Juan 5:39 - Biblia Yanowamö

³⁹ ’Ba̦limi wamacö cuobä, Yai Bada showadi wama tä a̦ oni mödii. ¿Ö̦jö tawä? Camiyä ya wa̦fa yai lä wäyämou wei, ö̦jö lä tä a̦ oni waiquiwä.

Juan 5:39 Iomraidhean Croise

Salmo 16:11

Dodijidawä ya cudiobä, cafänö wale damaö. Wale ca̦i lä cua wei tänö, ya bufi shi̦lo doblalou fe balojowä. Cafä wa ajede jamö ya culanö, showadi ya bufi nia doblalou shi wa̦lii.

Proverbios 6:23

Yafä tä a̦ lä wäyäö wei, cowa wacä lä culenaja tä a̦ malä cule, wa bufi walalaobä. Ö̦jö tä a̦nö wa bufi cadidou ja, wa lä wasömamou wei tänö, dodijidawä wa nia cudio.

Mateo 22:29

Abinaja Jesúsnö bä nowa taö nomöjöoma. —Yai Bada wama etä a̦ daimi yalo, wama etä lojode ca̦i daimi cudeenö, wamacö a̦ yacäblalodii lä cule.

Marcos 10:3

Abinaja Jesús a cuma. —Moisesinö ¿wedinaja wamacö jaba taamaö bufima? —a cuma.

Marcos 12:10

Yai Bada etä a̦ oni jamö, ¿ei bei wama tä a̦ oni daö mlaa cule? Abinaja tä a̦ cuu. Maa mabä ja a yafi nia lä i̦tamaö wejei bä lä cuinö, ma wailemaje. Ö̦jö ma cui, ma lä waileno wejei ma lä cui, a yafi colo lojodoobä ma yai li cublaliyoma.

Lucas 16:29

Ö̦jö ma cui, abinaja Ablaamönö a nowa tama. “Ma. Moisesi tä a̦ tabouje. Yai Bada a wa̦no wäyälewä bä a̦ bluca ca̦i tabou mö feduaje. Ö̦jö bä a̦ yai ji̦liabeje”, a nowa tama.

Lucas 16:31

Abinaja Ablaamönö a nowa tama. “Moisesi tä a̦ ji̦liaö moji waiquiweje ja, Yai Bada a wa̦no wäyälewä bä a̦ ca̦i ji̦liaö moji waiquiweje ja, ai a demi jocädou ma co̦o wei ma cui, ö̦jö a wa̦ ma cui ja bä bufi nia jaducubloimi”, a cuma. ¿Ö̦jö tawä? —Jesús a cuma.

Lucas 24:25

Abinaja Jesúsnö cäcöbö nowa tama. —¡Wafäcö bufi jaducuwä lä mlai! Yai Bada a wa̦no wäyälewä bänö tä a̦fa bluca wäyäö ma balöono wejei ma cui, ¡wafä tä a̦ bejedi bufii si ijejewämi!

Lucas 24:27

Ö̦jö däjä, cäcöbö bufi jaducublobä, Yai Bada etä a̦ oni jamö cama a wa̦fa lä tamou wei tä a̦ bluca wawämafälöma. Moisesi tä a̦ wawäa fa balömalönö, Yai Bada a wa̦no wäyälewä ai täbä a̦ bluca wawäa nomöjömalema.

Lucas 24:44

Ö̦jö däjä abinaja bä nowa ca̦i tama. —Yai Bada etä a̦ oni ja ya wa̦fa lä tamou wei tä bluca wawäblobä cätä. Moisesi tä a̦ ma cui ja, Yai Bada a wa̦no wäyälewä bä a̦ ma cui ja, amowa bä a̦ ma cui ja, ö̦jö waiquiwä. Cafä bämacö ca̦i juu showao däjä, inaja ya mada cublei —bä nowa tama.

Juan 1:45

Felipe a lä cuino, Nataniel a fa dayäblalönö, abinaja e cuma. —Moisesi etä a̦ oni jamö a wa̦fa wäyämou lä balöono wei, yama a dalalei culoi. Yai Bada a wa̦no wäyälewä bä ma cuinö, a wa̦fa ca̦i onibomaje. Nasaleteli Jesús, ö̦jö a waiquiwä, José bä ijilubö e lä cui —e cuma.

Juan 5:32

Ai tänö wale a̦fa li yai wäyäö culadi. ¿Ö̦jö tawä? Ö̦jönö wale a̦fa lä wäyäö wei, ya bejedimou daö.

Juan 5:36

’Ö̦jö ma cui, Juannö wale a̦fa ma wäyäö wei ma cui, yale a̦fa yai bejedi wäyäö lä lojode wei, ai tä cua. ¿Ö̦jö tawä? Ya lä cuaaö wei tä showawänö, Fayänö wale lä shömöleno wei tä dablamou malä wawädole. Camanö wale taamaö cudeenö, ya e li cuaaö.

Juan 5:40

Ö̦jö ma cui, wamacö ba̦limi cuobä, camiyä nija wamacö juu moji dicowä.

Juan 5:46

Moisesi wama a wa̦ bejedi bufii fa cunoja, camiyä wamale a̦ nö ca̦i bejedi bufii mö feduobö wei. Cama etä a̦ oni jamö, camiyä wale a̦fa malä wäyäno wei.

