Juan 4:14 - Biblia Yanowamö

¹⁴ camiyänö ya u lä jöbäaö wei u co̦aöje ja, bä amishaö co̦daaö mlaicätä. Ubä fe lä jojoblai jamö ubä fadii shi wa̦lii lä cuaaö weinaja, ba̦limiblamodima ya u nia lä jöbäaö wei, inaja u fa cuaadinö, ba̦limi bä nia cuo shi wa̦lii —a nowa tama.

Juan 4:14 Iomraidhean Croise

Mateo 25:46

’Ö̦jö däjä, bä nö bleaaö shi wa̦libä, bä nia alayofälöö. Ö̦jö ma cui, bä lä cadidou wei bä lä cui, ba̦limi bä nia lä cudio wei jamö ö̦jö bä nia juu ayao —Jesús a cuma.

Mateo 5:6

’Yai Bada nija bä cadidou bufi lä doblao wei bä lä cui, ö̦jö bä bufi yai doblalobä cäbä. Yai Bada tänö bä bufi nia malä doblamabou wei.

Juan 10:10

Bä lä tomömou wei bä lä cui, ö̦jö bä li tomömou mö juu. Bä shäö mö juuje. Bä mö watäblaö mö juuje. Camiyä ya lä cui, bä ba̦limi cuobä ya li waloquema, bä yai dodijidawä cudiobä.

Juan 11:26

Bä demi lä cublai bä lä cuinö, wale a̦ bejedi bufiije ja, bä nomaö mlaicätä. ¿Ö̦jö tawä? ¿Wale a̦ bejedi bufii cule? —a cuma.

Juan 4:10

Jesús e a̦ juo ja, abinaja e cuma. —Yai Bada tänö tä lä jöbäaö wei wa tä daö fa cunoja, cafä nija mau ya u lä nacafe wale nö ca̦i ö̦jöböaö fa cunoja, camiyä nija wa nö yai nacobö wei. Cafä nija ba̦limiblamamodima ya u nö jöbäquebö wei —e cuma.

Juan 4:11

Abinaja suwä e cuma. —U blajaa a lä cubocöli. Wa u jiqueabä wa tä ca̦i taboimi. ¿Ö̦jö tawä? ¿Wedi jamö ö̦jö ba̦limiblamamodima wa u nia li däaö?

Juan 4:13

Abinaja Jesúsnö a nowa suwä tama. —Ei u ja, bä amishi lä co̦o wei bä lä cui, bä nia amishi mladou ma mlai ma cui,

Juan 4:36

’¿Ö̦jö tawä? Nii bä lä taö wejei, bä nowa ojode coamamou. Ai bä nijamö, nii bä bälaö lä cuaaö wejeinaja, camiyä nija bä yanowamö lulubou cuoje, ba̦limi bä cuobä. Mobä döaö lä balöo wejei bä ma cui, nii bä taö lä nomöjöo wejei bä ma cui, ö̦jö bä bufi bluca doblalobä.

Juan 6:27

’Nii bä mladou si lä ijejei bä ja, bä cuaablalou fe balojoo dijä. Täbä ba̦limi cuobä cäcö nii ja, wamacö shino yai ojodamobä. Ö̦jö cäcö nii ja wamacö dobämobä, ei lä ya waiquiwä, camiyä ya lä yanowamöblaleyoluno wei ya lä cui. Fayä Yai Bada tänö wale nö malä ö̦jöböamale —bä nowa tama.

Juan 6:35

Abinaja Jesúsnö bä nowa taö ja a cuma. —Bä ba̦limi cuobä cäcö nii lä cui, ö̦jö bei ya. Camiyä nija bä lä juu wei bä nia ofäimi. Camiyä wale a̦ bejedi lä bufii wejei bä nia amishaö co̦daaimi.

