Juan 3:34 - Biblia Yanowamö

³⁴ ¿Ö̦jö tawä? Yai Bada tänö a lä shömöleno wei a lä cui, ö̦jönö cama a wa̦no wäyäö. Yai Bada tänö a fa dobälönö, bei a Bufinö a malä jödödöbole.

Juan 3:34 Iomraidhean Croise

2 Reyes 2:9

Cäcöbö jayubaliyono wei ja, Elianö abenaja Eliseo a nowa tama. —Wale nia co̦aö. Wa yamiblou showao mlao däjä, camiyä lija a nacou da balöo, wa bayeliblamobä —a nowa tama. Abenaja Eliseo e cuma. —Jeobaa lija cafä wa bufi bayeliblamou fe ma balojoo wei ma cui, inaja bädawä mlai, ai showawä camiyä ya bufi yai bayeliblamou dodijiobä, ya tä bufii, ¿ö̦jö tawä? —e cuma.

Números 11:25

Ö̦jö däjä, ölajashi a jamö Jeobaa a fa itolunö, Moisesi a wa̦ wayomama. Cama nija a Bufi lä yanöcöblaqueno wei a Bufi shedequeblamoa fa majölönö, bada 70 bä nija a Bufi yanöcöa shedequeomobodayoma. Bada bä nija a Bufi fa yanöcöomobodunö, a wa̦no wäyäö showadaomaje. Ö̦jö ma cui, moli bä inaja cuaaö fa showadaonö, bä cuaaö co̦daanomi.

Mateo 12:18

Bei. Ya wa̦ juamobä, ei ya yailema. Ya nofimaö fe balojowä. Cama nija ya bufi yai doblalou. Bei ya Bufi fa lucälönö, judio bä lä mlai bä nia bluca yömölaö cuaaö. Camiyä nija bä nia dodijidawä cuo fe lä yadio wei tä a̦ nia wäyäö.

Lucas 4:18

Bä lä jo̦li wei bä nija, tä a̦ lä dodijidai ya tä a̦ wäyäbä, Yai Bada tänö wale yailema. Ö̦jö cudeenö, Bada tä Bufinö wale ca̦i cua lä cule. Ya bä nia lä bayeliblaö wei ya wa̦fa wäamobä, wale shömölema. Bä shi lä wa̦limabou wejei ya bä nia jujeblamaö. Bä lä jubäbö wei ya bä mamocu nia dodijidablaö co̦o. Bä nö lä bleaamaö wejei ya bä nia bayeliblaö.

Juan 1:16

Ö̦jö a nia juu lä juono wei a lä cuinö, täbä nofi showadi ojodabou yalo, showadi a bejedimou yalo, ö̦jö nija bämacö shino bayeliblamou. Showadi bämalecö nia shino bayelibladii.

Juan 15:26

¿Ö̦jö tawä? Ö̦jö ma cui, Fayä nijamö Bayeliawä a lä culadi, cafä wamacö nija ya nia shömadayou, tä a̦ bejedi lä wäyäö wei a lä cui. Fayä nija a culanö eja a waloo däjä, wale a̦fa nia wäyäö.

Juan 16:7

Wamacö bufi ma wa̦lidii ma cui, wamale a̦ da ji̦lilä. Bejedi lä ya wa̦. Ya nia lä co̦o wei tä ja, wamacö nia yai bayeliblamou. Ya co̦o mlao fa cunoja, cafä wamacö nija Bayeliawä a nö waloobö ma mlai ma cui, ya co̦o däjä, cafä wamacö nija ya nia shömadayou.

Juan 3:17

Yai Bada tänö bita jamö bä Ijilubö wale lä shömöleno wei ya lä cui, yanowamö ya täbä nö bleaamabä wale shömano malä mlai. Ya täbä yai jucäabä wale shömölema.

