Juan 5:24 - Biblia Yanowamö

²⁴ ’Cafä wamacö nija ei ya wa̦ lä cui, bejedi lä ya wa̦—a cuma—. Wale a̦ fa ji̦liajenö, wale lä shömöleno wei a wa̦ bejedi lä bufii wejei bä lä cui, ba̦limi bä cuobä bä li waiquiwä. Bä dobloimi jömamobä bämi. Ö̦jö bä lä cui, bä nomabä bä ma cuono wei ma cui, bä ba̦limiblou nomöjöa lä cule.

Juan 5:24 Iomraidhean Croise

Mateo 25:46

’Ö̦jö däjä, bä nö bleaaö shi wa̦libä, bä nia alayofälöö. Ö̦jö ma cui, bä lä cadidou wei bä lä cui, ba̦limi bä nia lä cudio wei jamö ö̦jö bä nia juu ayao —Jesús a cuma.

Marcos 16:16

Wale a̦ bejedi lä bufii wejei bä lä cui, bä fe fa ojoblamolunö, bä jucäamou wä. Ö̦jö ma cui, wale a̦ bejedi bufii lä mlajei bä waimamobä cäbä.

Juan 11:26

Bä demi lä cublai bä lä cuinö, wale a̦ bejedi bufiije ja, bä nomaö mlaicätä. ¿Ö̦jö tawä? ¿Wale a̦ bejedi bufii cule? —a cuma.

Juan 12:44

Jesús a wa̦ i̦cali faö ja, abinaja a cuma. —Wale a̦ bejedi lä bufii wejei bä lä cuinö, camiyä wale a̦ bufii ayaomije. Wale lä shömöleno wei a ma cui, ö̦jö lä a wa̦ bejedi ca̦i bufii showaweje.

Juan 20:31

Ö̦jö ma cui, Jesús wama tä a̦ bejedi bufibä, ya tä a̦ oni taaö lä cule. “Yai Bada tänö a shömabä a lä yaileno wei, ö̦jö Jesús a waiquiwä”, wama a nofi yai tabobä. “Yai Bada bei Ijilubö e”, wama a nofi ca̦i tabobä. Inaja wama a nofi tabolanö, cama a wa̦nö ba̦limi wamacö cuobä.

Juan 3:16

’Yai Bada tänö yanowamö täbä nofimaö fa dodijionö, bä Ijilubö moli ya e lä cui yale shömölema. Wale a̦ bejedi lä bufii wejei bä bluca lä cui, bä nomaö mlai ja bä ba̦limi cuobä.

Juan 3:18

’Wale a̦ bejedi lä bufii wejei bä lä cui, Yai Bada tänö ö̦jö bä nö bleaamabä bämi —a cuma—. Wale a̦ bejedi bufii lä mlajei bä lä cui, ö̦jö bä nö bleaamabä cäbä. Yai Bada bei Ijilubö moli ya e lä cui, wale a̦ bejedi bufiimije yalo, bä nö bleaamabä bä li waiquiwä.

Juan 3:36

Ö̦jö bä Ijilubö e a̦ bejedi lä bufii wejei bä lä cui, ba̦limi bä cuobä bä li. Ö̦jö ma cui, bä Ijilubö e a̦ juaö lä mlajei bä lä cui, ö̦jö bä nia ba̦limi cuomi. Yai Bada tä nö wa̦lowä lä jushudou wei tänö bä nö bleaabä ö̦jö bä li.

Juan 4:36

’¿Ö̦jö tawä? Nii bä lä taö wejei, bä nowa ojode coamamou. Ai bä nijamö, nii bä bälaö lä cuaaö wejeinaja, camiyä nija bä yanowamö lulubou cuoje, ba̦limi bä cuobä. Mobä döaö lä balöo wejei bä ma cui, nii bä taö lä nomöjöo wejei bä ma cui, ö̦jö bä bufi bluca doblalobä.

Juan 6:40

Abinaja Fayänö täbä taamaö bufi doblao malä cui. Bä Ijilubö wale nö yai lä ö̦jöböaö wejei bä lä cui, wale a̦ bejedi bufiije ja, bä ba̦limi tamabou bufi doblao. Tä lä jödödöblole däjä, ö̦jö ya bä nia demi jocädamaö co̦o —a cuma.

