Juan 5:3 - Biblia Yanowamö

³ Ö̦jö bä yano jamö, bä lä wa̦lidii bä bluca blaoma. Ai bä jubäböoma, ai bä mata wa̦lidioma, ai bä ya̦toliböoma.

Juan 5:3 Iomraidhean Croise

Proverbios 8:34

Wale a̦ lä ji̦liaö wei a lä cui, a bufi shi̦lo doblalou. Iba yafi jamö yoca lä jolele ja a läa. Bä lä fablaaö wei jamö a nö dao.

Mateo 15:30

Cama nija bluca täbä waloa jebejelayoma. Bä juu lä wa̦lidiono wei bä ma cui, ai bä lä wa̦lidiono wei bä ma cui, bä lä jubäböono wei bä ma cui, bä aca lä boleböono wei bä ma cui, ai bä ca̦i bluca ma cui, Jesús nija bä ca̦i waloa fa jäbojolujenö, bä bluca jaloa showadamalalejelayoma.

Mateo 4:24

Inaja a cuaaö cudeenö, Silia jamö a wa̦fa ji̦liaö blaucou cuaamaje. A wa̦fa ji̦lilemaje yalo, bä jalili bluca ca̦i waloblaamaje. Bluca tä wayu shomitawänö täbä lä jaliliono wei bä ma cui, bä nö ninili lä bleaano wei bä ma cui, ö̦jö bä bluca jalomalalema. Bä lä feculaböono wei bä ma cui, bä ca̦i cofibö lä cashäshäoblono wei bä ma cui, bä lä ya̦toliböono wei bä ma cui, ö̦jö bä bluca ca̦i jaloa showamalalema.

Lucas 7:22

Ö̦jö cudeenö, abinaja Jesúsnö cäcöbö nowa tama. —Wafä tä lä dalalufe, wafä tä a̦ lä ji̦liläfe, Juan nija tä a̦fa bluca da wäyäbödu. Bä lä jubäbö wei bä lä cui, bä mamocu dodjidablou co̦o. Bä juu dao lä mlai bä lä cui, bä jublou. Täbä sicö lä jodemaö wei tä wayunö bä nö lä bleaaö wei bä lä cui, bä dodijidablou co̦o. Bä yömöca lä comi wei bä lä cui, bä yömöca walalablou co̦o. Bä lä nomaö wei bä lä cui, bä demi jocädou co̦o. Bä lä jo̦li wei bä lä cui, dodijidawä tä a̦ ja, bä yömölamou.

Juan 5:2

¿Ö̦jö tawä? Jelusaleteli bä shabonobö jamö, oweja yoca lä cule jamö mau uca cuoma. Ebleo bä caficö a̦ ja, Besada uca a̦fa jilabouje. Ö̦jö u casö jamö, yano bloque 5 maloco bä fe fa̦yooma.

Juan 5:4

¿Ö̦jö tawä? Yai Bada etä a̦jele fa itoblaayonö, u qui̦yaamaö ja, a jalili itoo lä balöo wei a lä cui, bä jaloobloma.

Romanos 8:25

Ö̦jö ma cui, tä dablamou showao mlao däjä bämacö mölaö ja, bämacö bufi yanöcölanö bämacö nö nia dao.

Santiago 5:7

¿Ö̦jö tawä, iba wamacö? Bada tä nia lä juu wei, wamacö bufi yanöcölanö wama a nö dabobä, ö̦jö lä. Täbä lä ficalimou wei täbä lä cuinö, bufi yanöcölanö cama nii ebä malä bufibou wejei. Bä nia lä iyaö wei tä ja bä möladii. Maa a jaba lä quei wei a ma cui, a quei lä co̦o wei a ma cui, a nö dabou malä cujei, sibä badablobä.