Juan 6:51 - Biblia Yanowamö

⁵¹ Bä ba̦limi cuobä cäcö nii lä cui, ö̦jö bei ya waiquiwä, fedu jamö culanö ya lä itolayono wei ya lä cui. Camiyä ya cö nii lä cui ja bä lä iyaö wei bä lä cui, ba̦limi bä nia cuo. ¿Ö̦jö tawä? Yanowamö täbä ba̦limi cuobä ya cö nii lä jöböaö wei, bei ya ya̦ji nia jöböamou —a cuma.

Juan 6:51 Iomraidhean Croise

Mateo 20:28

camiyä ya lä cuaaö weinaja showawä. Camiyä ya lä yanowamöblaleyoluno wei ya ma cui, ya nosiemobä ya junomi. Ya bä yai bayeliblabä, ya li waloqueyoluma. Yanowamö ai ya bä nowa ca̦i bluca co̦amabä, ya jöböamou mö juma —bä nowa tama.

Lucas 22:19

Ö̦jö däjä nii a fa dälönö, Yai Bada nija a bufi a̦fa doblalou wäyämou co̦oma. Ö̦jö däjä a fa joyolalönö cama ebä nija bä jöbäö cuaama. Bä jöbälanö abinaja bä nowa tama. —Ei nii a lä cui, camiyä ya nia lä jöböo wei, ei bei ya ya̦ji nö owä, cafä wamacö bayeliblamobä ya nia lä jöböo wei. Bämacö iyaö lä cuaalenaja bä cuaaö da juo, wamale nofi jaducubobä —bä nowa tama.

Juan 1:14

Awei. Ö̦jö bei tä a̦ jaba cuo lä showaono wei tä a̦ lä cui, ya̦cumö tä a̦ yanowamöblaleyoluma. A fa yanowamöblalunö, ö̦jönö yamalecö ca̦i bälöoma. Yama a doblao dalalema. Bä Ijilubö moli e cuoma yalo, bä Fö̦ö enö a doblamabou dodijioma. Bejedi lä. Täbä jödödöwä nofi showadi ojodaboma. Showadi a bejedimoma.

Juan 1:29

Ö̦jö tä fena ja, Jesús a juu fa dalalönö, Juan a wa̦ fama. —¡Ei, ei! Quiji a lä cui, Yai Bada tänö a shömölema. Oweja a wa̦fa ocalo lä jilamou wei a. Bita jamö täbä lä bälöblai täbä nowa wa̦lidiwä mladamabä, a nia lä shämou wei, ö̦jö lä a.

Juan 11:26

Bä demi lä cublai bä lä cuinö, wale a̦ bejedi bufiije ja, bä nomaö mlaicätä. ¿Ö̦jö tawä? ¿Wale a̦ bejedi bufii cule? —a cuma.

Juan 3:13

Abinaja e cuu co̦oma. —Fedu jamö a yanowamö lä ösölayono wei a cuami, wama a wa̦ ji̦liabä. Ö̦jamö lä ya cuoma ya lä itolayono wei ya lä cuinö ya tä shino li daö, ya lä yanowamöblaleyoluno wei ya lä cuinö.

Juan 3:14

¿Ö̦jö tawä? Ulifi bloque a jamö, Moisesinö olu cäcö nö ijidubö befi ca̦i lä i̦taqueno weinaja, inaja showawä camiyä ya lä yanowamöblaleyoluno wei, ya befi ca̦i i̦tao cuobä ya.

Juan 3:16

’Yai Bada tänö yanowamö täbä nofimaö fa dodijionö, bä Ijilubö moli ya e lä cui yale shömölema. Wale a̦ bejedi lä bufii wejei bä bluca lä cui, bä nomaö mlai ja bä ba̦limi cuobä.

Juan 3:36

Ö̦jö bä Ijilubö e a̦ bejedi lä bufii wejei bä lä cui, ba̦limi bä cuobä bä li. Ö̦jö ma cui, bä Ijilubö e a̦ juaö lä mlajei bä lä cui, ö̦jö bä nia ba̦limi cuomi. Yai Bada tä nö wa̦lowä lä jushudou wei tänö bä nö bleaabä ö̦jö bä li.

Juan 5:24

’Cafä wamacö nija ei ya wa̦ lä cui, bejedi lä ya wa̦—a cuma—. Wale a̦ fa ji̦liajenö, wale lä shömöleno wei a wa̦ bejedi lä bufii wejei bä lä cui, ba̦limi bä cuobä bä li waiquiwä. Bä dobloimi jömamobä bämi. Ö̦jö bä lä cui, bä nomabä bä ma cuono wei ma cui, bä ba̦limiblou nomöjöa lä cule.

Juan 6:33

Yai Bada tänö cäcö nii lä jöböaö wei cäcö lä cui, fedu jamö cäcö cuoma cäcö itolayoma. Yanowamö täbä ba̦limi cuobä, ö̦jö cäcö nii yai —Jesús e cuma.

