Juan 5:30 - Biblia Yanowamö

³⁰ Abinaja Jesús a cuma. —Camiyä ya cuaaö bufi lä doblao wei tänö ya cuaaimi. Fayä ya wa̦ fa ji̦linö, ya bä yanowamö li jömaö. Camiyä ya cuaaö bufi lä doblao weinaja mlai, wale lä shömöleno wei a lä cuinö wale yai taamaö bufi lä doblao weinaja, ya li cuaaö. Ö̦jö cudeenö, ya bä jömaö ja ya bejedimou showadawä.

Juan 5:30 Iomraidhean Croise

Génesis 18:25

Inaja cafä wa nö cuaabö mlai. Bä doblou lä mlai wa bä waicaö däjä, bä lä dodijaö wei wa bä waicaö coyocabä wa malä mlai. Bä nofi jushuaö ma mlai ma cui, jai cama bä nofi ca̦i jushuaö mö feduo, cafänö wa bä nö taamabö mlai. Inaja a cuu dicoo dijä. Bluca täbä lä bälöjöi, wa täbä jömabä wa. Wa täbä jömaö däjä, wa wa̦ cadidou showawä —a cuma.

Mateo 26:39

Jesús a bayäcäblou fa co̦lodunö, a blaaledayoma. Yai Bada nija a nö bayeli nacao ja, abinaja a cuma. —¡Fabe! Fei däjä wale nö yai nia lä bleaamaö wejei tä lä cui, wa tä blajamabä tä cua ja, tä da blajamalö. Ö̦jö ma cui, wa tä nö blajamabimi waiquiwä ja, ö̦jö waiquiwä. Camiyä ya cuaaö bufi lä doblao weinaja mlai, cafänö wale taamaö bufi lä doblao weinaja, wale da taama —a cuma.

Juan 14:10

Fayä nija ya lä cule, camiyä nija Fayä a ca̦i lä cule, ¿wama tä a̦ bejedi bufii yailawä? Cafä wamacö nija ya tä a̦ lä wäyäö wei, camiyä ya wa̦ bädawämi. Fayä ya wa̦no wäyäö. Ya ma cuaaö wei ma cui, camiyä nija Fayä a yai culanö, ö̦jönö tä taö.

Juan 17:4

Bita jamö ya cua showalanö, camiyä nija wa tä tamaö lä bufino wei, ya tä jödödöblalema. Inaja ya lä cuaano wei tänö, cafä bäfä doblao damalalema.

Juan 18:11

Pedro nija abinaja Jesús a cuu showadaoma, —Sibalafä a taa da co̦cu. Ya nö yai bleaabä, Yai Bada tänö tä däamaö lä ojode wei tä ja, ya noshi umlaobä ya malä mlai —a cuma.

Juan 4:34

Abinaja Jesúsnö bä nowa tama. —Yale lä shömöleno wei ya wa̦ juaö bufi doblao. Tä tamaö lä bufii wei ya tä jödödöblaö. Ö̦jö iba nii bä waiquiwä.

Juan 5:19

Abinaja Jesúsnö bä nowa tama. —Cafä wamacö nija ei ya wa̦ lä cui, bejedi lä ya wa̦. Yai Bada bei Ijilubö ya e lä cui, camiyä ya cuaaö bufi lä doblao wei tänö ya cuaaimi. Fayä a lä cuaaö wei ya tä möö yalo, inaja camiyä ya e ca̦i cuaaö mö fedua. Fayänö tä lä taö wei, bä Ijilubö ya enö ya tä cai̦ taö mö fedua. ¿Ö̦jö tawä?

Juan 6:38

Fedu jamö culanö ya lä itolayono wei ya lä cuinö, camiyänö ya tä taö lä bufii wei ya tä tabä, ya itono malä mlai. Wale lä shömöleno wei a lä cuinö, ö̦jönö tä tamaö lä bufii wei ya tä yai tabä, ya malä itolayono wei.

Juan 8:28

Ö̦jö cudeenö, abinaja Jesúsnö bä nowa taö nomöjöoma. —Ya lä yanowamöblaleyoluno wei ya lä cui, wamale befi ca̦i i̦tamaö waiquio däjä, ö̦jö lä däjä, wamale nö nia bejedi ö̦jöböaö. “Ö̦jö lä a waiquiwä cuoma, a da cubleinaja showadawä”, wamale nofi nia tabou. “Cama a bufi cuu lä bädao weinaja, a cuaanomi. Bä Fö̦önö tä a̦ wäyäö ja, a wa̦ yai cuoma”, wamale nofi nia tabou.

Juan 8:42

Abinaja Jesúsnö bä nowa tama. —Yai Bada wama ecö ijilubö cuo fa cunoja, wamale nö nofimabö wei. Ö̦jö lä Yai Bada nija ya cuoma ya malä juno wei. Camiyä ya juu bashio bufi fa doblaonö mlai, ö̦jönö wale yai shömölema.

Juan 8:50

Ö̦jö ma cui, wale a̦fa doblao tabeje, camiyänö ya tä dayäimi. Ö̦jö tä shino lä dayäö wei tä cuadayoa. Ö̦jönö wale nia shino jömaö.

Romanos 15:3

Cristo a ma cui, cama a cuaaö bufi lä doblaono weinaja a cuaano malä mlai. Bä Fö̦ö e lija a lä cuno weinaja showawä. Abenaja tä a̦ cuu. Cafä wa nö lä waiblano wejei däjä, jai camiyä wale nö ca̦i waiblaö mö feduoma tä cuoma. Einaja tä a̦ cuu.

Romanos 2:2

Inaja bä lä cuaaö wei bä lä cui, Yai Bada tänö bä nö bleaamabä bä li waiquiwä.

Romanos 2:5

Wamacö bufi jifua lä dicole tänö, wamacö bufi mö yabajadou fa mlacunö, cafä wamacö nö bleaamamou dicoquei. Yai Bada tä nö wa̦lowä lä jushudou wei etä wawäblou däjä, wamacö nö nia lä bleaaö wei wama tä balamaö dicoa lä cule. Täbä jimaö däjä a nia yai bejedimou.