Juan 3:36 - Biblia Yanowamö

³⁶ Ö̦jö bä Ijilubö e a̦ bejedi lä bufii wejei bä lä cui, ba̦limi bä cuobä bä li. Ö̦jö ma cui, bä Ijilubö e a̦ juaö lä mlajei bä lä cui, ö̦jö bä nia ba̦limi cuomi. Yai Bada tä nö wa̦lowä lä jushudou wei tänö bä nö bleaabä ö̦jö bä li.

Juan 3:36 Iomraidhean Croise

Mateo 25:46

’Ö̦jö däjä, bä nö bleaaö shi wa̦libä, bä nia alayofälöö. Ö̦jö ma cui, bä lä cadidou wei bä lä cui, ba̦limi bä nia lä cudio wei jamö ö̦jö bä nia juu ayao —Jesús a cuma.

Marcos 16:16

Wale a̦ bejedi lä bufii wejei bä lä cui, bä fe fa ojoblamolunö, bä jucäamou wä. Ö̦jö ma cui, wale a̦ bejedi bufii lä mlajei bä waimamobä cäbä.

Lucas 2:30

Yamalecö nia lä jucäaö wei, camiyä bei ya mamocunö ya dalalei lä cufe.

Lucas 3:6

Bä bälöblawä lä yaiblai bä bluca lä cuinö, Yai Bada tänö täbä jucäaö bufi lä doblao wei tä nia dablaöje.” ¿Ö̦jö tawä? Einaja Juannö bä nowa nia jo̦wa tama.

Juan 1:12

Ö̦jö ma cui, a wa̦ juaö fe lä yadiono wejei bä lä cui, a wa̦ bejedi lä bufino wejei, Yai Bada ijilubö ebä cuobä, bä tablamalema.

Juan 10:28

Ö̦jö bä lä cui ya bä ba̦limiblamaö. Bä nia ca̦i nomaimi. Camiyä nija ö̦jö bä nia lä jucäaö wei, moli ma cui a ca̦i cuami.

Juan 3:3

Abinaja Jesús e cuma. —Cafä nija ei ya wa̦ lä cui, bejedi lä ya wa̦. A tablamou co̦o lä mlai a lä cuinö, Yai Bada tänö cama ebä nia ca̦i lä cuo wei tä nia dablaimi —e cuma.

Juan 4:36

’¿Ö̦jö tawä? Nii bä lä taö wejei, bä nowa ojode coamamou. Ai bä nijamö, nii bä bälaö lä cuaaö wejeinaja, camiyä nija bä yanowamö lulubou cuoje, ba̦limi bä cuobä. Mobä döaö lä balöo wejei bä ma cui, nii bä taö lä nomöjöo wejei bä ma cui, ö̦jö bä bufi bluca doblalobä.

Juan 5:24

’Cafä wamacö nija ei ya wa̦ lä cui, bejedi lä ya wa̦—a cuma—. Wale a̦ fa ji̦liajenö, wale lä shömöleno wei a wa̦ bejedi lä bufii wejei bä lä cui, ba̦limi bä cuobä bä li waiquiwä. Bä dobloimi jömamobä bämi. Ö̦jö bä lä cui, bä nomabä bä ma cuono wei ma cui, bä ba̦limiblou nomöjöa lä cule.

Juan 6:58

Fedu jamö ya cuoma ya cö nii lä itolayono wei ya lä cui, ö̦jö camiyä ya cö a̦fa nii wäyämamou lä cule, camiyä bämacö bada bä lä cuono wei bänö, bä nii lä wano wejei mlai. Ö̦jö lä bä ma wano wejei ma cui, bä li nomalaliyoma. Camiyä ya cö a̦fa nii lä wäyämole ya cö ja bä lä iyaö wei, ba̦limi bä yai nia cuo —a cuma.

Juan 8:51

Cafä wamacö nija ei ya wa̦ lä cui, bejedi lä ya wa̦. Wale a̦ nofi lä cadidibou wejei bä lä cui, bä nomaö mlaicätä —a cuma.

Hechos 14:2

Ö̦jö ma cui, tä a̦ bejedi bufii lä mlajei bä judio lä cuinö, bä judio lä mlai bä jushuo lulubomaje. Jesucristo ebä a̦fa wäyäö fa dicoojenö, bä nofi wa̦lilemaje.

Romanos 4:15

Moisesi bäma etä a̦ fuaimi ja, Yai Bada bäma a jushuo lulubou. Ö̦jö ma cui, tä a̦ läa lä mlai jamö tä a̦ waibeje tä cuami waiquiwä.

