Juan 4:5 - Biblia Yanowamö

⁵ A jayuaö showale, Sicalateli bä shabonobö jamö a co̦blaliyoma. Bä ijilubö José e nija, Jacobo a bada lä cuono wei anö, etäca ficali lä jöbäqueno wei täca ajede jamö, bä shabonobö blaoma.

Juan 4:5 Iomraidhean Croise

Génesis 33:19

Amolo bei ijilubö ebä nija, a lä bälöblaqueno wei tä ulifi dälema. Blada 100 bä ja, tä no ulifi co̦maquema. Amolo a lä cui, Siquemö bä fö̦ö e cuoma.

Génesis 48:22

’Abinaja ca̦i, José. Cafä nija, ai ya tä ulifi yädäamaö co̦a lä cule. Aifä bä nija mlai, cafä wa dodijiwä nija, Siquemö ya tä balöcö yai jöböaö. Iba shocobi anö, iba shelecawä cäcönö, ya nö fa wa̦lojanö, amoleo ya bä fa yashublalönö, ya bä ulifibö däa lä leleno wei tä ulifi ja, bäfä dobäö lä cule —Jacobo a cuma.

Lucas 9:52

Cama a wa̦no taö balöodayobeje, bä shömöa balölema. Samalia tä ulifi jamö, ai bä shabonobö jamö bä fa waloicunö, Jesús dodijidawä a waloamabeje bä a̦ faö balöodayoma.

Juan 4:12

Ei uca lä cui, Jacobonö yedu ja uca li diyäma. Cama nodiwä yama ecönö yama uca nofi tabou showaa. Cama a ma cui, bä ijilubö ebä ma cui, yalo ebä ca̦i bluca ma cui, ei u ja bä amishi bluca co̦oma. Inaja cama a jaba ma cuaano wei ma cui, ¿cafä wa wa̦fa nia shino lojode wäyämamou ayao daanö? —e cuma.

Juan 4:39

¿Ö̦jö tawä? Ö̦jö Samaliateliyoma a lä cuinö, Jesús a wa̦fa wäyäö co̦ojolobä jamö abinaja a cuma. “Camiyänö ya tä bluca lä tano wei tä a̦ wawämaö cadidio cublei”, a cuma. Einaja a cuma yalo, Samaliateli ai bä bluca lä cuinö, Jesús a wa̦ bejedi bufilemaje, ö̦jö shabono jamö bä lä bälöle bä lä cuinö.

Juan 4:6

Ö̦jamö lä, Jacobonö uca yedu ja lä diyäno wei, uca cuo showaoma. ¿Ö̦jö tawä? Motoca a yo̦loloblodayou däjä, Jesús a wa̦shimi jolou ja, ö̦jö uca casö jamö a loofälöma.

Juan 4:8

¿Ö̦jö tawä? Jesúsnö bä lä nocamabono wei bä cuonomi. Sicalateli bä nijamö, nii bä luluabeje bä ayoma yalo, Jesús a yami loo juoma.