Juan 5:18 - Biblia Yanowamö

¹⁸ Täbä yanöcöobä tä mö sábado jalu ma cui ja a wasöomi cudeenö, Jesús a shäö bufi doblao waiquiomaje. Yai Bada nija a ca̦i Fö̦ömou fa cadidionö, bä jushuo balaö showadaoma, Yai Bada a sho cama cäcöbö a̦fa wäyämoma yalo.

Juan 5:18 Iomraidhean Croise

Mateo 12:5

’¿Moisesi bei wama etä a̦ oni ca̦i daö mlaa cule? —a cuma—. Täbä yanöcöobä tä mö jalu ja, täbä ojodamou mlaobä tä a̦ ma läle ma cui, Yai Bada etä yafi jamö nofi bäyäalewä showadi bä ojodamou fe malä yadio wei. Inaja bä ma cuaaö wei ma cui, bä jömamobä bämi.

Juan 1:19

Fe ojomalewä Juan a lä cui, a wa̦liije däjä, a wa̦ nö wäo shalilioma. Jelusale jamö nofi bäyäalewä ai bä lä cuono wei, Lewi nodiwä ai bä cuo mö lä feduono wei sho, Juan nijamö judio bänö ö̦jö bä shömölemaje. Abinaja Juan nija bä cuyoluma. —Ei wa lä cuaale, ¿wedi cafä bei wa? —bä cuma.

Juan 10:30

Fayä sho, ö̦jö yafäcö waiquiwä —a cuma.

Juan 10:33

Abinaja bä cuma. —Wa tä dodijidawä lä wawämaleno wei tä nowa ja mlai, Yai Bada wa tä nö lä waiblaö wei tä nowa ja, bäfä nia yai shäyäö. Yanowamö wa mö feduwä ma cui, cafä Yai Bada wa wa̦fa jilou nofi jushuaö cudeenö, wa nia shäyämou —bä cuma.

Juan 14:23

Abinaja Jesús e cuma. —Wale lä nofimaö wejei bänö, wale a̦ nofi nia cadidibouje. Fayänö bä nia nofimaö. Ö̦jö bä nija yafäcö nia walooyoluu, yafäcö bälödiobä.

Juan 14:9

Abinaja Jesús e cuma. —Felipe. Cafä wamacö nija ya nö ma dedeale ma cui, ¿wale daimi showawä tawä? Camiyä wale lä möö wejei bä lä cuinö, Fayä a möö waiquiweje. ¿Wedinaja wa bufi li fa cunö, “Faafä a da jömöba”, bei wa li cuu cule?

Juan 19:7

Judio bä a̦ juo ja, abinaja Bilado a nowa tamaje. —Camiyä yamacönö, Moisesi yama etä a̦ tabou. Yama tä a̦ daö. Miji a lä cui, Yai Bada bei tä a̦fa Ijilubö jilou yalo, a nomabä a waiquiwä—a nowa tamaje.

Juan 5:15

Ö̦jö däjä, a lä jalomaleno wei a lä cui, judio bada bä nijamö a fa alunö, Jesús a wa̦fa wäyäö showadaoma. —Wale lä jalomaleno wei, ö̦jö Jesús a waiquiwä —a cuma.

Juan 5:16

Täbä yanöcöobä tä mö jalu jamö Jesúsnö a jalomalema yalo, judio bada bänö a bäyäblabeje a nabä jumaje.

Juan 5:17

Ö̦jö ma cui Jesús a nofi bäyäo ja, abinaja bä nowa tama. —Fayä a yanöcöblao mlai ja, showadi täbä bayeliblaö ojodao. Inaja showawä, camiyä ya ca̦i cuaaö mö fedua —bä nowa tama.

Juan 5:23

wale nofi dodijidawä tabobeje. Fayä Yai Bada a lä cui, a nofi dodijidawä lä tabou wejeinaja, bä Ijilubö ya e ma cui wale nofi ca̦i tabou mö feduobeje. Bä Ijilubö wale nofi dodijidawä tabou lä mlajeinaja, Fayä a ma cui inaja showawä a nofi ca̦i taboimi mö feduweje, wale lä shömöleno wei a lä cui.

Juan 7:1

Ö̦jö tä cublou waiquilayono wei ja, Calilea jamö Jesús a juu cuaama. Judio bänö a shäö bufi doblao waiquiomaje cudeenö, Judea jamö a juu bufionomi.

Juan 7:19

’Yai Bada tänö tä tamaö lä bufii wei, cafä wamacö nija Moisesinö tä a̦ jöböquema, ¿ö̦jö tawä? —a cuma—. Tä a̦ ma jöböqueno wei ma cui, moli ai wamacö ma cuinö wama etä a̦ nofi cadidiboimi. ¿Wedi tabä bei wamale shäö bufi li doblao, ö̦jö lä?

Juan 8:54

Jesús abinaja a cuu mö feduoma. —Camiyä ya wa̦fa doblao tamamou bädao ja, tä nowa cuami waiquiwä. Wale a̦fa yai doblao lä taö wei a lä cui, Fayä a, wama a jo̦wa lä bufibou wei a showawä lä cui.

Juan 8:58

Abinaja Jesús e cuma. —Cafä wamacö nija ei ya wa̦ lä cui, bejedi lä ya wa̦. Ablaamö a cua showaa mlai ja, ya cuo lä balöono wei, ei ya —e cuma.

Filipenses 2:6

Jesucristo a lä cui, “Yai Bada a waiquiwä”, a nofi tabobeje a ma cuono wei ma cui, ö̦jö tä ja a bufi mö blucaonomi.

Apocalipsis 22:1

Ö̦jö däjä a̦jele a lä cuinö, camiyä nija ba̦limiblamamodima u damalalema. U mömou walalawä dodijidaoma. Yai Bada tä döcäobä etäcö cotä jamö culanö u fa falönö u caläma, Oweja a wa̦fa ocalo lä jilamou wei a ca̦i lä döcäo wei jamö.

Apocalipsis 22:3

Yai Bada tänö tä nofi lä wa̦libou wei, ö̦jamö tä nia cuo co̦daaimi. Ö̦jamö Yai Bada a nia döcäo, cama Bada etäcö jamö. Oweja a wa̦fa ocalo lä jilamou wei a ma cui, ö̦jamö a ca̦i nia döcäo. Yai Bada etä a̦ juamobä bä lä cui, bä möfe bolanö showadi a wa̦fa nia Bada doblao taöje.