Romanos 5:9

¿Ö̦jö tawä? Jesucristo a nö i̦yä lä bleaamano wejei tä nowanö, fei däjä jai bämacö dodijidawä waiquiwä Yai Bada tänö bämalecö nofi tabou. Inaja bämalecö nofi tabou waiquia ja lä, Yai Bada tä nö wa̦lowä lä jushuo wei tä wawäblou däjä, bämalecö noshi nia yai umlabou.

Romanos 8:1

Fei däjä Jesucristo lija bämacö lä yädäle, Yai Bada tänö bämalecö nö nia bleaamaimi.

Gálatas 3:10

Ai bä mö feduwä lä cui, “Dodijidawä ya cuobä Moisesi tä a̦ ja ya cadidou weicätä”, bä bufi lä cuu wei bä bluca lä cui, bä waimobä bä li waiquiwä. Abenaja tä a̦ malä cuu wei. Moisesi tä a̦ jödödöwä lä cui, tä a̦ nofi showadi cadidibou lä mlajei bä lä cui, Yai Bada lija bä waimobä bä waiquiwä. Einaja tä a̦ malä cuu wei.

Efesios 5:6

Bä a̦ lä jolemou wei bä lija bä möla dijä. ¿Ö̦jö tawä? Inaja täbä cuaadii yalo, Yai Bada tä nö wa̦lowä lä jushudou wei däjä a nosie fuaö lä mlajei bä lä cui bä nö nia malä bleaamaö wei.

1 Tesalonicenses 1:10

Fei däjä bä Ijilubö e lä culadi wama e nö ca̦i dabou. Ö̦jö Jesús a lä cui, a ma nomalayono wei a demi jocäa co̦malema. Yai Bada a nö waiteli lä quiliaö wei däjä bämalecö noshi nia umlabou.

1 Tesalonicenses 5:9

Yai Bada tänö bämalecö nabä queobä bämalecö yaiano malä mlai. Bämalecö yai fucäabä bämalecö yailema. Bada tä Jesucristo lija bämacö fa yädäicunö, bämacö fucäamobä.

Hebreos 10:29

¿Ö̦jö tawä? Wa̦lidiwä tä fulii mö yabaaö lä co̦o wejei bä nö bleaabä bä li waiquiwä. Ö̦jö ma cui, Yai Bada bei Ijilubö a waii lä majöblao wejei bä lä cui, ö̦jö bä nö nia yai bleaaö dodijio. ¿Ö̦jö tawä? Yai Bada a wa̦ nö wäo lä co̦ono wei tä a̦ ca̦i läobä, Jesucristo a shämolayoma. I̦yäbö falayoma. Ö̦jö i̦yäbönö bä doblou lä mlai etä nowa mladamalema ma cui, inaja bä lä cuaaö wei bä lä cuinö i̦yäbö nö waiblaö majöoje. Yai Bada tänö täbä nofi ojodabobä a Bufi läa ma waiquile ma cui, a Bufi nö ca̦i waiblaöje.

Hebreos 2:3

bämacö bufi yai da jaducäblo, ö̦jö lä, camiyä bämalecö nö bleaamaö nomöjöo mlaobä. Bämacö nia lä fucäamou wei tä a̦ lä cui, cama Bada tä showawänö, tä a̦ wäyäö balöoma. Ö̦jö däjä, camiyä bämacö lija a wa̦ lä ji̦liano wejei bänö, walalawä a wa̦no wäyäö nomöjöomaje.

Hebreos 3:18

Ö̦jö bä lä cui, Yai Bada tä a̦ fuano lä mlajei bä showawä lä cui bä lija, Yai Bada a wa̦ nö wäoma. Bä nia yai lä yanöcömabono wei jamö, bä nia jo̦wa waloamanomi majöwä.

Hebreos 3:19

¿Ö̦jö tawä? Bämacö bufi jaducäblobä tä a̦. Yai Bada tä a̦ bejedi bufinomije yalo, bä waloo doblonomi.

Apocalipsis 21:8

Inaja ö̦jö ya bä nia ma taamaö wei ma cui, ai bä lä cui ya bä nö nia bleaamaö ayao. Wale a̦ juaö lä quilii wejei bä ma cui, wale nofi mölabou fe yadio lä mlajei bä ma cui, bä shami nö lä quilii bä ma cui, täbä lä shäö wejei bä ma cui, bä lä joleblalou wei bä ma cui, fecula bä nija täbä nabä lä shömaö wejei bä ma cui, nö idubö täbä lä bufiblaö wejei bä ma cui, bä caficö a̦ lä jolemou wei bä ca̦i bluca ma cui, cowa wacö ca jamö bä queamabä bä li waiquiwä, cowa yaitawä nacli wacöbä lä waole jamö. Täbä nia nomablou lä co̦o wei, ö̦jö bei tä waiquiwä —wale nowa tama.