Juan 4:25 - Biblia Yanowamö

²⁵ Abinaja suwä e cuma. —Yai Bada tänö a shömabä a lä yaileno wei a lä cui, ö̦jö a nia juu, Cristo a wa̦fa lä jilamou wei a lä cui. Ö̦jö ya bufibou. Ö̦jö a waloqueyoluno wei ja, jödödöwä tä ja, yamalecö nia yai yömölaö, ö̦jönö —e cuma.

Juan 4:25 Iomraidhean Croise

Mateo 1:16

Jacobo bä ijilubö, José e cuoma. Ö̦jö a José bä suwäbö e nija, Jesús a oshe wawäblaliyoma, Cristo a wa̦fa lä jilabou wejei a lä cui.

Mateo 27:17

Ö̦jö cudeenö, judio bä bluca fa co̦camoliyonö, Biladonö bä wa̦lima. —Fei däjä ¿wedi jamö a lä cui, bei wama a jujeblamaö bufii cule? ¿Balabasi ya famaö co̦obä tawä? Ma, ö̦jö mlai, ¿Jesús a shino daanö, Yai Bada tänö a shömabä a jo̦wa lä yaileno wei? —a bada cuma.

Mateo 27:22

Abinaja Bilado e cuu nomöjöoma. —Ja̦o. Inaja wamacö cuu ja, ¿wedinaja Jesús ya yai li taamabä, Yai Bada tänö a shömabä a jo̦wa lä yaileno wei? —¡Fii balitama defi jamö, a shino da basumacö! —ebä bluca cublaloma.

Lucas 2:11

¿Ö̦jö tawä? Wamacö jucäamobä, bada tä David a jaba lä bälöono wei jamö, a oshe wawäblaliyo lä cufe. Yai Bada tänö a shömabä a lä yaileno wei, ö̦jö a Bada.

Juan 1:49

Nataniel abinaja e cuma. —Tä a̦ wäyäle. Cafä Yai Bada wa e Ijilubö waiquiwä. Isaeli bäma ecö nija wa Bada nia lä läo wei, ¡ö̦jö wa dodijiwä!

Juan 4:29

—Bä da jaboje. Quijamö wa̦lo a da möcöliyoje. Camiyänö ya tä bluca lä tano wei tä a̦ wawämaö cadidou cublei. Yai Bada tänö a shömabä a lä yaileno wei, ¿ö̦jö lä a mada tawä? —bä nowa tama.

Juan 4:39

¿Ö̦jö tawä? Ö̦jö Samaliateliyoma a lä cuinö, Jesús a wa̦fa wäyäö co̦ojolobä jamö abinaja a cuma. “Camiyänö ya tä bluca lä tano wei tä a̦ wawämaö cadidio cublei”, a cuma. Einaja a cuma yalo, Samaliateli ai bä bluca lä cuinö, Jesús a wa̦ bejedi bufilemaje, ö̦jö shabono jamö bä lä bälöle bä lä cuinö.

Juan 4:42

Ö̦jö bä lä cui, abinaja Samaliateliyoma nija bä cuma. —Fei däjä, ö̦jö bäma a wa̦ bejedi bufii lä cule, cafä wa wa̦ ja bädawänö mlai. Camiyä yamacö ma cuinö yama a wa̦ malä ji̦lileno wei. Yama a daö. Yanowamö jödödöwä täbä nia lä jucäaö wei, ö̦jö lä a waiquiwä —bä cuma.