Juan 6:70 - Biblia Yanowamö

⁷⁰ Abinaja Jesús e cuma. —Iba 12 wamacö lä cui bämacö yaia waiquilema. Ö̦jö ma cui, cafä wamacö ai a lä cui, fecula a —e cuma.

Juan 6:70 Iomraidhean Croise

Juan 13:18

’Cafä bluca bämacö a̦fa wayoaimi —Jesús a cuu co̦oma—. Iba ya bä lä yaileno wei, ya bä daö. Tä nia lä cublou wei tä lä cui, Yai Bada etä a̦ bejedi wawäblou bufio yalo, tä nia li cublou. Abinaja tä a̦ oni cuu. Camiyä nija a showadi lä iyano wei a lä cuinö wale nomojoliaö nomöjöa lä cule. ’Einaja tä a̦ cuu. ¿Ö̦jö tawä?

Juan 13:2

Bei. Simón bä ijilubö Juda Icaliode a lä cui, fecula bada anö a bufi taamaö waiquioma, bä weyade lä iyano wei däjä. Jesús a nia nomojoliama.

Juan 13:21

Einaja Jesús a fa culunö, a bufi nofi fa jushublaonö, cama a wa̦fa wäyämou shalilioma. —Cafä wamacö nija ei ya wa̦ lä cui, bejedi lä ya wa̦. Ya jolemoimi. Cafä wamacö ai a lä cuinö wale nia nomojoliaö—a cuma.

Juan 13:27

Nii a fa dälänö, cama nija Sadanasi a lucäa showadalayoma. Abinaja Jesús e cudaliyoma. —Wa tä nia lä taö wei, fei däjä tä taö da showadao —e cudaliyoma.

Juan 15:16

’Cafä wamacönö camiyä wamale yaianomi —a cuma—. Ma, camiyänö cafä bämacö yai yailema. Bämacö nia fa shömanö, bämacö cadidialalema, nii bä wawäblou lä culenaja, cafä wamacö ma cuinö, dodijidawä wama tä wawäblamaö cuobä. Wama tä dodijidawä lä wawäblamaö wei tä lä cui tä mladou mlai ja, tä cudalodibä. Inaja wamacö cuaaö ja, camiyä ya wa̦nö, Fayä nija wamacö nö bayeli nacao lä bädao wei tä ma cui ja, Fayänö wamacö nia dobäö.

Juan 15:19

Yanowamö täbä bufi lä cuaablalou weinaja wamacö bufi cuaaö mö feduo fa cunoja, wamacö nö shino nofimabö wejei. ¿Ö̦jö tawä? Yanowamö ai täbä lä culenaja wamacö cuo ma balöono wei ma cui, iba wamacö cuo nomöjöobä, bämacö yailema. Ö̦jö cudeenö wamacö nofi wa̦libouje.

Juan 17:12

Ö̦jö ya bä ca̦i cuo showao däjä, camiyä nija wa lojode lä wäyämono wei tä showawänö, ya bä nowamadima. Ya bä noshi umaboma. Dodijidawä bä cua lä cule. A nomabä, moli a cuo lä showadaono wei a lä cui, ö̦jö a shino wa̦lidiblaliyoma. Cafä wa wa̦no oni jamö, tä a̦ lä cuu weinaja tä bejedi wawäblou bufioma yalo, ö̦jö tä li cublaliyoma.

Juan 2:2

Jesús a ma cui, cama ebä lä nocamabono wei bä ma cui, ö̦jö bä bluca nacalemaje, cäcöbö nofi co̦camoabeje.

Juan 20:24

Jesús a lä bädaliyono wei däjä, cama 12 a wa̦ lä juaö wejei ai e a̦fa Tomás lä cui, a cuonomi. Cäcöbö lä e̦lequeblaliyono wei a, a wa̦fa ca̦i lä jilamono wei a lä cui.

Juan 6:64

Ö̦jö ma cui, cafä ai wamacö lä cuinö wamale a̦ bejedi bufiimi —bä nowa tama. ¿Ö̦jö tawä? Jaba däjä ma cui, a wa̦ bejedi bufii lä mlajei bä daö malä showaono wei. A nia lä nomojoliano wei a ca̦i.

Juan 6:67

Cama 12 ebä nija abinaja Jesús e cuu juoma. —Cafä wamacö ma cui, ¿inaja showawä wamacö cublou ojode tawä? —a cuma.

Juan 6:71

Simón Icaliode bä ijilubö Juda a wa̦fa wäyäma. Cama 12 ebä nija a ma cuono ma cui, a nia malä nomojoliano wei.

Juan 8:44

’Faafä fecula bada wama ecö yai ijilubö. Ö̦jönö tä tamaö lä bufii weinaja, wamacö cuaaö bufi doblao. Jaba däjä ma cui, täbä shäö bufi doblao showaoma. A bejedimou daimi yalo, tä lä bejedi wei tä julii daimi waiquiwä. A jolemou däjä, cama a bufi lä cuaaö wei etä wawälayou. Jolemolewä a waiquiwä malä cui. Bä lä jolemou wei bä lä cui, ö̦jö nija bä li fö̦ömou.

Hechos 1:17

Camiyä yamacö ai a cuoma. Yai Bada a nosie juamobä, ö̦jö a ma cui a ca̦i taamaö mö feduo showaoma.

Hechos 13:10

Ö̦jö a möö fa cadidionö, a wa̦ fama. —¡Fecula bada wa ijilubö! Tä lä dodijidai wa tä nofi bluca lä wa̦libole wa. Showadi wa täbä mölamaö. Wa̦lidiwä showadi wa tä tadii. Yai Bada etä a̦ lä bejedi wei, wa etä a̦ shomiblamabä, ¿bei wa nia shijilodoimi?

1 Timoteo 3:11

Bä suwäbö ebä ca̦i dodijidawä cuo mö feduobä, ai bä a̦fa lä wayoaö wejei mlai. Cama bä suwäbö wasöo lä dodijii, showadi bä lä bejedimou wei bä suwäbö ebä cuobä.

Tito 2:3

Inaja showawä, suwä bufi moyawe wa bä nia ca̦i yömölaö. Bä lä dodijaö wei tänö Yai Bada a bufi doblamabobeje. Bä a̦fa taö mlaobeje. Bä shi lä wa̦limamou wei toubä ja, bä bufi mö blucao mlaobä. Ai bä dodijaö mö feduobä, bä damabeje.

1 Juan 3:8

Wa̦lidiwä tä lä taö wejei, fecula bada ö̦jö ebä li. Jaba däjä ma cui, ö̦jönö tä wa̦lidiwä taö malä showadaono wei. ¿Ö̦jö tawä? Fecula badanö tä lä taö wei etä wa̦liabä, Yai Bada bei Ijilubö e wawälayoyoluma.