Juan 5:19 - Biblia Yanowamö

¹⁹ Abinaja Jesúsnö bä nowa tama. —Cafä wamacö nija ei ya wa̦ lä cui, bejedi lä ya wa̦. Yai Bada bei Ijilubö ya e lä cui, camiyä ya cuaaö bufi lä doblao wei tänö ya cuaaimi. Fayä a lä cuaaö wei ya tä möö yalo, inaja camiyä ya e ca̦i cuaaö mö fedua. Fayänö tä lä taö wei, bä Ijilubö ya enö ya tä cai̦ taö mö fedua. ¿Ö̦jö tawä?

Juan 5:19 Iomraidhean Croise

Génesis 1:1

Jaba däjä, judu mösö ma cui, bita a ma cui, Yai Bada tänö tä bluca bädamalema.

Génesis 1:26

Ö̦jö däjä, Yai Bada a wa̦ faö co̦oma. —Camiyä bämacö lä culenaja a cuwä, yanowamö bäma a da tabla, bämalecö owäbobä. Ö̦jö däjä, jödödöwä bäma täbä lä tablalöfe, yanowamö bä nija bäma täbä fa jöbäcönö, cama etäbä cuobä. Modu u jamö bä lä juu wei bä ma cui, bä yalo lä yäö wei bä ma cui, bä yalo tabobeje bä ma cui, wajaquemi bä wai lä joleaö wei bä ma cui, ö̦jö bä nofi bluca tabobeje —a cuma.

Éxodo 4:11

Ö̦jö däjä, abinaja Jeobaa a cuma. —Yanowamö a lä cui, ¿wedinö bei caficö li tablalema, ö̦jö lä? Yanowamö aca lä bolebö wei a ma cui, yömöcacö lä comi wei a ma cui, mamocu lä dodijidai a ma cui, a lä jubäbö wei a ma cui, ¿wedinö inaja bei bä li tablamaö? ¿Camiyä Jeobaa ya lä cuinö mlai daanö?

Proverbios 2:6

Jeobaanö täbä bufi malä jaducäblamaö wei. Cama a wa̦nö täbä bufi ca̦i damaö. Bufi dao täbä tamabou.

Mateo 26:39

Jesús a bayäcäblou fa co̦lodunö, a blaaledayoma. Yai Bada nija a nö bayeli nacao ja, abinaja a cuma. —¡Fabe! Fei däjä wale nö yai nia lä bleaamaö wejei tä lä cui, wa tä blajamabä tä cua ja, tä da blajamalö. Ö̦jö ma cui, wa tä nö blajamabimi waiquiwä ja, ö̦jö waiquiwä. Camiyä ya cuaaö bufi lä doblao weinaja mlai, cafänö wale taamaö bufi lä doblao weinaja, wale da taama —a cuma.

Lucas 21:15

Wamacö a̦ moyawe juobä, camiyänö bämacö a̦ nia malä macocamaö wei. Bämacö a̦ lä bayeliblaö wei däjä, bä nö lä nabämou wei wama bä a̦ nö nia wa̦lojamaimi.

Juan 10:18

¿Ö̦jö tawä? Cama bä lojodenö wale nia shäimije. Camiyä ya shämou li fa ojodaonö, ya nia li shämou. Ya shämou ojodaobä, Fayänö wale nö li wa̦lojomabou. Ya demi nia ca̦i jocädou lä co̦o wei, inaja showawä —Jesús a cuma.

Juan 12:49

Camiyä ya bufi lä cuu weinaja ya tä a̦ wäyäö bädao malä mlai. Fayänö wale lä shömöleno wei a showawä lä cuinö wale nosiemaö ja ya wa̦. Cama a wa̦nö ya wa̦ cadidou.

Juan 12:50

Yai Bada tänö tä tamaö lä bufii wei tä ja bä cadidou ja, ba̦limi bä nia cuo. Ö̦jö ya tä daö cudeenö, Fayänö tä a̦ wäyämaö lä bufii wei, ya tä a̦ li wäyäö —a cuma.

