Juan 4:23 - Biblia Yanowamö

²³ ’Ö̦jö ma cui, abinaja tä nia shino cuo. Tä wawäblou waiquia lä cule. Bä möfe bolanö, Fayä a wa̦fa Bada doblao lä taö wejei bä lä cui, bei bä bufi yainö bä a̦ nia faö. Bä bejedimolanö bä möfe nia bou. ¿Ö̦jö tawä? Inaja bä lä cuaaö wei, Fayänö bä malä bufii wei.

Juan 4:23 Iomraidhean Croise

Juan 1:17

Yai Bada tänö tä tamaö lä bufii wei, Moisesi nija tä a̦ ma jöbäqueno wei ma cui, täbä nofi nia yai lä ojodabou wei tä lä cui, Jesucristo nija ö̦jö tä shino yai wawälayoma, tä a̦ yai lä bejedii tä a̦ ca̦i.

Juan 12:23

Jesús abinaja a cuu mö feduoma. —Ya lä yanowamöblaleyoluno wei ya lä cui, Yai Bada tänö wale nia doblao dablamaö. Tä cublou ajedewä waiquia lä cule— a cuma.

Juan 16:2

Judio bänö wamacö nia joyaöje. Bä yododabä bä yafi jamö wamacö nia coyocomabou co̦daaimije. Ö̦jö bädao mlai, abinaja bä bufi ca̦i nia cuu dicoo. “Ei bä lä cui ya bä shäö ja, jai Yai Bada ya yai bayeliblaö ya nia cuaaö”, bä bufi nia cuu dicoo.

Juan 16:32

Wamale nia lä daaö wei tä nia cublou. Tä cublou waiquia lä cule. Wamacö nia sheleleblamodayou. Cafä wamacö yafibö jamö wamacö nia co̦oblou. Ö̦jö ma cui, ya yamimi. Fayänö wale ca̦i cua lä cule.

Juan 4:21

Abinaja Jesúsnö a nowa tama. —Ei ya wa̦ lä cui tä a̦ nia bejedi wawäblou. Fayä nija bä möfe bolanö, a wa̦fa Bada doblao tabeje, fei macö nia yaiomi. “Jelusale jamö shino”, bä nia ca̦i cuimi.

Juan 5:25

’Cafä wamacö nija ei ya wa̦ lä cui, bejedi lä ya wa̦ —a cuma—. Abinaja tä nia cuo. Tä cua waiquia a lä cule. Bufi nomawä bä lä cuinö, camiyä Yai Bada bei Ijilubö wale a̦ nia ji̦liaöje. Wale a̦ fa ji̦liläjenö, ba̦limi bä nia cuo.

Juan 5:28

’Camiyä ei ya wa̦ lä cui ja, bä bufi mla dijä —a cuma—. Abinaja tä nia malä cublou wei. Bä lä nomalaliyono wei bä bluca lä cuinö, wale a̦ fa ji̦liläjenö,

Romanos 1:9

Ya wa̦ faö däjä, showadi bämacö a̦fa jayumaö talei. Bejedi lä ya wa̦. Yai Bada tänö wale a̦ bejedi daö. Bei ya bufinö ya wa̦ lä fuaö wei ya e, bä Ijilubö ya etä a̦ dodijidawä wäyäbä.

Romanos 8:15

Yai Bada lija wamacö quilii co̦daabä a Bufi jibäonomi. Bada a wa̦ fuamobä bä lä tabou wei bä lä cuinö, a nö quili taö lä culajeinaja mlai. Ma, wama a nofi fö̦ömaö cadidobä cafä wamacö lija a Bufi jibämoquema. “¡Fabe, Fabemi!”, bäma ecö cuu ja,

Romanos 8:26

Inaja showawä, bämacö bufi ujuduaö si lä ijejei bämacö lä cui, Yai Bada tä Bufinö showadi bämalecö ca̦i bayeliblaö talei. Camiyä bämacö nö bayeli nacao doblou fa mlacunö, cama tä Bufi showawänö bämalecö nö bayeli nacaö. Yanowamö täbä caficö a̦ ja mlai, a wa̦ Bufi yai cadidou showadao.

Gálatas 4:6

Cafä sho ö̦jö bä ijilubö bäma ecö bluca waiquiwä yalo, bä Ijilubö e Bufi shimöledayoma, camiyä bämacö bufi jamö a bälöobä. Bäma a Bufi tabou yalo, “Fabe, Fabemi”, bämacö cuu.

Efesios 6:18

Yai Bada tä Bufi lija wamacö a̦ fa luluamonö bä nö bayeli shi̦lo da nacao. Ö̦jö lija bä shi̦lo showadi da naco. Bä ca̦i da moyaweicu, wamacö nacou mojiblou mlaobä. Yai Bada ebä lä cui, showadi ö̦jö wama ebä nö bayeli bluca nacabä.

Filipenses 3:3

¿Ö̦jö tawä? Bä mosi sicö joyamou yalo Yai Bada ebä a̦fa ma jilou wei ma cui, ¡ma! Camiyä bejedi bäma ecö li yaiwä. Jesucristo bäma a nofi mölabou yalo, jai bämacö mosi sicö joyamoa waiquilayoma bämalecö nofi tabou malä waiquiladi. Yai Bada tä Bufinö bämalecö fa bayelibonö, cama bäma a yai bufiblabä bämacö. Camiyä bämacö nofi mölamobobä bämacömi. Jesucristo bäma a nofi yai dobobä bämacö.

1 Pedro 2:9

Ö̦jö ma cui, cafä wamacö nofi taboyobä wamacö yaia. Bada tä nija bä ojodamobä bä nofi bäyäalewä yaia lä culenaja wamacö cuwä mö feduwä. Cafä wamacö bluca lä cui, wamacö yaibou. Shomi mlai ja, cama Yai Bada wama ecö waiquiwä, a showadi lä dodijaö wei wama tä dablamabä. Tä mö didiobä jamö wamacö jaba ma cuono wei ma cui, cama etä shi̦i yai lä wacacai jamö wamacö tabou majöobä wamacö nacaa taa nomöjölema.

1 Samuel 12:24

Ö̦jö ma cui, Jeobaa a nö shi̦lo yai quili da taje. Wamacö bufi yainö a wa̦ shi̦lo da fuaje. ¿Ö̦jö tawä? Wamacö showadi bayeliblaö fe lä balojoo wei tä ja, bä bufi da daeo.