Juan 5:20 - Biblia Yanowamö

²⁰ ’Fayänö bä Ijilubö wale nofimaö dodijia yalo, a lä cuaaö wei camiyä nija tä bluca wawämaö. Ya lä cuaafenaja bädawä mlai, tä yai lä lojode wei tä nia wawämaö cuaaö. Camiyä nija tä fa wawämalönö, inaja showawä, yanowamö wamacö nija ya etä nia wawämaö cuo mö feduo, wamacö bufi yai shädayaimobä.

Juan 5:20 Iomraidhean Croise

Mateo 11:27

’Jödödöwä täbä nija ya Bada läobä, Fayänö wale tablamalema —a cuu nomöjöoma—. ¿Ö̦jö tawä? Yanowamö täbänö wale daimije. Fayä a lä culadinö, bä Ijilubö ya e lä cui wale shino daö ayawä. Inaja showawä, Fayä a daö ma mlajei ma cui, camiyä bä Ijilubö ya enö ya shino daö ayawä. Fayä ya dablamaö bufi lä doblao wei bä lä cui nija ya fa damalalönö, ö̦jö bä ma cuinö a daö mö feduweje.

Mateo 17:5

A wa̦ faö showai ja, ölajashi a bada au fa itolunö, bä jo̦yablalema. Ö̦jö däjä, ölajashi jamö culanö a wa̦ bädaliyoma. —Ei Ijiluyä a, ya lä nofimaö wei. Wale bufi lä doblamabou wei a. A wa̦ da ji̦liläje —a cuma.

Mateo 3:17

Ö̦jö däjä, fedu jamö tä a̦ fa bädaludunö, abinaja Yai Bada a cuma. —Ijiluyä ya nofimaö lä dodijile, miji a. Cama nija bejedi lä ya bufi yai doblalou dodijio —a cuma.

Mateo 4:8

Ö̦jö däjä, tä jefu ösöwä lä dodijii jamö, fecula badanö Jesús a bälaquedayoma. Ö̦jamö cäcöbö culanö, Jesús nija, bita jamö täbä jödödöwä bälöblawä lä yaiblai täbä jömaö cuaama, täbä madofibö nowa lä bluca wei bä ca̦i.

Lucas 10:22

’¿Ö̦jö tawä? —a cuu nomöjöoma—. Jödödöwä täbä nija ya Bada läobä, Fayänö wale tablamalema. ¿Ö̦jö tawä? Yanowamö täbänö wale daimije. Fayä a lä culadinö, bä Ijilubö ya e lä cui, wale shino daö ayawä. Inaja showawä, Fayä a daö ma mlajei ma cui, camiyä bä Ijilubö ya enö, ya shino daö ayawä. Fayä ya dablamaö bufi lä doblao wei bä lä cui nija ya fa damalalönö, ö̦jö bä ma cuinö a daö mö feduaje —a cuma.

Juan 1:18

Yanowamö bämacö nija Yai Bada tä dablamoimi. Tä dablamou ma mlai ma cui, bä Ijilubö moli e lä cuinö, bä Fö̦ö e nija a lä ajedelenö, ö̦jönö tä damalalema.

Juan 10:32

Abinaja Jesúsnö bä nowa tama. —Fayänö dodijidawä tä wawämaö lä bufii wei, cafä wamacö nija bluca ya tä wawämalema. ¿Wedi jamö tä nowa yai ja, maa mabänö bei wamale nia li shäyäö? —bä nowa tama.

Juan 14:12

’Cafä wamacö nija ei ya wa̦ lä cui, bejedi lä ya wa̦ —a cuu co̦oma—. Wale a̦ bejedi lä bufii wejei bä lä cuinö, Yai Bada ya mayo wawämaö lä cuaaö weinaja bä nia cuaaö mö feduo. ¿Ö̦jö tawä? Fayä nija ya co̦o yalo, bä nia yai cuaaö.

Juan 15:15

’Bada a wa̦ juamobä bä lä cui, a bayeliblabeje bä li tabou —a cuma—. Bada a lä cui, cama a nia yai lä cuaaö wei, ö̦jö bä nija tä a̦fa nia wäaimi. Bä ojodamou buobä cäbä. Ö̦jö cudeenö, camiyä ya lä cuinö, “Ya wa̦ juamobä cäbä”, bämacö nofi fei däjä tabou bäami. Ma, “Iba ya bä nofimaö lä dodijile cäbä”, bämacö nofi yai tabou majöa lä cule. Fayä nija ya tä a̦ bluca lä ji̦lileno wei wama tä a̦ daö mö feduobä, ya tä a̦ bluca wäa malä waiquiqueno wei.

Juan 17:26

Fei bä nija cafä bäfä damalalema. Inaja showawä, bäfä nia dablamaö cuo showao, cafänö wale lä nofimaö weinaja, yanowamö täbä nofimaö cuo mö feduobeje. Cama bä nija ya yai cuobä —a cuma.

Juan 3:35

Bämacö lä Fö̦ömole a lä cuinö, showadi bä Ijilubö e yai nofimaö. Jödödöwä täbä lojodobobä, a Bada tablamalema.

Juan 5:21

Bä lä nomaö wei, Fayänö bä demi jocädamaö lä co̦o weinaja, inaja showawä, bä Ijilubö ya e cuaaö mö feduo. Ya bä demi jocädamö lä ojode wei, ya bä li jocädamaö.

Juan 5:25

’Cafä wamacö nija ei ya wa̦ lä cui, bejedi lä ya wa̦ —a cuma—. Abinaja tä nia cuo. Tä cua waiquia a lä cule. Bufi nomawä bä lä cuinö, camiyä Yai Bada bei Ijilubö wale a̦ nia ji̦liaöje. Wale a̦ fa ji̦liläjenö, ba̦limi bä nia cuo.

Juan 5:29

bä demi nia jocäcou. Demi bä cuo däjä, bä lä bejedimono wei bä lä cui, ba̦limi bä cuobä bä nia jocäcou. ¿Ö̦jö tawä? Wa̦lidiwä talewä bä lä cui, bä dobloimi jömamobä, bä nia ca̦i cama jocäcou mö feduo, bä nö yai bleaaö nomöjöobä.

2 Pedro 1:17

Yai Bada tänö wawädowä a nö malä ö̦jöbömaleno wei. A wa̦fa doblao ca̦i wäyäma, bäma a nofi lä Fö̦ömaö wei a lä cuinö. A shino Bada doblaa lä ayaladi a lä cui, abinaja a cuma. Ijiluyä ya nofimaö lä dodijio wei, ei a. Cama nija ya bufi yai shino doblalou dodijiwä. Einaja a cuma.