Juan 14:10

Fayä nija ya lä cule, camiyä nija Fayä a ca̦i lä cule, ¿wama tä a̦ bejedi bufii yailawä? Cafä wamacö nija ya tä a̦ lä wäyäö wei, camiyä ya wa̦ bädawämi. Fayä ya wa̦no wäyäö. Ya ma cuaaö wei ma cui, camiyä nija Fayä a yai culanö, ö̦jönö tä taö.

Juan 2:19

Abinaja Jesús e cuma. —Ja̦o. Ei a yafi da wa̦lialöje, ö̦jö lä. Bolacabö tä mö didi fa cublalunö, ya yafi i̦tamaö co̦o wä —a cuma.

Juan 3:3

Abinaja Jesús e cuma. —Cafä nija ei ya wa̦ lä cui, bejedi lä ya wa̦. A tablamou co̦o lä mlai a lä cuinö, Yai Bada tänö cama ebä nia ca̦i lä cuo wei tä nia dablaimi —e cuma.

Juan 5:21

Bä lä nomaö wei, Fayänö bä demi jocädamaö lä co̦o weinaja, inaja showawä, bä Ijilubö ya e cuaaö mö feduo. Ya bä demi jocädamö lä ojode wei, ya bä li jocädamaö.

Juan 6:38

Fedu jamö culanö ya lä itolayono wei ya lä cuinö, camiyänö ya tä taö lä bufii wei ya tä tabä, ya itono malä mlai. Wale lä shömöleno wei a lä cuinö, ö̦jönö tä tamaö lä bufii wei ya tä yai tabä, ya malä itolayono wei.

Juan 8:28

Ö̦jö cudeenö, abinaja Jesúsnö bä nowa taö nomöjöoma. —Ya lä yanowamöblaleyoluno wei ya lä cui, wamale befi ca̦i i̦tamaö waiquio däjä, ö̦jö lä däjä, wamale nö nia bejedi ö̦jöböaö. “Ö̦jö lä a waiquiwä cuoma, a da cubleinaja showadawä”, wamale nofi nia tabou. “Cama a bufi cuu lä bädao weinaja, a cuaanomi. Bä Fö̦önö tä a̦ wäyäö ja, a wa̦ yai cuoma”, wamale nofi nia tabou.

Juan 9:4

Wale lä shömöleno wei a lä cuinö tä tamaö lä bufii wei bäma tä taö showadaobä cätä, tä wacacawä lä showai däjä. Tä mö fa dödölönö, täbä ojodamou daomi.

Hechos 2:24

Ö̦jö ma cui, a ma shäleno wejei ma cui, Yai Bada tänö a jucäa fe yadilema. A ca̦i demi jocädamaö co̦layoma. A nomaö shi wa̦lijiobä a cuono malä mlai.

Romanos 6:4

¿Ö̦jö tawä? Bämalecö fa yädämacönö, Cristo a nomabä jamö bämacö nomaa yädälayoma. A nomawä lä didiqueno wejei jamö ma cui, bämacö ca̦i didio yädäoma, a demi lä jocädono wei tä jamö bämacö ca̦i yädäblou mö feduo showaobä. ¿Ö̦jö tawä? Bä Fö̦ö e lä doblale etä lofotenö a demi jocädamaö lä culayono weinaja, inaja showawä camiyä dude bämalecö ca̦i tablamaö mö fedulayoma, bämacö showadi lä cuaano wei bäma tä bufiblaö co̦o mlaobä.

Romanos 8:11

Jesús a demi jocädamaö lä co̦layono wei wama a Bufi tabou ja, wamacö ma nomaö wei ma cui, wamacö demi nia ca̦i jocädamaö co̦o. Cafä wamacö lija Yai Bada tä Bufi lä bälölenö, wamacö nia inaja taamaö.

1 Corintios 15:12

¿Ö̦jö tawä? Cristo a demi lä jocädaliyono wei tä a̦ ma wäyämou wei ma cui, ¿wedi tabä ai wamacö jolemou dicoo? Täbä lä mladou wei täbä nia jo̦wa dablou co̦daaimi.

2 Corintios 4:14

¿Ö̦jö tawä? Abenaja yamacö bufi cuolanö yamacö a̦ faö. Bada tä Jesús a demi jocädamaö lä co̦ono wei a lä cuinö, Jesús lija yamacö yädäa yalo, ö̦jönö yamalecö demi nia ca̦i jocädamaö co̦o. Cafä wamacö sho, Yai Bada tänö bämalecö nia bluca ublamabou.