Juan 5:26

Ba̦limi bä cuobä Fayänö bä lä taamaö weinaja, bei Ijilubö ya e ma cui, inaja showawä ya e ca̦i cuaaö mö feduobä wale malä tablamaleno wei.

Juan 7:16

Ö̦jö däjä, abinaja Jesúsnö bä nowa tama. —Ya tä a̦ lä wäyäö wei, camiyä ya wa̦ bädawämi. Wale lä shömöleno wei, ö̦jö lä ya wa̦no li wäyäö.

Juan 8:40

Ö̦jö ma cui, inaja wamacö cuaaimi dicowä. Yai Bada nijamö ya wa̦ lä ji̦lileno wei, cafä wamacö nija ya tä a̦ bejedi ma wäyäö wei ma cui, wamale shäö bufi doblaa dicoa lä cule. Inaja Ablaamö a cuaano malä mlai.

Juan 8:47

Yai Bada ebä lä cuinö, cama Yai Bada etä a̦ ji̦liaöje. Yai Bada wama ecö waiquiwämi yalo, wama etä a̦ li ji̦liaimi —bä nowa tama.

Hechos 1:2

a ösöö showao mlao däjä, a lä cuaano wei tä a̦ lä cui. ¿Ö̦jö tawä? Fedu jamö a co̦amamou showao mlao däjä, cama ebä nosiemaö balöoma, bä lä shömöleno wei bä lä cui. Yai Bada tä Bufinö a wa̦ fa cadidonö, bä nosiemama.

Hechos 10:38

Ö̦jö Nasaleteli Jesús a lä cui, Yai Bada tänö a bayelibou ja, bei Bufinö a jödödöboma. A nö ca̦i wa̦lojomaboma. ¿Ö̦jö tawä? Täbä shino bayeliblaö cuaama. Fecula bada tänö bä nö lä bleaamano wei, bä bluca ca̦i jalomaö cuaama. Yai Bada tänö a ca̦i malä cuono wei.

Romanos 8:2

Yai Bada tä Bufinö bämalecö malä bayeliblaö wei. Jesucristo lija bämalecö fa yädämacönö, dodijidawä bämacö li cua. Wa̦lidiwä tänö bämalecö ma lofotobono wei ma cui, nomaö tänö bämalecö ca̦i ma lofotobono wei ma cui, Yai Bada tä Bufinö bämalecö fujeblamalema.

Efesios 3:8

Cama ai ebä shi̦lo dodijaö ma ayaono wei ma cui, camiyä wale nofi fa ojodadalönö wale shimöa fe yadilema. Cristo lija täbä yai bayeliblamou fe lä balojoo wei, judio wamacö lä mlai wamacö lija ya tä a̦ wäyäbä.

Colosenses 1:19

Bä Ijilubö e lija, cama Yai Bada tä owämobou bufi malä doblaono wei.

Colosenses 2:9

Bä möla dijä. Cristo a ma yanowamöblaleyoluno wei ma cui, Yai Bada a cuwä lä dodijiinaja a cuwä mö feduwä showaoma.

Apocalipsis 21:6

Abinaja wale nowa ca̦i tama. —Bei tawä. ¡Inaja lä waiquiwä! Camiyä jaba ya, jödödö ya ca̦i. Camiyä ya lä cuinö täbä jaba bluca cublaliyoma. Camiyä ya showawänö täbä jödödöwä waicou. Bä lä amishaö wei bä lä cui, no mlai ja ya bä amishi nia co̦amaö. Ba̦limiblamodima u fe lä jojole u ja, ya bä nia dobäö.

Apocalipsis 22:1

Ö̦jö däjä a̦jele a lä cuinö, camiyä nija ba̦limiblamamodima u damalalema. U mömou walalawä dodijidaoma. Yai Bada tä döcäobä etäcö cotä jamö culanö u fa falönö u caläma, Oweja a wa̦fa ocalo lä jilamou wei a ca̦i lä döcäo wei jamö.