Juan 5:42 - Biblia Yanowamö

⁴² Ö̦jö ma cui, cafä bämacö daö. Bei wamacö bufi yainö, Yai Bada wama a nofimaimi.

Juan 5:42 Iomraidhean Croise

Lucas 16:15

Ö̦jö ma cui, abinaja Jesúsnö bä nowa tama. —Ai täbä nija jai dodijidawä wamacö dablamou bufi ma doblao wei ma cui, Yai Bada tänö wamacö bufi daö. ¿Ö̦jö tawä? Yanowamö täbänö tä a̦fa showadi dodijidawä lä taö wejei tä ja, Yai Bada a shi doimi. Tä nofi yai wa̦libou —bä nowa tama.

Juan 2:25

Bä bluca daö waiquioma yalo, a mölanomi. Cama nija yanowamö täbä a̦fa wäyäbeje, tä cuono malä mlai. Cama a showawänö, bä jödödöwä daö malä showadaono wei.

Juan 21:17

Ö̦jö däjä, Jesúsnö 3 a wa̦lii co̦oma. —Jonasi ijilubö Simón wa lä cui. ¿Wale nofimaö da culanö? —e cuu co̦oma. ¿Ö̦jö tawä? “¿Wale nofimaö da culanö?”, 3 a cuu co̦o ja, Pedro a bufi nö bleaama. Abinaja e cuma. —Bada tä. Wa tä daö jödödöwä. Bäfä lä nofimaö wei wale daö —e cuma. —Wale nofimaö ja lä, iba oweja bä da iyama, ö̦jö lä.

Juan 5:41

’Yanowamö täbä nija ya nofi doamobä, ya tä dayäimi —a cuma—.

Juan 5:43

Fayänö wale ma shömöleno wei ma cui, wamale a̦ juaimi. Ai a lä cui, a juu bufi doblao lä bädao wei a lä cui, ö̦jö lä wama a wa̦ nia shino yai juaö.

Juan 5:44

Yai Bada a yami lä cule nija wamacö a̦fa dodijaö tamobä tä ma cule ma cui, ö̦jö tä lä cui wama tä nofi yai cadidiboimi. Ma, Yai Bada nija mlai, yanowamö täbä nija wamacö a̦fa shino dodijaö tamou bufi doblao. Ö̦jö cudeenö, camiyä wamale a̦ bejedi nö bufibimi waiquiwä.

Juan 8:42

Abinaja Jesúsnö bä nowa tama. —Yai Bada wama ecö ijilubö cuo fa cunoja, wamale nö nofimabö wei. Ö̦jö lä Yai Bada nija ya cuoma ya malä juno wei. Camiyä ya juu bashio bufi fa doblaonö mlai, ö̦jönö wale yai shömölema.

Juan 8:47

Yai Bada ebä lä cuinö, cama Yai Bada etä a̦ ji̦liaöje. Yai Bada wama ecö waiquiwämi yalo, wama etä a̦ li ji̦liaimi —bä nowa tama.

Juan 8:55

Ö̦jö ma cui, Fayä wama a daimi. Camiyänö ya shino daö. ¿Ö̦jö tawä? “Ya daimi”, ya cuu fa cunoja, cafä wamacö jolemou lä culenaja, ya nö cuo mö feduobö wei. Ö̦jö ma cui ya daö lä. Ya wa̦ nofi ca̦i cadidibou.

Romanos 8:7

Yanowamö täbä showadi lä cuaablalou wei tä ja bä bufi shi̦lo lä daeodii wei bä lä cuinö, Yai Bada tä nofi wa̦libouje. Yai Bada tänö tä tamaö lä wasöö wei tä ja, bä shijilodoimi. Bä nö shijilobimi waiquiwä.

1 Juan 2:15

Yanowamö täbä showadi lä cuaaö wei tä nofi yaibo dijejä. Täbä lä tabou wejei täbä ma cui ja, bä bufi mö blucao dijä. Ö̦jö täbä ja bä bufi mö lä blucao wei bä lä cuinö, Yai Bada bäma a nofi lä Fö̦ömaö wei a nofimaimi waiquiweje.

1 Juan 3:17

Ö̦jö ma cui täbä bayeliblabeje täbä tabou ma cujei, täbä bayeliblaö moji dicooje ja, ö̦jö bä lä cui bä bufi nofiomi. Cama ai e nö jo̦lili lä bleaaö wei a nofi ojodabou lä mlajei bä lä cuinö, Yai Bada bei tä nofimaimi waiquiweje.

1 Juan 4:20

“Yai Bada ya nofimaö”, bä cuu ma cui, cama ai ebä nofi wa̦libou dicooje ja, bä jolemou waiquiwä. Cama ai ebä ma dablou wei ma cui, ö̦jö lä ebä nofimaimi waiquiweje ja, Yai Bada tä dablamou lä mlai bei tä nofimaimi yaiweje.

Apocalipsis 2:23

Ö̦jö a suwä lä cui, bä ijilubö ya ebä nia shäö showadao, a wa̦ suwä lä juaö wejei bä lä cui, iba bä lä yododoblai bä bufi yai jaducublobä. Bä bufi lä cuaablalou wei ma cui ya tä daö. Bä bufi lä waiyou wei tä ca̦i. Bä lä cuaaö wei tä nowa lä cudalenaja ya tä nowa nia bluca co̦aö cuo.