa̦ lä cui, bejedi lä ya wa̦. Isaeli ebä nodiwä lä bälöblai jamö wamale a̦fa wäyäö jödödou cuaaö showao mlao däjä, camiyä ya lä yanowamöblaleyoluno wei ya lä cui, ya nia waloo co̦oyoluu.

Mateo 21:38

Ö̦jö ma cui, bä lä bälöblamabole bä lä cuinö, bada tä ijilubö e cadidiwä fa dalalöjenö abinaja bä nowa tayolayoma. “Ei bada tä ijilubö cadidiwä, ficali ca nia obi tabou lä juo wei. Fei däjä, bäma a shäa fa showadalönö, camiyä bämacönö bäma täca yai ficali tabou juo nomöjöobä”, bä nowa tayolayoma.

Marcos 11:18

Nofi bäyäalewä blowäjäwä bä ma cuinö, Moisesi tä a̦ ja täbä lä damaö wejei bä ma cuinö, Jesús a wa̦no ji̦lilemaje. A wa̦no fa ji̦liläjenö, a shäbeje a nofi washuamaje. Jödödöwä täbä lä cui, Jesús a wa̦ ja bä bufi bluca möaama yalo, bada bänö a nö quili malä tano wejei.

Juan 1:19

Fe ojomalewä Juan a lä cui, a wa̦liije däjä, a wa̦ nö wäo shalilioma. Jelusale jamö nofi bäyäalewä ai bä lä cuono wei, Lewi nodiwä ai bä cuo mö lä feduono wei sho, Juan nijamö judio bänö ö̦jö bä shömölemaje. Abinaja Juan nija bä cuyoluma. —Ei wa lä cuaale, ¿wedi cafä bei wa? —bä cuma.

Juan 4:54

¿Ö̦jö tawä? Judea tä ulifi jamö culanö, Calilea jamö a waloa fa majöicunö, tä nö lä quilijii tä jaba wawämalema, Yai Bada e nö ö̦jöböamobä. Ö̦jö däjä a juu co̦obä jamö, bada bä ijilubö e jalomaö däjä, inaja showawä a cuaaö co̦oma. Yai Bada e nö ö̦jöböamobä, a nö quiliaö co̦oma.

Juan 6:1

Ö̦jö tä cublou waiquilayono wei ja, modu Calilea ai u mashi jamö Jesús a bucadubaliyoma, Dibelia u a̦fa ca̦i lä cule jamö.

Juan 7:11

Bä iyaö ca̦i co̦camobä jamö judio bänö a dayäalajenö, a wa̦liadalaö cuaamaje. —¿Wedi jamö ö̦jö lä bei a li? —bä cuma.

Juan 7:13

Ö̦jö ma cui, judio bada bä nö quili fa tajenö, wawädowä a wa̦fa wayoanomije.

Juan 7:19

’Yai Bada tänö tä tamaö lä bufii wei, cafä wamacö nija Moisesinö tä a̦ jöböquema, ¿ö̦jö tawä? —a cuma—. Tä a̦ ma jöböqueno wei ma cui, moli ai wamacö ma cuinö wama etä a̦ nofi cadidiboimi. ¿Wedi tabä bei wamale shäö bufi li doblao, ö̦jö lä?

Juan 7:25

Wawädowä Jesúsnö bä damaö cudeenö, abinaja Jelusaleteli ai bä cuma. —A shäö bufi lä doblao wejei, ¿fei bei ami?

Juan 7:35

Judio bä wa̦liyou ja, abinaja bä cuma. —Fei a lä cui, ¿wedi jamö a nia li juu fa nomöjöonö, a wa̦ li? Bei bäma a nia jo̦wa dablaö co̦daaimi. Clesiateli bä nijamö, ai bämacö judio lä coyocole bä nijamö, ¿ö̦jamö a nia juu tawä, shomi täbä nija tä a̦ li wäyäö nomöjöobä?

Juan 8:37

’Ablaamö nija wamacö lä nodiblaliyono wei, ya tä daö lä. Ö̦jö wama ecö bäwä ma cui, wamale a̦ waii dicoo yalo, wamale shäö bufi doblao.

Juan 8:40

Ö̦jö ma cui, inaja wamacö cuaaimi dicowä. Yai Bada nijamö ya wa̦ lä ji̦lileno wei, cafä wamacö nija ya tä a̦ bejedi ma wäyäö wei ma cui, wamale shäö bufi doblaa dicoa lä cule. Inaja Ablaamö a cuaano malä mlai.

Hechos 10:38

Ö̦jö Nasaleteli Jesús a lä cui, Yai Bada tänö a bayelibou ja, bei Bufinö a jödödöboma. A nö ca̦i wa̦lojomaboma. ¿Ö̦jö tawä? Täbä shino bayeliblaö cuaama. Fecula bada tänö bä nö lä bleaamano wei, bä bluca ca̦i jalomaö cuaama. Yai Bada tänö a ca̦i malä cuono wei.