2 Corintios 5:10

Cristonö täbä nia lä jimaö wei jamö, bämacö bluca nia malä icuo wei, bämacö lä cuaano wei tä jimabä. Ei bämacö sicö ja bämaco cuo däjä bäma tä lä tano wei tä nowa nia co̦amaö cadidio. Wa̦lidiwä bäma tä lä tano wei tä ma cui, dodijidawä bäma tä lä tano wei tä ma cui, tä nowa nia bluca co̦amaö.

Efesios 2:5

wa̦lidiwä tänö jai nomawä bämacö ma blaono wei ma cui, Cristo lija bämalecö fa yädämacönö bämalecö ca̦i demiblamalema. ¿Ö̦jö tawä? Wamacö nofi ojodaboma yalo wamacö malä fucäano wei.

Efesios 3:16

Cama ebä showadi bayelibou fe balojoo yalo bämacö nö bayeli nacaö, cama bei Bufinö wamacö nö wa̦lojomabobä. Wamacö bufi yai lofotomabobä.

Filipenses 3:21

Cama a lofotenö, bei bämacö sicö lä ujudi wei bämacö sicö fa shomiblamalönö, cama sicö dodijidawä lä culenaja, bämacö sicö nia tablamodayou. Cama Jesucristo a lofotenö tä bluca tamobä a malä cui.

Filipenses 4:13

Tä cublou lä bädao wei tä ma cui ja, Jesucristonö wale nö wa̦lojomabou yalo, ya doblou fe yadio.

Colosenses 1:11

Cama tä lofotenö wamacö nö yai wa̦lojomabobä. Ö̦jö tä lä doblale a shi̦lo yai lofote cua. Wamacö nö yai lä wa̦lojomabou wei däjä, wamacö bufi shi̦lo yai doblao fe yadiobä. Wamacö bufi ca̦i shi̦lo yanöcöwä cuo fe yadiobä.

Colosenses 1:16

Fedu jamö ma cui, bita jamö ma cui, täbä wawädowä lä dablamou wei täbä ma cui, täbä dablamou lä mlai täbä ma cui, ö̦jö lä täbä lä cui, bä Ijilubö e lija, Yai Bada tänö täbä bluca tablamalema. A̦jele bä lä culadi bä ma cui, ai yai täbä bada lä lofote wei täbä ma cui, yanowamö täbä bada lä läblai täbä ma cui, ö̦jö täbä ca̦i tablaö mö fedua showadalayoma. Cama etäbä cuobä, cama lija täbä bluca tablamalema.

1 Tesalonicenses 4:14

Jesús a fa nomalönö, a demi jocädamaö malä co̦layono wei. Ö̦jö bejedi bäma tä a̦ fa bufilänö bämacö mölaö. Jesús ebä ma mladou wei, Yai Bada tänö bä ca̦i demi jocädamaö mö feduo weicätä. Jesús lija bä yädäa yalo, ö̦jönö bä ca̦i bluca cuo shi wa̦lii wä.

1 Pedro 3:18

Cristo a ma cui, nowa mlai ja a nö malä bleaamano wejei. Camiyä bämacö doblou lä mlai tä nowa ja, ö̦jö cä lä a moli shämoa malä showadalayono wei. A yai lä cadidou wei a lä cui, a shämoa lälayoma, bämacö cadidou lä mlai, Yai Bada nija bämalecö lulubobä. Bei a yai nomaa cadidilayoma ma cui, Yai Bada bei a Bufinö a demi jocädamaö co̦layoma.

Apocalipsis 2:23

Ö̦jö a suwä lä cui, bä ijilubö ya ebä nia shäö showadao, a wa̦ suwä lä juaö wejei bä lä cui, iba bä lä yododoblai bä bufi yai jaducublobä. Bä bufi lä cuaablalou wei ma cui ya tä daö. Bä bufi lä waiyou wei tä ca̦i. Bä lä cuaaö wei tä nowa lä cudalenaja ya tä nowa nia bluca co̦aö cuo.