Juan 5:15 - Biblia Yanowamö

¹⁵ Ö̦jö däjä, a lä jalomaleno wei a lä cui, judio bada bä nijamö a fa alunö, Jesús a wa̦fa wäyäö showadaoma. —Wale lä jalomaleno wei, ö̦jö Jesús a waiquiwä —a cuma.

Juan 5:15 Iomraidhean Croise

Marcos 1:45

Ö̦jö ma cui, bluca täbä nijamö Jesús a wa̦fa wäyäö fa showadaonö, tä a̦ yai balamaö cuaama. Inaja a cuaama yalo, bä lä lulono wei bänö Jesús a doblamanomije. Täbä shabonobö jamö, wawädowä a juu doblonomi majöwä. Ulifi jamö a shino yai cua fa majöalunö, ö̦jamö lä jödödöwä bä lä bälöblai ebä waloblaaö majöoyoluma.

Juan 1:19

Fe ojomalewä Juan a lä cui, a wa̦liije däjä, a wa̦ nö wäo shalilioma. Jelusale jamö nofi bäyäalewä ai bä lä cuono wei, Lewi nodiwä ai bä cuo mö lä feduono wei sho, Juan nijamö judio bänö ö̦jö bä shömölemaje. Abinaja Juan nija bä cuyoluma. —Ei wa lä cuaale, ¿wedi cafä bei wa? —bä cuma.

Juan 4:29

—Bä da jaboje. Quijamö wa̦lo a da möcöliyoje. Camiyänö ya tä bluca lä tano wei tä a̦ wawämaö cadidou cublei. Yai Bada tänö a shömabä a lä yaileno wei, ¿ö̦jö lä a mada tawä? —bä nowa tama.

Juan 5:10

Ö̦jö cudeenö, abinaja judio bä cuma, a lä jalolayono wei a nija. —Bämacö yanöcöobä tä mö jalu. Wa lä maqueono wei wa täcö ca̦i jubä tämi. Tä a̦ läa —bä cuma.

Juan 5:12

Abinaja faliseo bä bada cuma. —Wa täcö fa jocälänö wa täcö ca̦i co̦jamöbä, ¿wedinö bei wa li shömölei cufe? —bä cuma.

Juan 5:16

Täbä yanöcöobä tä mö jalu jamö Jesúsnö a jalomalema yalo, judio bada bänö a bäyäblabeje a nabä jumaje.

Juan 5:18

Täbä yanöcöobä tä mö sábado jalu ma cui ja a wasöomi cudeenö, Jesús a shäö bufi doblao waiquiomaje. Yai Bada nija a ca̦i Fö̦ömou fa cadidionö, bä jushuo balaö showadaoma, Yai Bada a sho cama cäcöbö a̦fa wäyämoma yalo.

Juan 9:15

Mamocu lä jalomaleno wei tä ja, faliseo bä badanö a wa̦lii co̦omaje. A wa̦liije ja, abinaja bä nowa tama. —A̦ji a̦ji cäcönö wale mamo casöcö fa ya̦lelönö, ya mö ya̦lömoa fa majölönö, ya täbä möö lä cule —bä nowa tama.

Juan 9:25

Abinaja e cuu mö feduoma. —Cuwi. Ö̦jö a doblou lä mlai ya etä daimi. Ya lä jalolayono wei ya tä shino yai daö. Ya ma jubäböono wei ma cui, fei däjä ya täbä dablaö —e cuma.

Juan 9:30

A mamocu lä jalolayono wei a lä cuinö abinaja bä nowa tama. —¡Shädayai! A jaba lä cuono wei wama etä daö ma mlai ma cui, ¡wale mamocu nofi lä jalomaleno wei!

Juan 9:34

Abinaja a nowa tamaje. —Cafä wa̦lidiwä talewä wa oshe fa cublalunö, wa cua lä showale wa lä cuinö, ¿camiyä wamalecö nia damaö majöo daanö? —a nowa talajenö, sibo jamö i̦cali a jilululemaje.