Juan 5:16 - Biblia Yanowamö

¹⁶ Täbä yanöcöobä tä mö jalu jamö Jesúsnö a jalomalema yalo, judio bada bänö a bäyäblabeje a nabä jumaje.

Juan 5:16 Iomraidhean Croise

Mateo 12:13

Inaja a fa culunö, imicö lä cofeono wei a nija abinaja e cuma. —Boco da dodoiquiyo. Boco fa dododalunö, imicö cushäshäblou showadalayoma. Ai imicö mashi dodijidawä lä culenaja, imicö cublou co̦layoma.

Marcos 3:6

Ö̦jö däjä, faliseo bä bada faa fa co̦lufälönö, Elode ebä fa co̦cablamalöjenö, Jesús a nabä queobeje, lobe a nofi washuaö showadaomaje.

Lucas 6:11

Ö̦jö ma cui, judio bä bada jushuo dodijioma. Jesús a nia lä taamano wejei tä ja, bä a̦ wayou showadaoma.

Juan 1:19

Fe ojomalewä Juan a lä cui, a wa̦liije däjä, a wa̦ nö wäo shalilioma. Jelusale jamö nofi bäyäalewä ai bä lä cuono wei, Lewi nodiwä ai bä cuo mö lä feduono wei sho, Juan nijamö judio bänö ö̦jö bä shömölemaje. Abinaja Juan nija bä cuyoluma. —Ei wa lä cuaale, ¿wedi cafä bei wa? —bä cuma.

Juan 10:39

Bada bänö a juwäamaö wabaö ma co̦ono wejei ma cui, a fa moyawäonö a juwäamonomi.

Juan 15:20

’Cafä wamacö nija ya lä cuno wei, tä a̦ nofi da jaduculeje. Bada a lä cui a nofi tabou mlaoje däjä, cama ebä nofi nia tabou ayaomije. ¿Ö̦jö tawä? Camiyä wale nö bleaamaö waiquiaje ja, inaja showawä, cafä wamacö nö nia ca̦i bleaamaö mö feduoje. Camiyä wale a̦ nofi cadidibou waiquiaje ja, inaja showawä, cafä wamacö a̦ nofi nia ca̦i cadidibou cuo mö feduoje.

Juan 5:10

Ö̦jö cudeenö, abinaja judio bä cuma, a lä jalolayono wei a nija. —Bämacö yanöcöobä tä mö jalu. Wa lä maqueono wei wa täcö ca̦i jubä tämi. Tä a̦ läa —bä cuma.

Juan 5:13

¿Ö̦jö tawä? A lä jalolayono wei a lä cuinö, Jesús a daö fa mlacunö a danomi showawä. A ca̦i dablaö co̦daanomi. Täbä bluca lä mashicono wei jamö, a nofi mojodudou showalayoma.

Juan 5:15

Ö̦jö däjä, a lä jalomaleno wei a lä cui, judio bada bä nijamö a fa alunö, Jesús a wa̦fa wäyäö showadaoma. —Wale lä jalomaleno wei, ö̦jö Jesús a waiquiwä —a cuma.

Juan 5:17

Ö̦jö ma cui Jesús a nofi bäyäo ja, abinaja bä nowa tama. —Fayä a yanöcöblao mlai ja, showadi täbä bayeliblaö ojodao. Inaja showawä, camiyä ya ca̦i cuaaö mö fedua —bä nowa tama.

Juan 5:18

Täbä yanöcöobä tä mö sábado jalu ma cui ja a wasöomi cudeenö, Jesús a shäö bufi doblao waiquiomaje. Yai Bada nija a ca̦i Fö̦ömou fa cadidionö, bä jushuo balaö showadaoma, Yai Bada a sho cama cäcöbö a̦fa wäyämoma yalo.

Juan 7:21

Abinaja Jesúsnö bä nowa tama. —Täbä yanöcöobä tä mö jalu sábado jamö, tä nö lä quilijii moli ya tä wawämaö ja, wamacö bufi bluca wedinajamou.

Juan 7:25

Wawädowä Jesúsnö bä damaö cudeenö, abinaja Jelusaleteli ai bä cuma. —A shäö bufi lä doblao wejei, ¿fei bei ami?