Juan 4:53 - Biblia Yanowamö

⁵³ Ö̦jö bä a̦ ja, a bufi jaducublaliyoma, bä ijilubö e lä jaliliono wei a lä cui. “Ijilufä a nia jalou”, Jesúsnö a nowa lä tano wei däjä, ö̦jö däjä showadawä, a jo̦wa jaloa showalayoma. Ö̦jö däjä, cama a ma cuinö, cama ebä bluca ma cuinö, Jesús a wa̦ bejedi bufia showadalemaje.

Juan 4:53 Iomraidhean Croise

Mateo 8:13

Ö̦jö däjä, sodado bä ca̦i lä cuono wei a lä cui nija, abinaja Jesús a cuu nomöjöoma. —A da co̦lufälö. Wale nofi mölaboma yalo, wa wa̦ juamobä a lä cui, a jaloa waiquilayoma —a cuma. Ö̦jö lä däjä showadawä a jalolayoma.

Lucas 19:9

Abinaja Jesúsnö a nowa tama. —Ablaamö a lä cuinö, Yai Bada a nofi lä mölabono weinaja wa nofi mölabou nodia cua yalo, afä wa bä ca̦i lä cule wamacö nia bayeliblamou. Wamacö nia lä jucäamou wei, cafä wamacö nija tä a̦ fei däjä waloqueyoluu lä cufe.

Juan 4:51

A co̦ofälöö däjä, a wa̦ juamobä ebä mö balayoma. A yömölaöje ja, bä ijilubö e a̦fa demi wäyämaje.

Juan 4:52

A wa̦fa demi wäyämaje yalo, bä wa̦lii cadidoma. —¿Wedi jamö motoca a yai cuo däjä, a jaba ononoblaliyoma? —a cuma. Abinaja bä cuma. —Weyaja a motoca yo̦lolodayou däjä, a yobli mladou showadalayoma —bä cuma.

Hechos 11:14

Ö̦jönö wa nia yömölaö. Cafä wa ma cui, afä wa bä ca̦i lä cule bä ma cui, wamacö bluca bayeliblamobä, tä a̦ nia wäyäö”, a̦jele tänö bei a nowa jo̦wa tama fa talei.

Hechos 16:15

A bufi fa jaducublalunö a fe ojoblamolayoma, bä ca̦i lä cuono wei bä sho. Ö̦jö däjä, abinaja yamalecö nowa taö fe blacäjoma. —“Bejedi lä, Bada tä lä culadi a nö bufibou waiquiobö lä”, wamale nofi tabou ja, camiyä yamacö nijamö bä da cuiquiyo —a cudima.

Hechos 16:34

Ö̦jö däjä, cama ebä ca̦i lä bälöo wei jamö, cäcöbö ca̦i dua fa co̦bofälönö, cäcöbö niibö baaquema. Cama a ma cui, bä ca̦i lä cule bä ma cui, Yai Bada etä a̦ bejedi bufilemaje yalo, bä bufi yai doblalou dodijioma.

Hechos 18:8

Bei. Judio bä yododabä yafi jamö a bada lä läono weinö, Bada tä Jesucristo a bejedi bufilema, Clibo a lä cuinö. Cama a ma cuinö, cama ebä ca̦i lä cuono wei bä bluca ma cuinö, Bada tä bufilemaje. Colidoteli bä bluca ma cuinö, Pablo a wa̦ fa ji̦liajenö, Jesucristo a fa bufilöjenö bä fe bluca ojoblamolayoma.

Hechos 2:39

Cafä wamacö ma cui nija, wamacö ijilubö nodiwä ma cui nija, bä blajawä lä bälöle bä ma cui nija, bluca wamacö bayeliblamobä tä a̦ wäa malä balöqueno wei. ¿Ö̦jö tawä? Yai Bada bäma a lä bufiblaö wei a wa̦ nö wäoma, bäma a nofi lä Badabole a lä cui. Cama nija bä ajedou co̦obä bä bufi lä taamaö wei bä lä cui nija a wa̦ nö wäquema, täbä bluca bayeliblabä —a Pedro cuma.