Juan 4:48 - Biblia Yanowamö

⁴⁸ Ö̦jö cudeenö, abinaja Jesús e cuma. —Tä nö lä quilijii ya tä wawämaimi ja, wamale a̦ bejedi bufiimi dicowä —e cuma.

Juan 4:48 Iomraidhean Croise

Números 14:11

Moisesi nija abinaja Jeobaa a cuma. —Uo. ¿Fei bänö wale nofi wa̦libou shi wa̦lii waiquiweje daanö? Wale nö lojode ö̦jöböabeje, cama bä nija ya nö bluca ma quiliano wei ma cui, ¿wale a̦ bejedi bufiimi shi wa̦lii waiquiweje tawä?

Mateo 16:1

Ö̦jö däjä, faliseo bä bada ma cui, saduseo bä ca̦i bada ma cui, Jesús nija bä walooquema. A wa̦ nia bejedi fa wabajenö, abinaja bä cuma. —Yai Bada wa e nö ö̦jöböamobä, tä nö lä quilijii tä da wawämalö —bä cuma.

Mateo 24:24

Bä lä jolemou wei bä nia malä wawäblou wei. Abinaja bä nia jole cuu. “Yai Bada tänö wale shömabä, camiyä wale yailema”, bä nia jole cuu. Yai Bada a wa̦no jole jole lä wäyäö wejei bä ma cui, ö̦jö bä nia ca̦i wawäö mö feduo. Yai Bada a mayo nia jole wawämaöje. Tä nö lä quilijii tä nia ca̦i bluca wawämaö fe yadioje, täbä bufi fa taamajenö, täbä yaclämabeje. Yai Bada ebä lä yaimabole bä ma cui, ö̦jö bä bufi taamaö fe yadiobeje bä nia wabäodii.

Mateo 27:42

—Ai täbä jo̦wa bayeliblaö ma cuaano wei ma cui, ¿wedi tä tabä cama bei a li bayeliblamou mlaa cule? Judio bä nija a bada cuobä a waiquiwä ja, fii balitama defi jamö a basudio dicoo mlai ja, a yai itou showadaobä. Bäma a itou fa dalalönö, ö̦jö däjä bäma a wa̦ bejedi yai bufiblaö showadaobä, ¿ö̦jö tawä?

Marcos 13:22

Bä lä jolemou wei bä nia wawäblou. Abinaja bä nia jole cuu. “Yai Bada tänö wale shömabä camiyä wale yailema”, bä nia jole cuu. Yai Bada a wa̦no jole jole lä wäyäö wejei bä ma cui, ö̦jö bä nia ca̦i wawäö mö feduo. Yai Bada a mayo nia jole wawämaöje. Tä nö lä quilijii tä nia ca̦i bluca wawämaö fe yadioje, täbä bufi fa taamajenö täbä yaclämabeje. Yai Bada ebä lä yaimabole bä ma cui, ö̦jö bä bufi taamaö fe yadiobeje bä nia wabäodii.

Lucas 10:18

Abinaja Jesús a cuu nomöjöoma. —Bejedi lä. Sadanasi a lä ujudulayono wei däjä, fedu jamö ya quei dalalema, madula a wacö quei lä culenaja showawä.

Lucas 16:31

Abinaja Ablaamönö a nowa tama. “Moisesi tä a̦ ji̦liaö moji waiquiweje ja, Yai Bada a wa̦no wäyälewä bä a̦ ca̦i ji̦liaö moji waiquiweje ja, ai a demi jocädou ma co̦o wei ma cui, ö̦jö a wa̦ ma cui ja bä bufi nia jaducubloimi”, a cuma. ¿Ö̦jö tawä? —Jesús a cuma.

Juan 12:37

Täbä mamo showao däjä, bejedi lä Jesús a nö quiliama. Yai Bada e nö ö̦jöböamobä, tä nö lä quilijii tä bluca ma wawämano wei ma cui, a wa̦ bejedi bufinomije.

Juan 15:24

Cama bä nijamö tä nö lä quilijii ya tä bluca wawämaö mlao fa cunoja, bä nö wa̦lidiwä jömamobö mlai. Ö̦jö ma cui, ya lä cuaano wei tä ma dalaleno wejei ma cui, wale nofi wa̦libou fe yadioje. Fayä a ma cui, a nofi ca̦i wa̦libou mö feduoje.

Juan 2:18

Inaja Jesús a cuaaö yalo, judio bänö a wa̦limaje. —¿Wedi a wa̦nö, wa li inaja cuaaö bashio? Tä nö lä quilijii tä da wawämalö, Yai Bada wa e nö ö̦jöböamobä. “Ö̦jö lä a wa̦nö waiquiwä”, yamacö cubä —bä cuma.

Juan 20:29

Jesús abinaja e cuma. —Wale li möö yalo, wale a̦ bejedi li bufiblaö lä cule. Wale möö ma mlajei ma cui, wale a̦no bejedi bufii fe lä yadio wejei bä lä cui, ö̦jö lä bä bufi nia yai doblalou —e cuma.

Juan 4:49

Bada a lä cuinö, abinaja Jesús a nowa tama. —Tä a̦ wäyäle. Ijiluyä a fö̦shöacö mladono mlai ja, ¡a jabo da showadao! —a nowa tama.

Hechos 14:3

Ö̦jamö Pablo, Benabei sho cäcöbö bälöo yanöcöblaoma. Bada tä a̦fa wäyäböö ja, cäcöbö a̦ faö waiteliama. Yai Bada tänö täbä nofi lä ojodadaö wei tä a̦fa wäyäböbä jamö, cama tä lojode dablamoma, tä a̦ bejedi bufibeje. Cäcöbö nö fa wa̦lojoblamalönö, tä nö lä quilijii bluca tä wawämaböma, tä tamou dao lä mlai.