Juan 6:47

’Cafä wamacö nija ei ya wa̦ lä cui, bejedi lä ya wa̦ —a cuma—. Wale a̦ bejedi lä bufii wejei bä lä cui, ba̦limi bä cuobä bä li waiquiwä.

Juan 6:50

¿Ö̦jö tawä? Ya cö a̦fa nii lä wäyäle, fedu jamö culanö cäcö itolayoma, ö̦jö cäcö ja bä lä iyaö wei bä nomaö mlaobä.

Juan 6:51

Bä ba̦limi cuobä cäcö nii lä cui, ö̦jö bei ya waiquiwä, fedu jamö culanö ya lä itolayono wei ya lä cui. Camiyä ya cö nii lä cui ja bä lä iyaö wei bä lä cui, ba̦limi bä nia cuo. ¿Ö̦jö tawä? Yanowamö täbä ba̦limi cuobä ya cö nii lä jöböaö wei, bei ya ya̦ji nia jöböamou —a cuma.

Juan 6:58

Fedu jamö ya cuoma ya cö nii lä itolayono wei ya lä cui, ö̦jö camiyä ya cö a̦fa nii wäyämamou lä cule, camiyä bämacö bada bä lä cuono wei bänö, bä nii lä wano wejei mlai. Ö̦jö lä bä ma wano wejei ma cui, bä li nomalaliyoma. Camiyä ya cö a̦fa nii lä wäyämole ya cö ja bä lä iyaö wei, ba̦limi bä yai nia cuo —a cuma.

Juan 8:51

Cafä wamacö nija ei ya wa̦ lä cui, bejedi lä ya wa̦. Wale a̦ nofi lä cadidibou wejei bä lä cui, bä nomaö mlaicätä —a cuma.

Romanos 8:1

Fei däjä Jesucristo lija bämacö lä yädäle, Yai Bada tänö bämalecö nö nia bleaamaimi.

1 Tesalonicenses 5:9

Yai Bada tänö bämalecö nabä queobä bämalecö yaiano malä mlai. Bämalecö yai fucäabä bämalecö yailema. Bada tä Jesucristo lija bämacö fa yädäicunö, bämacö fucäamobä.

1 Pedro 1:21

A fa wawäblalunö, cama nija wamacö bufi cuquema. Wamacö bufi fa cuicunö, Yai Bada wama a bufibou, a demi jocädamaö lä co̦layono wei a lä cui. Ö̦jönö a doblamaquedayoma. ¿Ö̦jö tawä? Yai Bada wama a nofi mölabobä inaja a taamama, showadi wama a bufiblabä. Wamacö bayelibou fe balojowä cudeenö, cafä dodijidawä wama ecö yai cuobä wamacö.

1 Pedro 1:5

Ba̦limi bämacö cuobä, ya̦cumö bämalecö nia malä jucäaö wei. Yai Bada tänö täbä nia lä jömaö wei tä cublou däjä, tä nia wawäblou. Bämacö nia lä dobämou wei bämacö lä cui, Yai Bada bäma a nofi mölabou yalo, cama tä lojodenö bämalecö nowamaö showaa lä cule. Ö̦jö cudeenö bämacö bufi doblalou.

1 Juan 3:14

Bämacö nomaö shi wa̦libä, bämacö ma cuono wei ma cui, ba̦limi bämalecö tablamaö nömöjölayoma. Jesucristo bäma ebä lä nofimaö wei tänö, ba̦limi bämalecö lä tablamaleno wei bäma tä daö. Täbä nofimaö lä mlajei bä lä cui, bä nomaö shi wa̦libä jamö bä cudia showaa lä cule.

1 Juan 5:1

“Yai Bada tänö a shömabä a lä yaileno wei, ö̦jö Jesús a waiquiwä”, bä bufi lä cuu wei, Yai Bada bei ijilubö ebä waiquiwä. ¿Ö̦jö tawä? Bä fö̦ö ebä lä nofimaö wejei bä lä cuinö, bä ijilubö ebä ca̦i nofimaö mö feduo malä cujei.