Juan 6:35

Abinaja Jesúsnö bä nowa taö ja a cuma. —Bä ba̦limi cuobä cäcö nii lä cui, ö̦jö bei ya. Camiyä nija bä lä juu wei bä nia ofäimi. Camiyä wale a̦ bejedi lä bufii wejei bä nia amishaö co̦daaimi.

Juan 6:41

Ö̦jö däjä, Jesús a wa̦ ja judio bä bufi jushujuablaloma. “Fedu jamö ya cö nii lä cuono wei ya cö itolayoma”, a cuma yalo, bä a̦ lämoma.

Juan 6:47

’Cafä wamacö nija ei ya wa̦ lä cui, bejedi lä ya wa̦ —a cuma—. Wale a̦ bejedi lä bufii wejei bä lä cui, ba̦limi bä cuobä bä li waiquiwä.

Juan 6:48

Ba̦limiblamamodima cäcö nii lä cui, ö̦jö lä ya.

Juan 6:50

¿Ö̦jö tawä? Ya cö a̦fa nii lä wäyäle, fedu jamö culanö cäcö itolayoma, ö̦jö cäcö ja bä lä iyaö wei bä nomaö mlaobä.

Juan 7:38

Camiyä wale a̦ bejedi lä bufii wejei bä lä cui, bei bä bufi jamö, ba̦limiblamamodima u fa bäda bädamonö u nia caläö cuaaö, Yai Bada etä a̦ lä cuu weinaja showawä —a cuma.

2 Corintios 5:19

¿Ö̦jö tawä? Yai Bada tänö yanowamö täbä ajedeblamabä, Cristo a shäa lämalema, täbä doblou lä mlai täbä lija etä nowa tabou mladobä. Ö̦jö yama tä a̦ wäyäö cuaabä, yamalecö lämabou.

2 Corintios 5:21

Cristonö wa̦lidiwä tä dano ma mlai ma cui, camiyä bämacö bayeliblamobä, bäma tä wa̦lidiwä lä tano wei Cristo lija tä yädämaquema. Camiyä bämacö lija, Cristo dodijidawä etä lä cui etä yädäo mö feduobä. Cristo lija bämacö bufi fa cuicunö, Yai Bada lija bämacö dodijidawä dablamou fe yadiobä.

Efesios 5:2

Wama täbä nofimalanö bä ca̦i da cuoje, Cristonö bämalecö nofimaö lä culenaja showawä. Bämalecö bayeliblabä a nomaa lälayoma. Yai Bada lija täbä wa̦queshi nö li̦yoli lä u̦cucamou wei täbä dodobou lä cuaaö wejeinaja, inaja showawä, Cristo cama a jibäamou bufi doblao cuoma, Yai Bada a bufi doblamabobä.

Efesios 5:25

Bä fe̦yalobö wama ecönö, suwäböfä bä yai da nofimaje, cama bäma ecö lä cui, Cristonö bämalecö nofimaö lä cuaano weinaja showawä. Bäma ecö bayeliblobä a noshi malä ö̦jödaono wei.

Tito 2:14

Wa̦lidiwä tä ja bämalecö fucäabä, Jesucristo a jibämoquema. A nomaa lälayoma. Dodijidawä tä ja bämacö shi jalimobä bämalecö bufi aublalema, cama dodijidawä bäma ecö yaiobä.

Hebreos 10:20

Yai Bada tä lä cule jamö täbä ajedou mlaobä, acadafu sicö jaba läoma ma cui, Jesúsnö dude yoca caloblalema, ba̦limi bämacö yai cuobä. Yai Bada lija Jesús a dodomamobä a jibämoquema.

1 Pedro 2:4

Jesucristo nija bä da ajedeiquiyo. Ö̦jö nija wamacö ajedou däjä, maa ma lä ba̦limi wei ma wa̦fa lä jilabou wejei a nija wamacö yai ajedeblaliyo. Ö̦jö ma lä cui, ma yai demi. Täbä ca̦i demiblamaö. ¿Ö̦jö tawä? Yai Bada tänö ma yailema. Ma wa̦fa nowa bluca taö. Ö̦jö ma cui, yanowamö täbänö ma li wailemaje.

1 Juan 2:2

Camiyä bämacö doblou lä mlai, ö̦jö nija Yai Bada tänö bämalecö nowa bluca mladamalema. ¿Ö̦jö tawä? Camiyä bämacö befi shino ayawä mlai, yanowamö täbä bluca lä cublai bä nowa ca̦i mladamaö mö feduobä, a shämou ojodaoma.

1 Juan 4:10

¿Ö̦jö tawä? Camiyä Yai Bada nija bämacö nofimou dobloimi dicowä. Camanö bämalecö lä nofimaö wei bäma tä dablaö däjä, nofimou tä lä cui bei bäma tä shino yai dalalei. Bä Ijilubö e shämou läobä a malä shömöleno wei, wa̦lidiwä bäma tä lä taö wei tä nowa bluca mladamabä.

1 Juan 4:14

Yanowamö täbä jucäabä, bämacö lä Fö̦ömou wei a lä cuinö, bä Ijilubö e shömölema. Yama a möma. Yama a wa̦fa bejedi ca̦i wäyäö.