Juan 6:53 - Biblia Yanowamö

⁵³ Ö̦jö cudeenö, abinaja Jesúsnö bä nowa tama. —Cafä wamacö nija ei ya wa̦ lä cui, bejedi lä ya wa̦. Ya lä yanowamöblaleyoluno wei ya lä cui, wamale ya̦ji waimi ja, wamale i̦yäbö coaimi ja, ba̦limi wamacö nia cuomi.

Juan 6:53 Iomraidhean Croise

Mateo 18:3

—Cafä wamacö nija ei ya wa̦ lä cui, bejedi lä ya wa̦. Ijilu bä a̦ juo si ijejeoblou lä culenaja wamacö cubloimi ja, Yai Bada tänö cama ebä ca̦i nia lä cuo wei jamö, wamacö nia cuomi waiquiwä.

Mateo 5:18

Cafä wamacö nija ei ya wa̦ lä cui, bejedi lä ya wa̦. Judu mösö ma cui, bita a ma cui, ö̦jö tä bluca cuo showao däjä, Moisesi tä a̦ oni nia joyamou balöomi. Moli tä mamo wai lä onile ma cui, tä nia oni joyamoimi. Moisesi etä a̦ lä cuu wei tä a̦ bejedi cublou showao mlao däjä, tä a̦ nia oni mladou bädaomi.

Mateo 8:20

Abinaja Jesús e cuu mö feduoma. —A möla dijä, ya yafibö cuami. Yalo bä bäcabö cublawä. Biyomö bä ma cui, bä yabäcabö cublawä mö feduwä. Ö̦jö ma cui, camiyä ya lä yanowamöblaleyoluno wei ya lä cui, ya yanobö cuami —e cuma.

Lucas 13:3

Ma. Inaja tä cuonomi. Cafä bämacö nowa taö lä cule. Wa̦lidiwä tä ja wamacö bufi lädoimi ja, cafä wamacö ma cui, inaja showawä wamacö nia ca̦i shämou cuo mö feduo.

Lucas 13:5

Ma. Cafä bämacö nowa taö lä cule. Wa̦lidiwä tä ja wamacö bufi lädoimi ja, cafä wamacö ma cui, inaja showawä wamacö nia ca̦i shämou cuo mö feduo.

Juan 13:8

—Ma. Camiyä wale mamicö nia yaluimi —Pedro a cuu co̦oma. Jesús abinaja e cuma. —Bäfä yaluimi ja, camiyä nija wa nia yädäomi —e cuma.

Juan 15:4

’Camiyä nija bä yanöcöwä da cuicu —a cuma—, cafä wamacö nijamö ya lä culenaja showawä. Colo toto jamö totobä boco shadiomi ja, uba bä ca̦i nia faimi waiquiwä. ¿Ö̦jö tawä? Inaja showawä, camiyä nija wamacö yanöcöwä cuomi ja, cafä wamacö nija dodijidawä tä nia wawäbloimi.

Juan 3:3

Abinaja Jesús e cuma. —Cafä nija ei ya wa̦ lä cui, bejedi lä ya wa̦. A tablamou co̦o lä mlai a lä cuinö, Yai Bada tänö cama ebä nia ca̦i lä cuo wei tä nia dablaimi —e cuma.

Juan 3:36

Ö̦jö bä Ijilubö e a̦ bejedi lä bufii wejei bä lä cui, ba̦limi bä cuobä bä li. Ö̦jö ma cui, bä Ijilubö e a̦ juaö lä mlajei bä lä cui, ö̦jö bä nia ba̦limi cuomi. Yai Bada tä nö wa̦lowä lä jushudou wei tänö bä nö bleaabä ö̦jö bä li.

Juan 3:5

Abinaja Jesús e cuma. —Cafä nija ei ya wa̦ lä cui, bejedi lä ya wa̦. Mau u ma cuinö, Yai Bada tä Bufi ma cuinö, ö̦jö tänö a tablamou co̦o lä mlai a lä cui, Yai Bada tänö cama ebä ca̦i cuobä jamö a cuo daomi.

Juan 6:47

’Cafä wamacö nija ei ya wa̦ lä cui, bejedi lä ya wa̦ —a cuma—. Wale a̦ bejedi lä bufii wejei bä lä cui, ba̦limi bä cuobä bä li waiquiwä.

Juan 6:51

Bä ba̦limi cuobä cäcö nii lä cui, ö̦jö bei ya waiquiwä, fedu jamö culanö ya lä itolayono wei ya lä cui. Camiyä ya cö nii lä cui ja bä lä iyaö wei bä lä cui, ba̦limi bä nia cuo. ¿Ö̦jö tawä? Yanowamö täbä ba̦limi cuobä ya cö nii lä jöböaö wei, bei ya ya̦ji nia jöböamou —a cuma.

Juan 6:55

Bei ya ya̦ji lä cui, ö̦jö nii cäcö yai malä cui. Bei ya i̦yäbö lä cui, bä amishi yai co̦obä, ö̦jö cäbä.

Juan 6:62

Ya lä yanowamöblaleyoluno wei ya lä cui, ya jaba lä cuono wei jamö wamale yai ösöö dablaö fa cunoja, ¿wedinaja wamacö bufi nö cuu nomöjöobö wei?

1 Juan 5:12

Bä Ijilubö e lä tabou wejei bä lä cui, ba̦limi bä li cua waiquia. Yai Bada bei Ijilubö e tabou lä mlajei bä lä cui, bä nia lä ba̦limio wei etä cuami.

Apocalipsis 2:17

’Bä yömöcacö lä walalai bä yömöca dao dodijiobä —a cuma—. Yai Bada tä Bufinö iba bä lä yododoblai bä nowa lä taö wei tä a̦ ji̦liabeje. Bä nö wa̦lojaö lä ayao wei bä lä cui, ya bä nia iyamaö, nii manaa bä lä jo̦yale bä ja. Maa au ya mabä nia ca̦i oni jöbäö. Dude a wa̦fa ca̦i lä onile, ya mabä nia jöbäö, a wa̦fa daö lä mlajei. Mabä lä däaö wejei bä lä cuinö a wa̦fa nia shino daöje.

Apocalipsis 2:7

’¿Ö̦jö tawä? —a cuma—. Bä yömöcacö lä walalai bä yömöca dao dodijiobä, Yai Bada tä Bufinö iba bä lä yododoblai bä nowa lä taö wei tä a̦ ji̦liabeje. Bä nö shino wa̦lojaö lä ayao wei ya bä nia doblamabou. Yai Bada etä ca jamö, ba̦limiblamodima defi lä ublale defi ja, bä nia iyaö —a cuma.