Juan 6:68 - Biblia Yanowamö

⁶⁸ Simón Pedro abinaja e cuma. —Tä a̦ wäyäle. ¿Wedi jamö a lä cui nija yamacö juu nomöjöobä? Täbä nia lä ba̦limiblou wei, cafänö wa tä a̦ yai li tabou.

Juan 6:68 Iomraidhean Croise

Mateo 16:16

Pedro a wa̦ juoma. —Yai Bada tänö a shömabä a lä yaileno wei, ö̦jö cafä bei wa dodijiwä. Yai Bada a demi cua shi lä wa̦lile, ö̦jö bei wa Ijilubö —bei e cuma.

Marcos 8:29

—Ö̦jö ma cui, cafä wamacö lä cuinö, ¿wedinaja bei wamale nofi li tabou dodijia cule? —Jesús a cuma. Pedro a wa̦ juoma. —Yai Bada tänö a shömabä a lä yaileno wei, ö̦jö cafä bei wa dodijiwä —bei e cuma.

Lucas 9:20

Abinaja e cuma. —Ö̦jö ma cui, cafä wamacö lä cuinö, ¿wedinaja bei wamale nofi li tabou dodijia cule? —a cuma. Pedro a wa̦ juoma. —Yai Bada tänö a shömabä a lä yaileno wei, ö̦jö cafä bei wa dodijiwä —bei e cuma.

Juan 12:49

Camiyä ya bufi lä cuu weinaja ya tä a̦ wäyäö bädao malä mlai. Fayänö wale lä shömöleno wei a showawä lä cuinö wale nosiemaö ja ya wa̦. Cama a wa̦nö ya wa̦ cadidou.

Juan 12:50

Yai Bada tänö tä tamaö lä bufii wei tä ja bä cadidou ja, ba̦limi bä nia cuo. Ö̦jö ya tä daö cudeenö, Fayänö tä a̦ wäyämaö lä bufii wei, ya tä a̦ li wäyäö —a cuma.

Juan 17:8

Cama bä nija, cafä bäfä a̦no malä wäyäno wei. Wa wa̦no ji̦liamaje. Cafä nijamö ya cuoma ya lä waloqueyoluno wei tä lä cui, ö̦jö tä bejedi ca̦i daöje. Cafänö wale lä shömöleno wei tä ma cui, ö̦jö tä a̦ ca̦i bejedi bufiije.

Juan 5:24

’Cafä wamacö nija ei ya wa̦ lä cui, bejedi lä ya wa̦—a cuma—. Wale a̦ fa ji̦liajenö, wale lä shömöleno wei a wa̦ bejedi lä bufii wejei bä lä cui, ba̦limi bä cuobä bä li waiquiwä. Bä dobloimi jömamobä bämi. Ö̦jö bä lä cui, bä nomabä bä ma cuono wei ma cui, bä ba̦limiblou nomöjöa lä cule.

Juan 6:40

Abinaja Fayänö täbä taamaö bufi doblao malä cui. Bä Ijilubö wale nö yai lä ö̦jöböaö wejei bä lä cui, wale a̦ bejedi bufiije ja, bä ba̦limi tamabou bufi doblao. Tä lä jödödöblole däjä, ö̦jö ya bä nia demi jocädamaö co̦o —a cuma.

Juan 6:63

Yai Bada tä Bufinö täbä shino yanowamö ba̦limiblamaö, cama yanowamö täbä showawänö mlai. Cafä wamacö nija ya wa̦ lä faö wei ya wa̦nö, bämacö bufi jaducublamabä ya wa̦, Yai Bada tä Bufinö wamacö ba̦limiblobä.

Hechos 13:26

’Iba wamacö —a cuma—. Ablaamö nodiwä wamacö lä cui. Shomi wamacö ca̦i, Yai Bada wama a nö quili lä taö wei wamacö. Bämacö nia lä jucäamou wei tä a̦ lä cui, camiyä bämacö nija tä a̦ shömölema, ¿ö̦jö tawä?

Hechos 4:12

Ai a nija bämacö nia lä jucäamou wei a cuami. Jödödöwä täbä lä bälöblai täbä ma cui nija, ai a wa̦fa wäyämamou malä mlai, bämacö jucäamobä —Pedronö bä nowa tama.

Hechos 5:20

—Yai Bada etä yafi jamö wamacö cua fa co̦lunö, bä yömölaö da co̦oduje. Fei däjä, Yai Bada nija dodijidawä wamacö cua lä nomöjöle, bä a̦ da wäyämo —bä nowa tama.

Hechos 7:38

Tä ulifi blocoobä jamö, Isaeli nodiwä bä co̦camolanö, bä juu lä cuaafälöno wei, ö̦jö Moisesinö bä ca̦i cuoma. Sinai cäcö jamö ö̦jö Moisesi nija showawä, Yai Bada tänö cama a̦jele etä lä shömöleno wei a wa̦ fama. Camiyä bämacö nö ca̦i badabö cuoma, Moisesinö. Yai Bada nija dodijidawä bä ba̦limi cuobä, Moisesi nija tä a̦ bluca wäyäö fa balöonö, bämacö nö badabö nija tä a̦ wäyäö fe dolemou nomöjöoma.

Hechos 8:37

—Jesús wa wa̦ bejedi bufii ja, wa fe ojoblamobä wa waiquiwä —a Felipe cuu mö feduoma.