Juan 5:41 - Biblia Yanowamö

⁴¹ ’Yanowamö täbä nija ya nofi doamobä, ya tä dayäimi —a cuma—.

Juan 5:41 Iomraidhean Croise

Juan 12:43

¿Ö̦jö tawä? Yai Bada nija mlai, yanowamö täbä nija bä a̦fa nia dodijidawä lä tamou wei tä ja, bä bufi mö yai blucao dicooma.

Juan 5:34

¿Ö̦jö tawä? Yanowamö täbä a̦ ja, ya mölabä ya mlai ma cui, cafä wamacö bufi jaducublobä ya wa̦. Juannö wale a̦fa lä wäyäno wei, wama tä a̦ bejedi fa bufinö, wamacö jucäamou fe yadiobä.

Juan 5:40

Ö̦jö ma cui, wamacö ba̦limi cuobä, camiyä nija wamacö juu moji dicowä.

Juan 5:42

Ö̦jö ma cui, cafä bämacö daö. Bei wamacö bufi yainö, Yai Bada wama a nofimaimi.

Juan 5:44

Yai Bada a yami lä cule nija wamacö a̦fa dodijaö tamobä tä ma cule ma cui, ö̦jö tä lä cui wama tä nofi yai cadidiboimi. Ma, Yai Bada nija mlai, yanowamö täbä nija wamacö a̦fa shino dodijaö tamou bufi doblao. Ö̦jö cudeenö, camiyä wamale a̦ bejedi nö bufibimi waiquiwä.

Juan 6:15

¿Ö̦jö tawä? Bada a yai tablamaö fe yadiobeje, a nabä juu lä bufiono wejei tä dama cudeenö, jefu a jamö a fe yami doleblaliyofälöma.

Juan 7:18

Cama bä bufi cuu lä bädao weinaja tä a̦ lä wäyäö wejei bä lä cui, cama bä a̦fa dodijidawä nia fa tamamonö bä a̦ li bädawä. Ö̦jö ma cui, a lä shömöleno wei a nö nia dodijidawä lä ö̦jöböamaö wei a lä cui, ö̦jö a shino yai bejedimou. A jolemou daomi.

Juan 8:50

Ö̦jö ma cui, wale a̦fa doblao tabeje, camiyänö ya tä dayäimi. Ö̦jö tä shino lä dayäö wei tä cuadayoa. Ö̦jönö wale nia shino jömaö.

Juan 8:54

Jesús abinaja a cuu mö feduoma. —Camiyä ya wa̦fa doblao tamamou bädao ja, tä nowa cuami waiquiwä. Wale a̦fa yai doblao lä taö wei a lä cui, Fayä a, wama a jo̦wa lä bufibou wei a showawä lä cui.

1 Tesalonicenses 2:6

Cafä wamacö lija, ai täbä ma cui lija, yamacö nofi doablamobä yamacö funomi. Cafä wamacö lija yamacö nacobä yamacö ca̦i funomi. ¿Ö̦jö tawä? Cristonö yamalecö shimölema yalo, cafä wamacö lija yama tä bayeli nacabä yamacö cua ma waiquile ma cui, yamacö naconomi.

1 Pedro 2:21

Inaja wamacö cuaabä wamacö. ¿Ö̦jö tawä? Inaja Yai Bada tänö wamacö taamaö bufi fa doblaonö, wamacö malä nacaleno wei. Cristo a ma cui, inaja cama a ca̦i cuaaö malä balöono wei. Cama a doblou lä mlaono wei tä nowa ja mlai, camiyä bämacö doblou lä mlaono wei tä nowa ja a nö yai bleaamamaje. ¿Ö̦jö tawä? Ö̦jö bäma a owämabä lä a waiquiwä, cama a bufi yanöcöwä ca̦i cuo fe lä yadiono weinaja bämacö cuaaö nodiablalobä.

2 Pedro 1:17

Yai Bada tänö wawädowä a nö malä ö̦jöbömaleno wei. A wa̦fa doblao ca̦i wäyäma, bäma a nofi lä Fö̦ömaö wei a lä cuinö. A shino Bada doblaa lä ayaladi a lä cui, abinaja a cuma. Ijiluyä ya nofimaö lä dodijio wei, ei a. Cama nija ya bufi yai shino doblalou dodijiwä. Einaja a cuma.