Juan 5:40 - Biblia Yanowamö

⁴⁰ Ö̦jö ma cui, wamacö ba̦limi cuobä, camiyä nija wamacö juu moji dicowä.

Juan 5:40 Iomraidhean Croise

Mateo 22:3

A nofi co̦camoamaö showadaobä, a nosie lä juaö wejei bä fa shömölönö, bä yömölaa lä balöqueno wei bä nacaamaö bufima. Ö̦jö ma cui, bä junomi dicowä.

Mateo 23:37

Jesús a wa̦ blajawä faö ja, abinaja Jelusaleteli bä nowa tama. —¡Shädayai, Jelusaleteli wamacö! Yai Bada a wa̦no wäyälewä wama bä lä shäö wei wamacö. Cafä wamacö nija Yai Bada tänö bä lä shömaö wei, maa mabänö wama bä lä shäyäö wei wamacö. Cadala bänö bä ijilubö ebä fe yojobou lä cuaaö wejeinaja, inaja showawä cafä showadi bämacö tabou bufi ma doblaono wei ma cui, camiyä nija wamacö nowamamou bufionomi dicowä.

Juan 1:11

Cama ebä cadidiwä nijamö a ma waloqueno wei ma cui ebä a̦ juonomi.

Juan 10:10

Bä lä tomömou wei bä lä cui, ö̦jö bä li tomömou mö juu. Bä shäö mö juuje. Bä mö watäblaö mö juuje. Camiyä ya lä cui, bä ba̦limi cuobä ya li waloquema, bä yai dodijidawä cudiobä.

Juan 3:19

’Yanowamö täbä bufi wacacamabobä, bita jamö Yai Bada etä shi̦i ma waloole ma cui, etä shi̦i bufiimije. Mö didi tä shino yai bufiije, ¿ö̦jö tawä? Bä dobloimi waiquiwä cudeenö bä jo̦yao bufi doblao. Inaja bä cuaaö cudeenö bä nö nia bleaamaö.

Juan 5:39

’Ba̦limi wamacö cuobä, Yai Bada showadi wama tä a̦ oni mödii. ¿Ö̦jö tawä? Camiyä ya wa̦fa yai lä wäyämou wei, ö̦jö lä tä a̦ oni waiquiwä.

Juan 5:41

’Yanowamö täbä nija ya nofi doamobä, ya tä dayäimi —a cuma—.

Juan 5:44

Yai Bada a yami lä cule nija wamacö a̦fa dodijaö tamobä tä ma cule ma cui, ö̦jö tä lä cui wama tä nofi yai cadidiboimi. Ma, Yai Bada nija mlai, yanowamö täbä nija wamacö a̦fa shino dodijaö tamou bufi doblao. Ö̦jö cudeenö, camiyä wamale a̦ bejedi nö bufibimi waiquiwä.

Juan 6:27

’Nii bä mladou si lä ijejei bä ja, bä cuaablalou fe balojoo dijä. Täbä ba̦limi cuobä cäcö nii ja, wamacö shino yai ojodamobä. Ö̦jö cäcö nii ja wamacö dobämobä, ei lä ya waiquiwä, camiyä ya lä yanowamöblaleyoluno wei ya lä cui. Fayä Yai Bada tänö wale nö malä ö̦jöböamale —bä nowa tama.

Juan 6:37

’Camiyä nija Fayänö bä yanowamö lä jöböaö wei bä bluca lä cui, camiyä nija ö̦jö bä nia juu. ¿Ö̦jö tawä? Camiyä nija bä lä juu wei bä lä cui, ya bä waii mlaicätä.

Juan 6:40

Abinaja Fayänö täbä taamaö bufi doblao malä cui. Bä Ijilubö wale nö yai lä ö̦jöböaö wejei bä lä cui, wale a̦ bejedi bufiije ja, bä ba̦limi tamabou bufi doblao. Tä lä jödödöblole däjä, ö̦jö ya bä nia demi jocädamaö co̦o —a cuma.

Romanos 6:23

Wa̦lidiwä tä lä taö wejei tä nowa ja täbä malä nomaö wei. Ö̦jö ma cui Bada tä Jesucristo lija bämacö bufi cua yalo, Yai Bada tänö no mlai ja bämalecö bayeliblaö, ba̦limi bämacö cuobä.

Apocalipsis 22:17

Yai Bada tä Bufi a̦ faö. Oweja a wa̦fa ocalo lä jilamou wei bä suwäbö e a̦ ca̦i faö. Abinaja cäcöbö cuu. —¡Bä da jabo! —cäcöbö cuu. Ei wama tä a̦ lä ji̦lile wamacö ma cui, wamacö a̦ ca̦i fabä. —¡Bä da jabo! —wamacö cubä. Bä lä amishaö wei bä lä cui bä juimabä, ö̦jö lä. Bä lä bufio wei bä lä cuinö, no mlai ja ba̦limiblamodima u coayolubeje.