Hechos 15:12

Ö̦jö däjä bä a̦ bluca fa waidalunö, Benabei, Pablo cäcöbö nija bä yömöca daoma. Judio bä lä mlai bä nijamö cäcöbö lä juno wei däjä, Yai Bada tänö cäcöbö nö wa̦lojamaö lä cuaano wei tä a̦ wäyäböma. Yai Bada tä lojode dablamobä, tä nö lä quilijii tä bluca lä wawämaböno wei tä a̦ ca̦i, tä tamou dao lä mlai.

Hechos 2:19

Täbä bufi möblobä, fedu jamö tä nö lä quilijii, tä nia bluca wawämadayou. Bita jamö ma cui, yanowamö bämacö lä cule jamö, a mayo nia ca̦i jo̦wa dablamou nö quiliaö. I̦yä i̦yä bä ma cui, cowa wacöbä ma cui, waqueshi bä bada lä tolucou wei bä ma cui, ö̦jö täbä nia bluca wawäblou.

Hechos 2:22

Isaeli cä wama ecö. Nasaleteli Jesús ya wa̦fa wäyäö ja, wamale a̦ da ji̦lilä. Yai Bada tänö cafä wamacö nija Jesús a fa shömölönö, a nö wa̦lojoblamalema, wamacö bufi jaducublobä. Yai Bada tänö a nia lä shömano wei, “Fei a waiquiwä”, wama a nofi tabobä. ¿Ö̦jö tawä? Cafä wamacö nija a da cuoblei däjä, Yai Bada a lä cui, ¡bejedi a lojode damalalema! Tä nö lä quilijii tä bluca wawämalema. Jesús nija Yai Bada a lojode damoa dodijilaliyoma. ’¿Ö̦jö tawä? —a cuma—.

Hechos 2:43

Jesucristonö bä lä shömöleno wei bä lä cuinö, tä nö lä quilijii showadi tä bluca wawämamaje, tä tamou dao lä mlai. Ö̦jö cudeenö, ö̦jamö lä bä bluca lä cuono wei bä quilima.

Hechos 4:30

Yama tä a̦ wäyäbä jamö, bä lä jalili wei bä ca̦i da jaloma, cafä wa mayo dablamobä. Wa wa̦ juamobä, afä wa lä yaileno wei a Jesús lä cui, ö̦jo a wa̦ lojodenö, tä nö lä quilijii yama tä bluca wawämaö showadaobä —bä cuma.

Hechos 5:12

Jesucristonö bä lä shömöleno wei bä lä cuinö, Jelusaleteli bä nijamö, tä nö lä quilijii bluca tä wawämamaje. Yai Bada etä yafi yädäa lä boale ja, showadi bä bluca yododoblaama, Salomo e a̦fa yafi lä cule jamö.

Hechos 6:8

Yai Bada tänö Esteban a bayelibou wawädooma, a nö ca̦i wa̦lojomaboma. Yanowamö täbä nija, tä nö lä quilijii tä bluca wawämama, tä tamou dao lä mlai.

Hechos 7:36

Ö̦jönö bä lulubou co̦oma. Ejido jamö ma cui, modu Wacä u jamö ma cui, Yai Bada tä lojode dablamaö ja, tä nö lä quilijii tä bluca wawämaö cuaama, tä tamou dao lä mlai. Ulifi bloque jamö ma cui, ö̦jamö lasha 40 a famaö lä cuaafälöno wejei jamö, inaja a cuaaö showalanö bä lulubou cuaama.

Romanos 15:19

Yai Bada tä Bufi lofotenö tä nö lä quilijii ya tä bluca wawämaö, Yai Bada tä mayo dablabeje. Inaja ya cuaalanö, Jelusaleteli bä ulufibö jamö ya fuu cuaaö fa balöonö, ya tä a̦ ca̦i fuu shoqueaö cuaaö fa showadaofälönö, Ililico tä ulufi ma cui jamö Cristo dodijidawä ya etä a̦ wäyäö jödödou cuaama.

1 Corintios 1:22

Täbä bufi taamamou si ijejewä malä mlai. Judio bä lä cuinö, Yai Bada tä mayo shi̦lo wawämaö bufiije. Judio bä lä mlai bänö bufi moyawe tä a̦ lä cui, tä a̦ shi̦lo dayäaöje.

2 Corintios 12:12

Mijamö ya da cuoblei däjä, ya lä bejedimou wei tä dablou wawädooma. Jesucristonö bä lä shimöleno wei bä showadi lä cuaaö weinaja, ya mada cuaablei. Bufi yanöcöwä yanö, Yai Bada ya mayo dablamama. Tä nö lä quilijii ya tä ca̦i wawämaö fe balojooma.

2 Tesalonicenses 2:9

¿Ö̦jö tawä? A nö yai lä nabämou wei a wawäblou däjä, Sadanasi a bufi fa lucälönö, a nö nia wa̦lojamaö nö quiliaö. Täbä joleblamabä, tä nö lä quilijii tä bluca fa wawämalönö, täbä bufi nia taamaö fe yadio.

Hebreos 2:4

Tä a̦ bejedi. Yai Bada tä ma cuinö, ö̦jö tä a̦ bejedi yai dablamaö cuaama. Tä a̦ ji̦liamobä jamö, tä nö lä quilijii tä bluca ca̦i wawämaö cuaama. Cama ebä lä cuaano wei jamö, a nö lofote ca̦i ö̦jöböamou cuaama. Bei tä Bufi fa jibämoicunö, cama ebä dobäö bufi doblao lä cuono weinaja, bä ca̦i taamaö cuaafälöma.