Juan 4:24 - Biblia Yanowamö

²⁴ Yai Bada a lä cui, yai bei cätä. ¿Ö̦jö tawä? Ö̦jö nija bä möfe lä bou wei bä lä cui, bei bä bufi yainö, a wa̦fa nia Bada doblao taöje. Bä bejedimolanö, bä a̦ nia faö —Jesúsnö a nowa tama.

Juan 4:24 Iomraidhean Croise

Juan 4:23

’Ö̦jö ma cui, abinaja tä nia shino cuo. Tä wawäblou waiquia lä cule. Bä möfe bolanö, Fayä a wa̦fa Bada doblao lä taö wejei bä lä cui, bei bä bufi yainö bä a̦ nia faö. Bä bejedimolanö bä möfe nia bou. ¿Ö̦jö tawä? Inaja bä lä cuaaö wei, Fayänö bä malä bufii wei.

2 Corintios 1:12

Yanowamö yama bä yabäcaimi yalo, yamacö a̦fa dodijaö tamou. Dodijidawä yamacö cua yalo bei yamacö bufi jamö ai tä läami. Bluca täbä lija yamacö dodijaö ma waiquii, cafä wamacö lija yamacö yai shi̦lo dodijaö. Camiyä yamacö bufi lä dao wei tänö mlai. Yai Bada tänö wamalecö nofi ojodabou yalo, jolemou mlai ja cama yama ecö yai bejedimou.

2 Corintios 3:17

¿Ö̦jö tawä? Ö̦jö Bada ya tä a̦fa lä wayoale, ö̦jö Yai Bada tä Bufi waiquiwä. Moisesi etä a̦ nö quiliaö ma cui, Yai Bada bäma a Bufi tabou lä waiquile däjä bämacö quilijobä tä cuami.

Filipenses 3:3

¿Ö̦jö tawä? Bä mosi sicö joyamou yalo Yai Bada ebä a̦fa ma jilou wei ma cui, ¡ma! Camiyä bejedi bäma ecö li yaiwä. Jesucristo bäma a nofi mölabou yalo, jai bämacö mosi sicö joyamoa waiquilayoma bämalecö nofi tabou malä waiquiladi. Yai Bada tä Bufinö bämalecö fa bayelibonö, cama bäma a yai bufiblabä bämacö. Camiyä bämacö nofi mölamobobä bämacömi. Jesucristo bäma a nofi yai dobobä bämacö.

1 Timoteo 1:17

¿Ö̦jö tawä? Tä shi̦lo Bada nosiemou lä ayai, tä lofote cua shi lä wa̦lile a lä cui, ö̦jö tä a̦fa doblao tamou shi wa̦libä. Tä dablamou dao lä mlai, tä bufiblabeje tä Yai Bada cua lä ayale, tä a̦fa doblao tamou shi wa̦libä. Ö̦jö lä tä nofi yai doablamou shi wa̦libä. Inaja lä tä cuobä.

1 Samuel 16:7

Ö̦jö ma cui, Samuel lija abenaja Jeobaa a cuma. —A mömou lä dodijidai tä ma cui ja, a lä yaläjäi tä ma cui ja, ö̦jö tä ja a möla dijä. Ya waii malä waiquii. Yanowamö täbänö bä möö lä cuaaö wejeinaja, camiyä Jeobaa yanö inaja ya bä möö cuaaimi. Bei bä sibosi li möö buoje. Bei bä bufi lä cui, camiyänö ya bä bufi yai li möö —a Jeobaa cuma.