Juan 6:57 - Biblia Yanowamö

⁵⁷ ’Fayänö wale shömölema, täbä lä ba̦limiblamaö wei a lä cuinö —a cuma—. Ba̦limi ya cuobä, camanö wale tablalema. Inaja showawä, wale lä waö wejei bä lä cui, camiyänö ba̦limi ya bä nia tablamaö.

Juan 6:57 Iomraidhean Croise

Mateo 16:16

Pedro a wa̦ juoma. —Yai Bada tänö a shömabä a lä yaileno wei, ö̦jö cafä bei wa dodijiwä. Yai Bada a demi cua shi lä wa̦lile, ö̦jö bei wa Ijilubö —bei e cuma.

Juan 14:19

Tä nö dedeblou mlai ja, yanowamö täbänö wale nia dablaö co̦o ma mlajei ma cui, cafä wamacönö wamale nia shino yai dablaö. Camiyä ba̦limi ya cua waiquia yalo, inaja showawä wamacö nia ba̦limi cuo mö feduo.

Juan 14:6

Abinaja Jesús a cuma. —Camiyä ö̦jö ya yoca waiquiwä. Bejedi tä lä cui, ö̦jö ya ca̦i. Täbä ba̦limi cuobä, ö̦jö ya showawä. Camiyä nija bä juu lä mlai, Fayä nija bä waloo daomi.

Juan 17:21

Jai moli bä bluca cublobä ya wa̦. Fabe. Camiyä nija cafä wa lä culenaja, cafä nija camiyä ya cua mö lä fedulenaja, inaja showawä camiyä bäfäcö nija ö̦jö bä cuo mö feduobä. Ö̦jö bämacö bluca cublobä. Inaja lä bämacö lä cuaaö wei tänö, yanowamö täbä bufi jaducublobä ya wa̦. Cafänö wale lä shömöleno wei tä lä cui, tä a̦ bejedi bufiabeje.

Juan 3:17

Yai Bada tänö bita jamö bä Ijilubö wale lä shömöleno wei ya lä cui, yanowamö ya täbä nö bleaamabä wale shömano malä mlai. Ya täbä yai jucäabä wale shömölema.

Juan 5:26

Ba̦limi bä cuobä Fayänö bä lä taamaö weinaja, bei Ijilubö ya e ma cui, inaja showawä ya e ca̦i cuaaö mö feduobä wale malä tablamaleno wei.

Juan 6:29

Abinaja Jesús e cuma. —Yai Bada tänö wale lä shömöleno wei wamale a̦ bejedi da bufi, ö̦jö lä. Ö̦jö lä tä nabä shino shömaö —e cuma.

Juan 6:38

Fedu jamö culanö ya lä itolayono wei ya lä cuinö, camiyänö ya tä taö lä bufii wei ya tä tabä, ya itono malä mlai. Wale lä shömöleno wei a lä cuinö, ö̦jönö tä tamaö lä bufii wei ya tä yai tabä, ya malä itolayono wei.

1 Corintios 15:22

Adana lija täbä yädäa yalo täbä bluca nomaö malä cui. Inaja showawä, Cristo lija täbä fa yädäicunö täbä demi nia cuo shi wa̦lii.

1 Corintios 15:45

Abenaja tä a̦ oni cuu. Yanowamö a jaba cuo lä balöono wei, Adana a lä cui, a demi cublaliyoma. Einaja tä a̦ cuu. Yanowamö a cuo lä nodiono wei, Cristo a lä cui, täbä demi tamabou shi wa̦liobä bei a cublaliyoma.

2 Corintios 13:4

A yanowamöblaliyoma yalo, bei a li ujuduo bädaoma. Fii balitama tefi ja a shälema ma cujei, fei däjä a ujudimi. Yai Bada tä lofotenö a demi cua lä cule. ¿Ö̦jö tawä? Cristo a ujudi lä cuono weinaja yamacö ujudi cublalou ma cule, mijamö bämacö ca̦i cuo däjä, ujudi yamalecö nia dablaimi. Yai Bada tä lofotenö, Cristo a demi lä culenaja yamacö cua mö fedua yalo, yamalecö nia lofote dablaö.

Gálatas 2:20

¿Ö̦jö tawä? Fii balitama tefi jamö Cristo a lä shäleno wejei däjä, camiyä ya ca̦i shämoa yädäa showalayoma. Fei däjä ya demi lä cule, Cristonö wale ca̦i demi cua. Camiyä ya bufi lä cuaablalou weinaja ya cuaaimi. ¿Ö̦jö tawä? Eja ya demi cua lä showale, Yai Bada bei Ijilubö ya e nofi mölabolanö ya e cua lä cule. Wale fa nofilänö, wale bayeliblabä cama a jibämoquema.

1 Tesalonicenses 1:9

Cama cäbä showawä ma cuinö tä a̦fa malä wayoaö wejei. Cafä wamacönö dodijidawä yamalecö a̦ lä ji̦liano wei tä a̦fa wayoaöje. Nö ijidubö bä lija wamacö nö jaba bayeli ma nacaono wei ma cui, Yai Bada wama a nofi yai mölabobä, wama bä jo̦wa fujeblalema. Yai Bada tä demi cua shi lä wa̦lile, tä Yai Bada bejedi bufiblamobä tä lä cule, ö̦jö wama a nosie yai fuaö majöobä wamacö bufi mö jo̦wa yabajadaliyoma.

Hebreos 9:14

¡fei däjä yai! Cristo i̦yäbönö fei däjä bei wamacö bufi yai aublou dodijia yailayou. Etä wa̦lidiwä cua mlai ja, Yai Bada lija a dodomoquema. Yai Bada tä Bufi lä ba̦limi wei tä lofotenö, a dodijidawä dodomoquema. Wamacö lä cuaano wei tänö wamacö mili nomama ma cui, bei wamacö bufi jamö tä wa̦lidiwä lä läono wei, Cristo i̦yäbönö tä mladamalema. Wamacö bufi aublou majölayoma. Fei däjä wamacö yai au, Yai Bada a cua shi lä wa̦lile wama a nosie yai fuaö majöobä.

1 Juan 4:9

Yai Bada tänö bä Ijilubö moli e lä cui, bita jamö a shömöledayoma, cama nija bämacö ba̦limi cuobä. Ö̦jö tänö, bämalecö yai lä nofimaö wei tä damalalema.