Juan 6:61 - Biblia Yanowamö

⁶¹ Ö̦jö ma cui, Jesúsnö bä bufi jushujuwä ca̦i lä fano wei tä daö fa showadaonö, abinaja bä nowa tama. —Camiyä ei ya wa̦ ja, ¿wamacö nia ja̦amodou daanö?

Juan 6:61 Iomraidhean Croise

Mateo 11:6

¿Ö̦jö tawä? Camiyä wale nofi mölabou fe lä yadio wei a lä cui, ö̦jö a bufi nia yai doblalou —bä nowa tama.

Mateo 17:27

¿Ö̦jö tawä? Camiyä bämacö nija bä blada nacabeje bämacö ma mlai ma cui, bä jushuo mlaobä, blada bäma bä nia jöböaö fe yadio. ’Modu u jamö, ufeya a da ca̦balöcölö, ö̦jö lä —a cuma—. Yuli wa jaba lä yocäblale, wa caficö fa caloblalönö, blada wa nia didia dablaö. Blada bä lä nacaö wejei bä nija, ö̦jö a blada da jöböbadu. Cafä nija a nia blada lä nacaö wejei a ma cui, camiyä nija a nia nacaö mö lä feduo wejei a ma cui, ö̦jö moli a ma cui ja, bäfäcö nowa nia cuo —Jesús a cuma.

Juan 16:19

A wa̦lii bufi lä doblaono wejei Jesúsnö tä daö waiquioma yalo, abinaja bä nowa tama. —Bämacö nowa lä tafe tä a̦ ja, ¿wamacö wa̦liyo da culanö? Abinaja ya cuma. Tä nö dedejeblou mlai ja, wamale nia dablaö mladou. Tä nö dedejeblou co̦o däjä, wamale nia shino dablaö co̦o. ¿Ö̦jö tawä?

Juan 21:17

Ö̦jö däjä, Jesúsnö 3 a wa̦lii co̦oma. —Jonasi ijilubö Simón wa lä cui. ¿Wale nofimaö da culanö? —e cuu co̦oma. ¿Ö̦jö tawä? “¿Wale nofimaö da culanö?”, 3 a cuu co̦o ja, Pedro a bufi nö bleaama. Abinaja e cuma. —Bada tä. Wa tä daö jödödöwä. Bäfä lä nofimaö wei wale daö —e cuma. —Wale nofimaö ja lä, iba oweja bä da iyama, ö̦jö lä.

Juan 6:64

Ö̦jö ma cui, cafä ai wamacö lä cuinö wamale a̦ bejedi bufiimi —bä nowa tama. ¿Ö̦jö tawä? Jaba däjä ma cui, a wa̦ bejedi bufii lä mlajei bä daö malä showaono wei. A nia lä nomojoliano wei a ca̦i.

Hebreos 4:13

Yai Bada lijamö a nia lä jo̦yao wei, moli ma cui a cuami waiquiwä. Täbä jödödöwä wawädobou. Ö̦jö a showawä lä cuinö bämalecö a̦ nö nia wäamaö.

Apocalipsis 2:23

Ö̦jö a suwä lä cui, bä ijilubö ya ebä nia shäö showadao, a wa̦ suwä lä juaö wejei bä lä cui, iba bä lä yododoblai bä bufi yai jaducublobä. Bä bufi lä cuaablalou wei ma cui ya tä daö. Bä bufi lä waiyou wei tä ca̦i. Bä lä cuaaö wei tä nowa lä cudalenaja ya tä nowa nia bluca co̦aö cuo.