Juan 4:34 - Biblia Yanowamö

³⁴ Abinaja Jesúsnö bä nowa tama. —Yale lä shömöleno wei ya wa̦ juaö bufi doblao. Tä tamaö lä bufii wei ya tä jödödöblaö. Ö̦jö iba nii bä waiquiwä.

Juan 4:34 Iomraidhean Croise

Mateo 26:39

Jesús a bayäcäblou fa co̦lodunö, a blaaledayoma. Yai Bada nija a nö bayeli nacao ja, abinaja a cuma. —¡Fabe! Fei däjä wale nö yai nia lä bleaamaö wejei tä lä cui, wa tä blajamabä tä cua ja, tä da blajamalö. Ö̦jö ma cui, wa tä nö blajamabimi waiquiwä ja, ö̦jö waiquiwä. Camiyä ya cuaaö bufi lä doblao weinaja mlai, cafänö wale taamaö bufi lä doblao weinaja, wale da taama —a cuma.

Mateo 3:15

Einaja Juan a ma cuno wei ma cui, abinaja Jesús e cuu mö feduoma. —Fei däjä, inaja lä tä yai cuo balöobä. Yai Bada tänö tä tamaö lä bufii wei bäfä tä bluca tabä bäfäcö malä cui —e cuma. Einaja e fa cunö, Juannö a wa̦ julema.

Mateo 9:19

Inaja a cuu ja, bada a nija Jesús a nocaa showalayofälöma, cama ebä lä nocamabono wei bä lä cui sho.

Lucas 15:10

’¿Ö̦jö tawä? —a cuma—. Cafä bämacö nowa taö lä cule. Inaja showawä, Yai Bada a̦jele etäbä lä culadi bä nijamö, wa̦lidiwä talewä moli a bufi mö yabablou lä co̦o wei a lä cui nija, bä bufi nia shino yai doblalodayou —a cuma.

Lucas 19:10

Camiyä ya lä yanowamöblaleyoluno wei ya lä cuinö, bä lä mojoluu wei ya bä dayäabä ya malä waloqueyoluno wei, ya bä co̦ablaö co̦obä —a nowa tama.

Lucas 2:49

Abinaja cäcöbö nowa tama. —¿Wedi tabä Fayä e yafi jamö wafäcö juu cadidou showadao mlai, wafäle li dayäböö cuaaö dicooma? —cäcöbö nowa tama.

Juan 17:4

Bita jamö ya cua showalanö, camiyä nija wa tä tamaö lä bufino wei, ya tä jödödöblalema. Inaja ya lä cuaano wei tänö, cafä bäfä doblao damalalema.

Juan 19:28

Öjö däjä, tä bluca lä jödödöblaliyono wei tä fa dalalönö, a wa̦ Jesús fama. Yai Bada etä a̦ oni jamö tä a̦ lä cuu weinaja tä a̦ bejedi cublobä, abinaja a cuma. —Ya amishi —a cuma.

Juan 19:30

Nashiwä toubä fa uyucanö, a wa̦ Jesús fama. —Tä jödödöblou waiquilayou lä cufe —a cudaliyoma. Ö̦jö däjä, a fe fa leidalunö, a möshöa jawäa fa showadaicunö, a nomalayoma.

Juan 4:32

Ö̦jö ma cui, abinaja a cuma. —Wama a nii daö lä mlai ya li tabou waiquia, ya iyabä —a cuma.

Juan 5:30

Abinaja Jesús a cuma. —Camiyä ya cuaaö bufi lä doblao wei tänö ya cuaaimi. Fayä ya wa̦ fa ji̦linö, ya bä yanowamö li jömaö. Camiyä ya cuaaö bufi lä doblao weinaja mlai, wale lä shömöleno wei a lä cuinö wale yai taamaö bufi lä doblao weinaja, ya li cuaaö. Ö̦jö cudeenö, ya bä jömaö ja ya bejedimou showadawä.

Juan 5:36

’Ö̦jö ma cui, Juannö wale a̦fa ma wäyäö wei ma cui, yale a̦fa yai bejedi wäyäö lä lojode wei, ai tä cua. ¿Ö̦jö tawä? Ya lä cuaaö wei tä showawänö, Fayänö wale lä shömöleno wei tä dablamou malä wawädole. Camanö wale taamaö cudeenö, ya e li cuaaö.

Juan 6:33

Yai Bada tänö cäcö nii lä jöböaö wei cäcö lä cui, fedu jamö cäcö cuoma cäcö itolayoma. Yanowamö täbä ba̦limi cuobä, ö̦jö cäcö nii yai —Jesús e cuma.

Juan 6:38

Fedu jamö culanö ya lä itolayono wei ya lä cuinö, camiyänö ya tä taö lä bufii wei ya tä tabä, ya itono malä mlai. Wale lä shömöleno wei a lä cuinö, ö̦jönö tä tamaö lä bufii wei ya tä yai tabä, ya malä itolayono wei.

Juan 8:29

Wale lä shömöleno wei a lä cuinö wale ca̦i cua showaa lä cule. Wale daanomi. Ya yamimi. Showadi ya bufi malä doblamabou wei —bä nowa tama.

Hechos 20:35

Camiyä ya lä cuaano wei tä ja, bämacö damaö waiquioma. Bämacö ojodamobä lä. Bada tä Jesús bäma a wa̦ nofi jaducubolanö, jalili bäma bä bayeliblabä. Abinaja a malä cuno wei, “Wamacö dobämou ja wamacö bufi ma doblao wei ma cui, cafä wamacönö ai wama bä yai dobäö ja, ö̦jö däjä bei wamacö bufi nia shino yai doblalou”, a Jesús cuma —Pablonö bä nowa tama.

Hebreos 12:2

Jesús lija bämacö bufi mö shi̦lo yai da cudio, bämalecö lä lulubou wei a lä cui lija. Bämacö mölaö showaobä bämalecö bufi lofotomabou. Fii balitama tefi ja a nö bleaabä etä ma cuono wei ma cui, a bufi nia doblao ca̦i cuo lä majöono wei tä bufiboma yalo, a ojodao fe yadioma. Jai wa̦lidiwä talewä a nia mömou ma cuono wei ma cui, a bufi quilinomi. Inaja a cuaaö fe yadioma yalo, fei däjä Yai Bada jayu boco mashi jamö a dicäadayoa.