Juan 4:32 - Biblia Yanowamö

³² Ö̦jö ma cui, abinaja a cuma. —Wama a nii daö lä mlai ya li tabou waiquia, ya iyabä —a cuma.

Juan 4:32 Iomraidhean Croise

Isaías 53:11

A bufi nö ma bleaano wei ma cui, ö̦jö tä dodijidawä fa dalalönö, a bufi nia doblao fe yadio. Jeobaa a nosie fuamobä a lä cui, a lä bejedimou wei ö̦jö a. Ö̦jö a lä daö wejei bä lä cui, a daöje yalo, jai bä bejedimou waiquiwä Jeobaanö bä nofi nia bluca tabou. Bä doblou lä mlai, cama lija etä nowa nia bluca yädäo.

Juan 4:31

¿Ö̦jö tawä? Cama bä juu showao däjä, Jesús a nia iyamaö fe fa yadiojenö, cama ebä lä nocamabono wei bä a̦ fe blacäjoma. —Tä a̦ wäyäle. A da iyayo, ¿ö̦jö tawä? —ebä cudima.

Juan 4:33

Inaja a cuma cudeenö, cama ebä lä nocamabono wei bä wa̦liyoma. Abinaja bä cuma. —¿Ai täbänö, ebä nii bälaa jäquemaje tawä? —bä cuma.

Juan 4:34

Abinaja Jesúsnö bä nowa tama. —Yale lä shömöleno wei ya wa̦ juaö bufi doblao. Tä tamaö lä bufii wei ya tä jödödöblaö. Ö̦jö iba nii bä waiquiwä.

Hechos 20:35

Camiyä ya lä cuaano wei tä ja, bämacö damaö waiquioma. Bämacö ojodamobä lä. Bada tä Jesús bäma a wa̦ nofi jaducubolanö, jalili bäma bä bayeliblabä. Abinaja a malä cuno wei, “Wamacö dobämou ja wamacö bufi ma doblao wei ma cui, cafä wamacönö ai wama bä yai dobäö ja, ö̦jö däjä bei wamacö bufi nia shino yai doblalou”, a Jesús cuma —Pablonö bä nowa tama.

Apocalipsis 2:17

’Bä yömöcacö lä walalai bä yömöca dao dodijiobä —a cuma—. Yai Bada tä Bufinö iba bä lä yododoblai bä nowa lä taö wei tä a̦ ji̦liabeje. Bä nö wa̦lojaö lä ayao wei bä lä cui, ya bä nia iyamaö, nii manaa bä lä jo̦yale bä ja. Maa au ya mabä nia ca̦i oni jöbäö. Dude a wa̦fa ca̦i lä onile, ya mabä nia jöbäö, a wa̦fa daö lä mlajei. Mabä lä däaö wejei bä lä cuinö a wa̦fa nia shino daöje.