Juan 5:23 - Biblia Yanowamö

²³ wale nofi dodijidawä tabobeje. Fayä Yai Bada a lä cui, a nofi dodijidawä lä tabou wejeinaja, bä Ijilubö ya e ma cui wale nofi ca̦i tabou mö feduobeje. Bä Ijilubö wale nofi dodijidawä tabou lä mlajeinaja, Fayä a ma cui inaja showawä a nofi ca̦i taboimi mö feduweje, wale lä shömöleno wei a lä cui.

Juan 5:23 Iomraidhean Croise

Mateo 10:37

’Wale jo̦wa ma bufii wejei ma cui, bä fö̦ö ebä nija bä bufi mö blucao dicoo ja, bä nöö ebä nija bä bufi mö ca̦i blucao dicoo ja, iba bä cuobä bämi waiquiwä. Bä ijilubö ebä ma cui, bä tää ebä ma cui, inaja showawä. Ö̦jö bä nija bä bufi mö blucao dicoo ja, iba bä nia cuomi.

Mateo 11:27

’Jödödöwä täbä nija ya Bada läobä, Fayänö wale tablamalema —a cuu nomöjöoma—. ¿Ö̦jö tawä? Yanowamö täbänö wale daimije. Fayä a lä culadinö, bä Ijilubö ya e lä cui wale shino daö ayawä. Inaja showawä, Fayä a daö ma mlajei ma cui, camiyä bä Ijilubö ya enö ya shino daö ayawä. Fayä ya dablamaö bufi lä doblao wei bä lä cui nija ya fa damalalönö, ö̦jö bä ma cuinö a daö mö feduweje.

Mateo 12:21

Judio bä lä mlai bä lä cuinö a nia bufiblaöje. Einaja tä a̦ cuu.

Mateo 15:8

Fei bä lä cuinö, bei bä caficönö wale nofi doablaö ma buo wejei ma cui, camiyä nija bei bä bufi yai cuami.

Mateo 28:19

Ö̦jö cudeenö, camiyä ya wa̦nö bä juu da cuaafälö. Bluca bä bälöjöwä lä yaiblai bä da yömöladuje, camiyä nija bä nocao mö feduobä. Fayä a wa̦ ma cuinö, bä Ijilubö ya e a̦ ma cuinö, Yai Bada bei Bufi a wa̦ ma cuinö, ö̦jö yamacö a̦nö wama bä fe ojomaö cuaabä.

Lucas 10:16

Ö̦jö däjä, abinaja Jesús a cuma, cama ebä lä nocamabono wei bä nija. —Cafä wamacö a̦ ji̦liaöje ja, camiyä ma cui wale a̦ ji̦liaö mö feduoje. Wamacö a̦ waii dicooje ja, camiyä ma cui wale a̦ waii mö feduoje. Inaja showawä, camiyä wale a̦ lä waii wejei bä lä cuinö, wale lä shömöleno wei a ma cui, ö̦jö a wa̦ waii mö feduoje —a cuma.

Juan 14:1

Jesúsnö abinaja bä nowa tama. —Bä bufi nofi jushublao dijä. Yai Bada tä a̦ shino bejedi da bufije. Camiyä wamale a̦ bejedi ca̦i da bufi.

Juan 16:14

Bayeliawä a lä cuinö, camiyä wale nia doblao dablamaö. Camiyä wale a̦ fa ji̦lilänö, cafä wamacö nija tä a̦ nia malä wawämaö wei.

Juan 17:10

Iba bä bluca lä cule, afä bä li. Inaja showawä, cafänö wa bä nofi lä ibabole, iba bä ca̦i waiquiwä. Ö̦jö bänö wale doblao dablamaöje.

