Juan 6:7 - Biblia Yanowamö

⁷ Abinaja Felipe a cuma. —Cuwi. Blada 200 bä ma cui ja, bäma bä nii ma dälei wei ma cui, bä nö obimi. Nii wajaquemi bä wai jöbädamou ma cuaaö wei ma cui, ai bä nö damolayobö —a cuma.

Juan 6:7 Iomraidhean Croise

Mateo 18:28

’¿Ö̦jö tawä? —Jesús a cuma—. Ö̦jö ma cui, bada a nosie juamobä ö̦jö a showawä lä cui, abinaja cama a cuaaö dicooma. Sibo jamö a faö co̦o däjä, bada a nosie juamobä ai a mö feduwä lä cui, a dalalema. Ö̦jö nija bä nowa blada taboma. Bluca mlai, 100 bä nowa wai blada tabou bädaoma. Ö̦jö ma cui, bä blada co̦amaö showao fe yadiobä, bei olami ja imicö waliblaa showadaquema. “¡Iba blada 100 bä da co̦maba!”, a nowa tadalema.

Marcos 6:37

Ö̦jö ma cui, Jesús a wa̦ läoma. —Ma, cafä wamacönö wama bä yai iyamabä. Abinaja cama bä cuu nomöjöoma. —¿Wedinaja yamacö fa cuaanö, yama bä li iyamalei? ¿Blada 200 wa bä joyaö bufi doblao tawä, yama bä iyamabä? —bä cuma.

Juan 1:43

Ö̦jö tä fena ja, Calilea jamö Jesús a bufi cadidioma. Felipe a fa dalalönö, a nacalema. —Jabo. Camiyä nija a da yauiquiyo —e cuma.

Juan 1:44

Felipe a lä cui, Besaidateli a cuoma. Andrés a ma cui, Pedro a ma cui, ö̦jöteli bä bluca cuoma.

Juan 1:45

Felipe a lä cuino, Nataniel a fa dayäblalönö, abinaja e cuma. —Moisesi etä a̦ oni jamö a wa̦fa wäyämou lä balöono wei, yama a dalalei culoi. Yai Bada a wa̦no wäyälewä bä ma cuinö, a wa̦fa ca̦i onibomaje. Nasaleteli Jesús, ö̦jö a waiquiwä, José bä ijilubö e lä cui —e cuma.

Juan 1:46

Abinaja Nataniel e cuma. —Nasaleteli bä nijamö, ¿tä nö bayeli cublou yai tawä? —e cuma. Felipe abinaja e cuma. —Ja̦o. Jabo, ö̦jö lä. Wa möblabä.

Juan 1:48

Nataniel abinaja e cudaliyoma. —Ja̦o. ¿Wedi tänö bei wale li daö cule? Abinaja Jesús a cuma. —Felipenö wa nacaö showao mlao däjä, ico fi cotä jamö wa da lole bäfä dalalema —a cuma.

Juan 12:5

—Fei toubä nowa bluca fe balojowä. Ö̦jö lä toubä ja, ¿wedi tabä blada 300 bä däanomi, bä lä jo̦li wei bä yai bayeliblamobä? —a cuma.