Juan 4:10 - Biblia Yanowamö

¹⁰ Jesús e a̦ juo ja, abinaja e cuma. —Yai Bada tänö tä lä jöbäaö wei wa tä daö fa cunoja, cafä nija mau ya u lä nacafe wale nö ca̦i ö̦jöböaö fa cunoja, camiyä nija wa nö yai nacobö wei. Cafä nija ba̦limiblamamodima ya u nö jöbäquebö wei —e cuma.

Juan 4:10 Iomraidhean Croise

Éxodo 17:6

Camiyänö bäfä ca̦i nia cuo. Olebe cäcö lä cui jamö camiyä ya ublao balöo däjä, ö̦jamö cafä wa nia ca̦i ublao yädäo. Maa wa ma fa shäcönö, mau u nia faö, bä amishi co̦obä —a cuma. ¿Ö̦jö tawä? Isaeli ebä bada lä cui, bä mamo mötale ja, inaja showawä Moisesi a cuaama.

Isaías 9:6

Ijilu a ja bämalecö nia dobäö. Bämacö ijilubö nia jibäaö. Camiyä bämacö lija a nia Bada läo. A wa̦fa jilaöje ja, abenaja bä nia cuu. —Bä bufi yai shalilamaö lä daö wei a. Yai Bada tä nö shi̦lo wa̦lojaö lä ayai a. Bämacö Fö̦ömou shi lä wa̦lile a. Bämacö yai lä yanöcömabou wei a Bada —bä nia cuu.

Lucas 11:13

Wa̦lidiwä talewä wamacö ma cui, dodijidawä ijilufä wama bä dobäö daö waiquiwä ja lä, Fayä fedu jamö a lä culadi, ö̦jö bei a nia shino yai dodijaö fe balojoo. Cama Yai Bada tä Bufi lä nacaö wejei bä nija a Bufi jöbömoquei —Jesús a cuma.

Juan 16:3

Camiyä wale daimije yalo, Fayä a ca̦i daimije cudeenö, bä nia inaja cuaaö.

Juan 17:3

Cafä Yai Bada wa bejedi cua lä ayale wa daöje ja, camiyä Jesucristo wale lä shömöleno wei wale ca̦i daö mö feduoje ja, ö̦jö tänö bä nia ba̦limi cuo.

Juan 3:16

’Yai Bada tänö yanowamö täbä nofimaö fa dodijionö, bä Ijilubö moli ya e lä cui yale shömölema. Wale a̦ bejedi lä bufii wejei bä bluca lä cui, bä nomaö mlai ja bä ba̦limi cuobä.

Juan 4:14

camiyänö ya u lä jöbäaö wei u co̦aöje ja, bä amishaö co̦daaö mlaicätä. Ubä fe lä jojoblai jamö ubä fadii shi wa̦lii lä cuaaö weinaja, ba̦limiblamodima ya u nia lä jöbäaö wei, inaja u fa cuaadinö, ba̦limi bä nia cuo shi wa̦lii —a nowa tama.

Juan 6:35

Abinaja Jesúsnö bä nowa taö ja a cuma. —Bä ba̦limi cuobä cäcö nii lä cui, ö̦jö bei ya. Camiyä nija bä lä juu wei bä nia ofäimi. Camiyä wale a̦ bejedi lä bufii wejei bä nia amishaö co̦daaimi.

Juan 6:51

Bä ba̦limi cuobä cäcö nii lä cui, ö̦jö bei ya waiquiwä, fedu jamö culanö ya lä itolayono wei ya lä cui. Camiyä ya cö nii lä cui ja bä lä iyaö wei bä lä cui, ba̦limi bä nia cuo. ¿Ö̦jö tawä? Yanowamö täbä ba̦limi cuobä ya cö nii lä jöböaö wei, bei ya ya̦ji nia jöböamou —a cuma.

Hechos 9:11

Bada tänö abinaja a nowa tama. —Shaliliwä yo a̦fa lä jilabou wejei yo jamö wa fa alufälönö, Juda e yafi jamö, Dasoteli a wa̦ da wa̦li, Saulo a wa̦fa lä cule. Ö̦jamö a nö bayeli nacao lä cubiyei.

Romanos 8:32

Cama bä Ijilubö e ma cui, Yai Bada tänö a noshi umlabonomi. Bämalecö bluca bayeliblabä, a noshi malä ö̦jödabono wei. ¿Ö̦jö tawä? Bä Ijilubö e jibäaö ojodao waiquioma ja lä, ai täbä bluca ma cui ja, bei bämalecö dobäa yailei.