Romanos 1:7

Ö̦jö cudeenö Yai Bada tänö Lomateli wamacö lä nofimaö wei wamacö lija, ei ya tä a̦ oni shimaö lä cule, Yai Bada wama ecö cuobä wamacö nacaa mö lä feduleno wei wamacö lija. Bei. Fayä Yai Bada lija wamacö shi̦lo bayeliblamobä, Bada tä Jesucristo lija ca̦i. Wamacö bufi shi̦lo yanöcömaboböbä. Wamacö nofi ca̦i shi̦lo ojodaboböbä.

Romanos 15:12

Isaia a ma cui, a wa̦ ca̦i fama. Abenaja tä a̦ oni cuu. Isai nodiwä bä lija a nia Bada bädou, jai fii fi nasöcö nia cabudu lä faö wei a lä cui. Judio bä lä mlai bä lijamö a läobä, a nia bädou. Ö̦jö lija judio bä lä mlai bä nia mölaö. Einaja tä a̦ cuu.

Romanos 6:22

Ö̦jö ma cui wa̦lidiwä tä ja, fei däjä wamacö fujeblaliyoma. Yai Bada wama a nosie yai fuaö majöobä wama ecö cublou fa nomöjölonö, wamacö yai bayeliblamou. Yai Badanö dodijidawä wamacö fa yaimacönö, ba̦limi wamacö cuobä.

Romanos 8:9

Ö̦jö ma cui, Yai Bada wama a Bufi bejedi tabou ja, yanowamö täbä showadi lä cuaaö wei tä ja wamacö luluamoimi waiquiwä. Ö̦jö lija wamacö bufi yai luluamou. Cristo a Bufi tabou lä mlajei, cama ebämi waiquiwä.

1 Corintios 1:3

Bei. Fayä Yai Bada lija wamacö shi̦lo bayeliblamobä, Bada tä Jesucristo lija ca̦i. Wamacö bufi shi̦lo yanöcömaboböbä. Wamacö nofi ca̦i shi̦lo ojodaboböbä.

1 Corintios 10:31

Abenaja. Wamacö lä iyaö wei tä ma cui ja, wama toubä lä coaö wei tä ma cui ja, jödödöwä wama tä lä taö wei tä ma cui ja, Yai Bada wama a nofi dodijaö doablamabä wamacö.

1 Corintios 16:22

Bada a bufibou lä mlajei bä lä cui, Yai Bada lija bä waimobä. ¿Ö̦jö tawä? Inaja lä tä cuobä. ¡Bada tä Jesucristo a itou lobaaö co̦imabä!

1 Corintios 6:19

¿Wama tä daimi tawä? Cafä wamacö lija Yai Bada tä Bufi fa jibämoicunö wama a Bufi tabou. Ö̦jö wama ecö yafi. Ö̦jö wama ecö waiquiwä yalo, camanö tä tamaö lä bufio wei tä ja wamacö cadidobä wamacö.

2 Corintios 1:9

Ma. “Fei däjä yamalecö nia shi̦lo yai shäö shalilioje”, yamacö bufi cuma. ¿Ö̦jö tawä? Yamacö bufi nö lä beblalono wei, ö̦jö Yai Bada bei tä mayo cuoma, camiyä yamacö nia lä fucäamou wei tä ja yamacö mölaö dicoo mlaobä. Cama Yai Bada lija yamacö shi̦lo yai mölaö showao fe yadiobä yamalecö inaja taamama, täbä demi lä jocädamaö wei a lä cui lija.

2 Corintios 13:14

Bei. Yai Bada lija showadi wamacö bayeliblamobä. Bada tä Jesucristonö wamacö nofi shi̦lo ojodabobä. Yai Bada tänö showadi wamacö nofimabä. Yai Bada tä Bufi sho, wamacö nofi shi̦lo tamayobä.

2 Corintios 5:14

Yai Bada tänö yamalecö nofimaö fe balojowä yalo, showadi ö̦jö yama a wa̦ fuabä tä malä cule. Abenaja yamacö bufi yai cuu dodijia lä cule. Yanowamö täbä nia bluca lä nomaö wei jamö Jesucristo a nomaa läa waiquilayoma cudeenö, ö̦jö lija täbä bluca nomaa yädäa waiquilayoma.