Juan 7:52

Abinaja cama nija bä cuu nomöjöoma. —¿Cafä Calileateli wa mö fedua tawä? Yai Bada etä a̦ oni da mö. Calilea jamö Yai Bada a wa̦no wäyälewä a nia lä wawäblou wei, tä a̦fa wäyämoimi —bä cuma.

Hechos 13:27

Bämacö jucäabä a ma cuono wei ma cui, Jelusaleteli bä ma cuinö, bä ca̦i lä culajei bä ma cuinö, ö̦jö a nö ö̦jöböblanomije. Täbä yanöcöobä tä mö jalu ja, Yai Bada a wa̦no wäyälewä, showadi bä a̦ oni doaö daö ma cujei, tä a̦ nofi jaducubonomije. ¿Ö̦jö tawä? Tä a̦ nofi jaducubou fa mlacujenö, tä a̦fa lä wäyämou wei tä a̦ bejedi wawäa dicoblamalemaje. A shämaö malä bufino wejei.

Hechos 17:11

Ö̦jö bä judio lä cuinö tä a̦ ji̦liaö bufi doblaomaje. Ö̦jö bä bufi shino yai walalao dodijioma, Desalonicateli bä bufi lä cuono weinaja mlai. Cäcöbö a̦ nia bejedi fa möjenö, Yai Bada showadi etä a̦ oni mömaje.

Hechos 26:27

Bada tä, Acliba. Yai Bada a wa̦no wäyälewä bänö tä a̦ lä oniblaleno wejei, ¿wa tä a̦ bejedi bufii culawä? Wa tä a̦ bejedi lä bufii wei, bäfä daö waiquiwä —Pablo a cuma.

Romanos 1:2

Ö̦jö tä a̦ lä cui, Yai Bada a wa̦no wäyälewä bä lija tä a̦fa wäyäö balöoma. Yai Bada tä a̦ oni jamö tä a̦ cua.

Romanos 3:2

Wedi tä ja mlai, bluca tä cua. Abenaja balöwä. Judio bä yai lija Yai Bada bei tä a̦ jibämoquema. ¿Ö̦jö tawä?

Deuteronomio 18:15

’Jeobaa a wa̦no wäyäbä, camiyä wale shömaö lä cuaano weinaja, cafä Isaeli wama ecö nodiwä nija, ai a nia shömaö cuo nomöjöo —a cuma—. Ö̦jönö wamacö yömölaö däjä, wama a wa̦ shino yai ji̦liabä.

Colosenses 3:16

Cristo etä a̦ jamö, bä bufi yai shi̦lo da taamamo. Wamacö bufi jaducälanö bä da yömölayo. Bä ca̦i da wasöyo. Yai Bada tä ja wamacö bufi doblalanö, ö̦jö lija täbä a̦ amowa lä yädäblai täbä a̦ shi̦lo da taje. Nö badabö David etäbä a̦ ca̦i. Yai Bada tä Bufinö täbä a̦ lä bädamaö wei täbä a̦ ca̦i.

Hebreos 11:16

Ma, tä ulufi yai lä dodijidai tä bufibomaje, fedu jamö tä ulufi lä culadi. Ö̦jö cudeenö, Yai Bada tänö wawädowä cama ebä a̦fa jilabou. Dodijidawä bä nia fa bälömabonö, bä shabonobö tabou malä waiquiladi.

Hebreos 11:35

Ai bä suwä lä cuinö, Yai Bada a wa̦ nofi mölabomaje yalo cama ebä nomöa lä bono wejei ebä demi jocädou co̦oma. ¿Ö̦jö tawä? Ai bä mö feduwä lä cuinö, Yai Bada tä a̦ nia fa joyamajenö, bä nö ninili ma bleaamano wejei ma cui, tä a̦ daanomije. Bä bufi bejedio waiquioma yalo, bä fujeblabeje etä ma cuono wei ma cui, “Ma, ya tä a̦ nö joyabimi”, bä cuma. ¿Ö̦jö tawä? Bä nia lä doblaodayou wei tä bufibou waiquiomaje yalo, bä nö bleaamamou ojodaoma.

Josué 1:8

’Ei ya wa̦no oni lä cui, wawädowä wa tä a̦ nia doadii —a cuma—. Ya tä tamaö lä bufii wei wa tä a̦ nia wäyäö mladoimi. Jalu däjä ma cui, didi däjä ma cui, ö̦jö tä a̦ ja wa bufi nia daeodii, wa bufi moyawäobä. Wa tä a̦ nofi bluca jaducäbolanö, wa cadidou cuaafälöbä. Inaja wa cuaaö ja, dodijidawä wa nia cuo. Showadi wa nö nia wa̦lojaö.

Apocalipsis 19:10

Ö̦jö däjä, ö̦jö ya wa̦fa Bada doblao tabä, a̦jele bei a cotä jamö ya möfe boblaquema ma cui, wale wasölema. —Inaja dicoo mlai —a cuma—. Camiyä bämacö bluca. Jesucristonö tä a̦ lä wawämano wei wama tä a̦ nofi lä cadidibole wamacö lä cuinö, Yai Bada wama a wa̦ juaö lä cuaaö weinaja ya ca̦i cuaaö mö lä feduo wei cä ya. Wa möfe bolanö, Yai Bada wa tä a̦fa nia shino yai Bada doblao taö —a cuma. Jesucristonö tä a̦ lä wäyäno wei tä a̦ bejedi lä cuinö täbä nö malä wa̦lojoblamaö wei, Yai Bada etä a̦ wäyäbeje.