1 Corintios 1:30

Jesucristo lija wamacö bufi fa yädäicunö, Yai Bada tänö wamacö ba̦limibou lä cule. ¿Ö̦jö tawä? Cama bufi moyawe etä lä cuinö bämacö bufi li camiyä moyawäblaliyoma. Cama dodijidawä etänö, bämacö li dodijidablaliyoma. Yai Bada bäma ecö dodijidawä cuobä, Jesucristo lija bämacö yaimoa yädälayoma. Bämalecö nowa fa co̦macönö, Yai Bada lija bämalecö ajedea comaquema.

1 Corintios 10:4

Maa ma ja, Yai Bada tä lofotenö mau ubä fa famalönö, täbä amishi bluca co̦oma. Ö̦jö yai ma ja, täbä bayeliblamou cuaafälöma. Ö̦jö maa ma lä nojaono wei, Cristo bei ma li cuo showaoma.

2 Corintios 9:15

Camiyä bämalecö yai lä dobäleno wei a lija, bämacö bufi a̦fa yai doblalou da wäamo. Bufi lämou mlai ja, tä yai lä lofote wei tä ja, ¡bejedi lä Yai Bada tänö bämalecö dobälema!

Efesios 2:8

Wamacö nofi ojodabou yalo, Jesucristo wama a nofi fa mölabonö wamacö malä fucäleno wei. ¿Ö̦jö tawä? Wama a nofi lä mölabou wei tä ma cui, Yai Bada tänö no mlai ja wamacö bayeliblaö mlao fa cunoja, wama a nofi nö ca̦i mölabou bädaobö mlai.

Hebreos 6:4

Jesucristonö bä bufi ma wacacablamaleno wei ma cui, a bufiboimi majöo dicoweje ja, Yai Bada lija bä bufi mö yabäjadou co̦obä, etä cuami waiquiwä. No mlai ja Yai Bada tänö bä lä dobäleno wei tä daöje. Yai Bada tä Bufi ca̦i däa mö fedua waiquilemaje.

1 Juan 5:20

Yai Bada a lä cui, ö̦jö a shino yai bejedimou. Ö̦jö bäma a dabä, bei Ijilubö e fa itoliyonö bämalecö bufi jaducumabou lä cule. Bä Ijilubö Jesucristo nija bämacö cua lä cule, a yai lä bejedi wei a lä cui nija. A bufiblamobä ö̦jö a shino yai bejedi cua ayaa. Ba̦limi bämacö cuobä, ö̦jö a waiquiwä.

Apocalipsis 21:6

Abinaja wale nowa ca̦i tama. —Bei tawä. ¡Inaja lä waiquiwä! Camiyä jaba ya, jödödö ya ca̦i. Camiyä ya lä cuinö täbä jaba bluca cublaliyoma. Camiyä ya showawänö täbä jödödöwä waicou. Bä lä amishaö wei bä lä cui, no mlai ja ya bä amishi nia co̦amaö. Ba̦limiblamodima u fe lä jojole u ja, ya bä nia dobäö.

Apocalipsis 22:17

Yai Bada tä Bufi a̦ faö. Oweja a wa̦fa ocalo lä jilamou wei bä suwäbö e a̦ ca̦i faö. Abinaja cäcöbö cuu. —¡Bä da jabo! —cäcöbö cuu. Ei wama tä a̦ lä ji̦lile wamacö ma cui, wamacö a̦ ca̦i fabä. —¡Bä da jabo! —wamacö cubä. Bä lä amishaö wei bä lä cui bä juimabä, ö̦jö lä. Bä lä bufio wei bä lä cuinö, no mlai ja ba̦limiblamodima u coayolubeje.

Apocalipsis 7:17

Bada tä döcäobä etäcö ajede jamö, Oweja a wa̦fa ocalo lä jilamou weinö bä nia nowamöbou. Oweja bä ca̦i lä cuo wejei bänö bä yalo nowamaö lä cuaaö wejeinaja, inaja showawä bä nia taamaö. Ba̦limiblamodima ubä fe lä jojoblai jamö bä nia lulubou cuaaö. ¿Ö̦jö tawä? Ö̦jö bä lä cui, Yai Bada tänö bä mabuubö nia jödödöwä ya̦jöblaö —bada a cuma.