2 Corintios 5:19

¿Ö̦jö tawä? Yai Bada tänö yanowamö täbä ajedeblamabä, Cristo a shäa lämalema, täbä doblou lä mlai täbä lija etä nowa tabou mladobä. Ö̦jö yama tä a̦ wäyäö cuaabä, yamalecö lämabou.

Efesios 6:24

Bada tä Jesucristo a nofimaö shi wa̦lii lä waiquilajei bä lä cui, bä nofi shi̦lo ca̦i ojodaboböbä.

2 Timoteo 1:12

Inaja ya cuaaö cudeenö wale fe ma labou wejei ma cui, ya bufi quilijoimi. Ma. Ya bejedi lä bufibole a lä cui ya malä dale. Ya etä a̦ wäyäö cuaabä wale shimölema. Yai Bada tänö täbä jimabä etä cublou showao mlao däjä, cama etä lofotenö tä a̦ nia wäyämamou showao fe yadio. Ö̦jö ya tä daö.

Hebreos 1:6

Bä Ijilubö moli e lä cui, bita jamö e lä wawäblamaleyoluno wei däjä, abenaja a ca̦i cuma. Yai Bada a̦jele ebä bluca lä culadinö, ei lija bä möfe bolanö, a wa̦fa nia Bada doblao taöje. ¿Ö̦jö tawä? Bä Ijilubö e a̦fa wayoaö ja, einaja a cuma.

2 Pedro 1:1

Jesucristonö wale lä shömöleno wei, ei camiyä Simón Pedro cä ya, ya nosie juabä ya e lä cui. Jesucristo yama a nofi mölabou lä culenaja, wama a nofi mölabou cuo mö lä fedule wamacö nija, ei ya tä a̦ oni shömaö lä cule. Bäma a bufiblabä, ö̦jö Jesucristo a waiquiwä, bämalecö lä jucäaö wei a lä cui. Bämalecö lä bayelibou wei tä nowa yai bluca dodijiwä. ¿Ö̦jö tawä? Jesucristo a cadejewä cudeenö, cafä wamacö ma cui, camiyä yamacö ma cui, bämalecö bufi bluca taamaö fe usucuwä, bäma a nofi mölabobä. ¿Ö̦jö tawä? Cama wama ecö mö feduwä yalo, cafä wamacö nija ei ya tä a̦ oni shömaö.

2 Pedro 3:18

Ö̦jö ma cui, Jesucristo nija wamacö bayeliblamou lä waiquio wei wama ecö lä cui, bä yai bayeliblamou fe da balojolu. Wama a daö lä waiquile wamacönö, a yai daö da shalilioje. Bada tänö bämalecö yai bayelibou. Ö̦jö cudeenö, fei däjä ma cui, obi ma cui, ö̦jö bäma a nofi shino yai da doabla. Inaja lä tä cuobä.

1 Juan 2:23

Yai Bada bei Ijilubö e lä waii wejei bä lä cuinö, bä Fö̦ö e ma cui e taboimije. “Ö̦jö lä a waiquiwä”, Jesús a nofi tabolajenö, a nofi lä mölabou wejei bä lä cuinö, Jesús, bä Fö̦ö sho cäcöbä tabou bolacaaje.

2 Juan 1:9

Jesucristonö tä a̦ lä wäyäno wei tä a̦ jamö, shomi tä a̦ coyocobou lä dicoo wejei bänö Yai Bada tä taboimije. Jesucristonö tä a̦ yai lä wäyäno wei tä a̦ jamö bä lä cadidou wei bä lä cuinö, bä Fö̦ö e ma cui, bä Ijilubö e ma cui, ö̦jö lä cäcöbö tabou bolacaaje.