Juan 5:44 - Biblia Yanowamö

⁴⁴ Yai Bada a yami lä cule nija wamacö a̦fa dodijaö tamobä tä ma cule ma cui, ö̦jö tä lä cui wama tä nofi yai cadidiboimi. Ma, Yai Bada nija mlai, yanowamö täbä nija wamacö a̦fa shino dodijaö tamou bufi doblao. Ö̦jö cudeenö, camiyä wamale a̦ bejedi nö bufibimi waiquiwä.

Juan 5:44 Iomraidhean Croise

Mateo 23:5

’Ö̦jö bä lä cui, yanowamö täbä nija bä dodijidawä dablamobä, bä jole jole li dodijaö bäa —a cuma—. Bä bufi nia cadidou fa dablamonö, bei wäyäcu jamö ma cui, bei e̦fetacö jamö ma cui, Yai Bada etä a̦ lä onibolajei täbä shino oni blebou talajei. Bä nö dodijidawä ö̦jöböamamobä, camishi cäcö lä feyacabou wejei cäcö casö febalashi malä lababou wejei.

Lucas 19:17

Abinaja bada anö a nowa tama. “¡Wa dodijaö juo waiquioma lä! Ya blada wai da jöböquii a ma moliono wei ma cui, wa dodijaö juo fe yadioma yalo cafä bada bäfä nia tablamaö. Shabono 10 bä jamö wa nia bada läo”, a nowa tama.

Juan 12:43

¿Ö̦jö tawä? Yai Bada nija mlai, yanowamö täbä nija bä a̦fa nia dodijidawä lä tamou wei tä ja, bä bufi mö yai blucao dicooma.

Juan 17:3

Cafä Yai Bada wa bejedi cua lä ayale wa daöje ja, camiyä Jesucristo wale lä shömöleno wei wale ca̦i daö mö feduoje ja, ö̦jö tänö bä nia ba̦limi cuo.

Juan 3:20

Wa̦lidiwä talewä bä bluca lä cuinö, Yai Bada etä shi̦i nofi wa̦libouje. Bä lä cuaaö wei bä dablamou bufiomi yalo, tä wacacaobä jamö ö̦jö bä juimi.

Juan 5:41

’Yanowamö täbä nija ya nofi doamobä, ya tä dayäimi —a cuma—.

Juan 8:43

¿Wedi tabä wamale a̦ ji̦lia möblaimi ö̦jö lä? Wedi tabä mlai. Wamale a̦ ji̦liaö moji waiquiwä yalo, wamale a̦ ji̦lia möblaimi.

Romanos 2:10

Ö̦jö ma cui dodijidawä tä lä taö wejei bä lä cui, Yai Bada tänö ö̦jö bä nia doblamabodayou. Wawädowä bä nia dodijidawä ca̦i tamabou. Bä bufi nia ca̦i yanöcömabou. Judio bä lä cui inaja bä nia yai taamaö. Judio bä lä mlai bä ma cui, inaja showawä cama bä nia ca̦i taamaö mö feduo.

Romanos 2:29

Yai Bada lija bä bufi yai lä cuo wei bä lä cui, ö̦jö judio bei bä yai. Bä bufi cadidilanö bä mosi sicö lä joyamou wei bä lä cui, ö̦jö bä shi̦lo bejedimou. Bei bä taamamou buomi. Ö̦jö bä lä cui, yanowamö täbä lija bä nofi doablamou mlai ja, Yai Bada lija bä nofi yai doablamou.

Romanos 2:7

Ai bä lä cuinö bä nia lä ba̦limiblou wei tä shi̦lo dayäaöje. Yai Bada tänö bä nia lä doblamabodayou wei tä ca̦i. Wawädowä bä nia lä tamabou wei tä ca̦i. Ö̦jö bä lä cui Yai Bada tänö bä nia ba̦limiblamaö.

1 Corintios 4:5

¿Ö̦jö tawä? Ö̦jö cudeenö, täbä dobloimi jimaö shi jalimo dijejä. Bada tä Jesucristo a itou co̦oyoluu däjä, tä bluca nia wawäblou. Jai mö didi jamö tä ma jo̦yale ma cui, tä nia wawäblamaö. Täbä bufi cuaaö lä ja̦too wei tä ma cui, täbä bufi nia ca̦i wawädowä dablamaö. Ö̦jö däjä, täbä dodijaö jimamobä tä cua ja, cama Yai Bada a showawänö, täbä nia jimaö.