Juan 6:58

Fedu jamö ya cuoma ya cö nii lä itolayono wei ya lä cui, ö̦jö camiyä ya cö a̦fa nii wäyämamou lä cule, camiyä bämacö bada bä lä cuono wei bänö, bä nii lä wano wejei mlai. Ö̦jö lä bä ma wano wejei ma cui, bä li nomalaliyoma. Camiyä ya cö a̦fa nii lä wäyämole ya cö ja bä lä iyaö wei, ba̦limi bä yai nia cuo —a cuma.

Juan 7:37

Bä iyaö waicou lä bufiono wei däjä, bä yai co̦camobä jamö, Jesús wawädowä a ubladaliyoma. A fa ubladalunö, a wa̦ i̦cali faö ja, abinaja a cuma. —Ai bä amishaö bädao ja, camiyä nija bä yai fa icubonö, bä amishi co̦oyolubä.

Romanos 5:21

bä bayeliblamou fe yadiobä. ¿Ö̦jö tawä? Wa̦lidiwä tänö täbä bluca jaba nomablou lä cuaano weinaja, inaja showawä täbä nofi lä ojodabou wei tänö, bä nia yai ba̦limi bluca cuo nomöjöoma. Bada tä Jesucristo a yai lä cuaano wei tänö, jai bä cadejewä waiquiwä, Yai Bada tänö bä nofi nia tabou fe yadioma.

Romanos 6:23

Wa̦lidiwä tä lä taö wejei tä nowa ja täbä malä nomaö wei. Ö̦jö ma cui Bada tä Jesucristo lija bämacö bufi cua yalo, Yai Bada tänö no mlai ja bämalecö bayeliblaö, ba̦limi bämacö cuobä.

2 Corintios 1:22

Cama bäma ecö nö ö̦jöböamobä, a Bufi jibämobema. Bei bämacö bufi jamö a lä bälöle tä ja, bämacö jaba dobämoa balölayoma, bämalecö nia lä dobädayou wei tä ja, bämacö mölaö showaobä.

Efesios 4:30

Yai Bada tä Bufi lä jibämoqueno wei tä Bufi ca̦i wa̦lidiwä bälömabo dijejä. Cama wama ecö nö ö̦jöböamobä a Bufi malä jibämoqueno wei. Wamacö co̦aö showao mlao däjä wamacö ca̦i cudio balöobä.

1 Pedro 1:22

Jesucristo nija tä a̦ bejedi lä cule, wama tä a̦ julema. Wama tä a̦ lä juleno wei tänö wamacö bufi aublaliyoma, cama wama ebä nofimabä. ¿Ö̦jö tawä? Bufi cadidilanö bä da nofimayo, ö̦jö lä.

1 Juan 5:20

Yai Bada a lä cui, ö̦jö a shino yai bejedimou. Ö̦jö bäma a dabä, bei Ijilubö e fa itoliyonö bämalecö bufi jaducumabou lä cule. Bä Ijilubö Jesucristo nija bämacö cua lä cule, a yai lä bejedi wei a lä cui nija. A bufiblamobä ö̦jö a shino yai bejedi cua ayaa. Ba̦limi bämacö cuobä, ö̦jö a waiquiwä.

Apocalipsis 7:16

Bä nia ofäö co̦daaimi. Bä nia ca̦i amishaimi. Ö̦jö bä nija motoca shi̦i nia ca̦i difequio co̦daaimi. Yobli tänö täbä si nia fla̦aö co̦daaimi.

Apocalipsis 7:17

Bada tä döcäobä etäcö ajede jamö, Oweja a wa̦fa ocalo lä jilamou weinö bä nia nowamöbou. Oweja bä ca̦i lä cuo wejei bänö bä yalo nowamaö lä cuaaö wejeinaja, inaja showawä bä nia taamaö. Ba̦limiblamodima ubä fe lä jojoblai jamö bä nia lulubou cuaaö. ¿Ö̦jö tawä? Ö̦jö bä lä cui, Yai Bada tänö bä mabuubö nia jödödöwä ya̦jöblaö —bada a cuma.