Juan 4:21 - Biblia Yanowamö

²¹ Abinaja Jesúsnö a nowa tama. —Ei ya wa̦ lä cui tä a̦ nia bejedi wawäblou. Fayä nija bä möfe bolanö, a wa̦fa Bada doblao tabeje, fei macö nia yaiomi. “Jelusale jamö shino”, bä nia ca̦i cuimi.

Juan 4:21 Iomraidhean Croise

Mateo 18:20

Camiyä ya wa̦ ja, bolacadabö wamacö lä yododaö wei jamö, ö̦jamö lä camiyänö bämacö nia ca̦i cuo. Bolacabö wafäcö bädawä ma cui, inaja showawä —Jesús a cuma.

Mateo 28:19

Ö̦jö cudeenö, camiyä ya wa̦nö bä juu da cuaafälö. Bluca bä bälöjöwä lä yaiblai bä da yömöladuje, camiyä nija bä nocao mö feduobä. Fayä a wa̦ ma cuinö, bä Ijilubö ya e a̦ ma cuinö, Yai Bada bei Bufi a wa̦ ma cuinö, ö̦jö yamacö a̦nö wama bä fe ojomaö cuaabä.

Lucas 21:24

Shocobi bänö, judio bluca bä nia waicaöje. Shomi täbä bälöblawä lä yaiblai täbä ulifibö jamö, ai bä nia bälaöje. Jelusaleteli ai bä lä jäblou wei bä nijamö, shomi täbä bälöa läa fa jäicunö bä nö nia bleaamadii juoje. Ö̦jö judio bä lä mlai bä lä cui, Yai Bada tänö bä lämabobä tä mladou showaa mlai ja, inaja bä nia cuaaö balöo —Jesús a cuma.

Juan 14:6

Abinaja Jesús a cuma. —Camiyä ö̦jö ya yoca waiquiwä. Bejedi tä lä cui, ö̦jö ya ca̦i. Täbä ba̦limi cuobä, ö̦jö ya showawä. Camiyä nija bä juu lä mlai, Fayä nija bä waloo daomi.

Juan 16:2

Judio bänö wamacö nia joyaöje. Bä yododabä bä yafi jamö wamacö nia coyocomabou co̦daaimije. Ö̦jö bädao mlai, abinaja bä bufi ca̦i nia cuu dicoo. “Ei bä lä cui ya bä shäö ja, jai Yai Bada ya yai bayeliblaö ya nia cuaaö”, bä bufi nia cuu dicoo.

Juan 16:32

Wamale nia lä daaö wei tä nia cublou. Tä cublou waiquia lä cule. Wamacö nia sheleleblamodayou. Cafä wamacö yafibö jamö wamacö nia co̦oblou. Ö̦jö ma cui, ya yamimi. Fayänö wale ca̦i cua lä cule.

Juan 4:23

’Ö̦jö ma cui, abinaja tä nia shino cuo. Tä wawäblou waiquia lä cule. Bä möfe bolanö, Fayä a wa̦fa Bada doblao lä taö wejei bä lä cui, bei bä bufi yainö bä a̦ nia faö. Bä bejedimolanö bä möfe nia bou. ¿Ö̦jö tawä? Inaja bä lä cuaaö wei, Fayänö bä malä bufii wei.

Juan 5:25

’Cafä wamacö nija ei ya wa̦ lä cui, bejedi lä ya wa̦ —a cuma—. Abinaja tä nia cuo. Tä cua waiquia a lä cule. Bufi nomawä bä lä cuinö, camiyä Yai Bada bei Ijilubö wale a̦ nia ji̦liaöje. Wale a̦ fa ji̦liläjenö, ba̦limi bä nia cuo.

Juan 5:28

’Camiyä ei ya wa̦ lä cui ja, bä bufi mla dijä —a cuma—. Abinaja tä nia malä cublou wei. Bä lä nomalaliyono wei bä bluca lä cuinö, wale a̦ fa ji̦liläjenö,

Hechos 6:14

Yama a wa̦ malä ji̦lileno wei. Nasaleteli Jesús a lä cuinö, ei bei a yafi nia jo̦wa wa̦liaö. Moisesinö yamalecö taamaö lä bufino wei tä a̦ lä cui, ö̦jö bei tä a̦ nia jo̦wa shomiblamaö nomöjöo—bä cuma.

Efesios 2:18

Cafä wamacö ma cui, camiyä yamacö ma cui, Cristo a lä cuaano wei tänö, bä Fö̦ö e lija bämalecö bluca ajedamaö dao malä cui. Ö̦jö cama a Bufi showawänö bämacö ajedou.

Efesios 3:14

Ö̦jö cudeenö, Fayä lija ya möfe bolanö ya wa̦ faö talei.

1 Timoteo 2:8

Ö̦jö cudeenö, abenaja ya tä tamaö bufii lä cule. Jesucristo ebä yododaö lä blaucodi jamö, wa̦lo bänö Yai Bada a nia wa̦liije. Dodijidawä bä bococu fa yaläjeicunö bä a̦ nia faö. Bufi cadidilanö, bä jushuo mlai ja, bä a̦fa tayou mlai ja, a nia wa̦liije.

1 Pedro 1:17

Wamacö dodijidawä cuobä wamacö. Wamacö nö bayeli nacao däjä, Yai Bada wamacö lä Fö̦ömou wei nija wamacö nacou. Täbä lä dodijaö wei täbä ma cui, täbä dodijaö lä mlai täbä ma cui, täbä jömaö ja a wa̦ cadidou showadao. ¿Ö̦jö tawä? A nö quili tamobä a. Ö̦jö cudeenö, eja wamacö bälöablalou showao däjä, wama a nö quili talanö wama ecö nia dodijidawä cuo.

Apocalipsis 21:22

Ö̦jö a shabono ja, Yai Bada nija bä nö bayeli nacaobä ya yafi dablanomi. Ö̦jamö Bada tä lä bufiblamou weinö bä ca̦i cua malä waiquile, tä shino lojode lä ayai. Oweja a wa̦fa ocalo lä jilamou wei a ma cuinö, ö̦jönö bä ca̦i malä cule.