2 Corintios 10:18

Cama bä a̦fa dodijaö lä wäyämou wei tänö, Yai Badanö bä nofi nia taboimi. Bada tänö bä a̦fa dodijaö lä taö wei däjä, ö̦jö däjä bä nofi nia shi̦lo tabou cuquei.

Filipenses 2:3

Abenaja ya cuu. Jödödöwä wama tä taö lä bädao wei tä ma cui ja, cafä wamacö bädawä mlai, ai wama täbä nofi ca̦i jaducäbobä. Cafä wamacö nofi dodijaö doobä mlai. Wamacö bufi jaducälanö, “¡Jai yä! ¡Cama bä nofi li dodijaö yai!”, ai wama bä nofi ca̦i tabou mö feduobä.

1 Tesalonicenses 2:6

Cafä wamacö lija, ai täbä ma cui lija, yamacö nofi doablamobä yamacö funomi. Cafä wamacö lija yamacö nacobä yamacö ca̦i funomi. ¿Ö̦jö tawä? Cristonö yamalecö shimölema yalo, cafä wamacö lija yama tä bayeli nacabä yamacö cua ma waiquile ma cui, yamacö naconomi.

1 Timoteo 1:17

¿Ö̦jö tawä? Tä shi̦lo Bada nosiemou lä ayai, tä lofote cua shi lä wa̦lile a lä cui, ö̦jö tä a̦fa doblao tamou shi wa̦libä. Tä dablamou dao lä mlai, tä bufiblabeje tä Yai Bada cua lä ayale, tä a̦fa doblao tamou shi wa̦libä. Ö̦jö lä tä nofi yai doablamou shi wa̦libä. Inaja lä tä cuobä.

Hebreos 3:12

Bä da moyaweicu, ö̦jö lä, iba wamacö. Wamacö bufi wa̦lidiblou fa dicolonö, Yai Bada wama a wa̦ bejedi bufii fa mlacunö, Yai Bada tä demi cua shi lä wa̦lile tä lija, ai wamacö mö fulublou mlaobä.

Santiago 2:1

Iba wamacö. Bada tä Jesucristo a yai lä doblao wei wama a nofi mölabou yalo, yanowamö fe usucuwä wama bä nia nofimaö. Bä mömou ma wa̦lidii ma cui, bä mömou ma liyäjäi ma cui, fe usucuwä wama bä ca̦i dodijidawä cuobä.

1 Pedro 1:7

¿Ö̦jö tawä? Olo bä lä cui, bä ba̦limi ma mlai ma cui, bä nö yai ö̦jöböamobä bä wabamou. Cowa wacönö bä fa wabajenö, “Awei, ei olo lä bä dodijiwä”, bä cuu majöo. Inaja lä showawä, Jesucristo bäma ecö ca̦i wabamou cuwä mö feduwä, bämacö lä bejedimou wei bämacö nö ö̦jöböamobä. Jesucristo bäma a nofi lä mölabou wei tä nowa yai bluca, olo bä nowa cua lä bädalenaja mlai. Camiyä bämacö yai wabamobä bämacö, Jesucristo bäma a nofi bejedi lä mölabou wei bäma tä dablamabä. Jesucristo a wawäblou däjä bämacö a̦fa ca̦i dodijidawä tamodayobä. Doblao bämalecö ca̦i cuo majöodayobä. Wawädowä bämalecö nofi ca̦i tabodayobä. Cama Jesucristo a wawäblou däjä, ö̦jö tä nia bluca cublou.

1 Samuel 2:30

’Inaja wamacö cuaaö dicoo ja, Isaeli ebä lija Jeobaa a lä bufiblamou wei a lä cui, a wa̦ faö co̦a lä cule —a cuma—. Faafä ebä ma cui, cafä wa cadidiwä ma cui, Jeobaa etä yafi jamö showadi wamacö ojodamou nodiobä a wa̦ nö wäo ma balöono wei ma cui, fei däjä a wa̦ nö wäo co̦a lä cule. Inaja wamacö nia jo̦wa taamaimi majöo. ¿Ö̦jö tawä? Dodijidawä a nofi lä tabou wejei bä lä cui, ö̦jö dodijidawä bä nia wawädowä tamabou. A nofi lä wa̦libou wejei bä lä cui, bä nofi nia taboimi.