Juan 3:3 - Biblia Yanowamö

³ Abinaja Jesús e cuma. —Cafä nija ei ya wa̦ lä cui, bejedi lä ya wa̦. A tablamou co̦o lä mlai a lä cuinö, Yai Bada tänö cama ebä nia ca̦i lä cuo wei tä nia dablaimi —e cuma.

Juan 3:3 Iomraidhean Croise

Mateo 16:17

Abinaja Jesús e cuu nomöjöoma. —Jonasi bä ijilubö Simón wa lä cui, ¡bejedi lä wa bufi doblalobä wa! Wale nö ö̦jöböaö cadidiobä, yanowamö täbä a̦ ja, wa bufi jaducublono malä mlai. Fayä a lä culadinö wa bufi yai jaducublamalema.

Mateo 19:24

Mösöcö aca jamö cameyo bä lucäö si ijejewä malä mlai. Bä nö lucäbimi waiquiwä. ¿Ö̦jö tawä? Bämacö nowa taö co̦a lä cule. Mösöcö aca jamö cameyo bä lucäimi ma waiquii, bä nö lä madofibö wei bä lä cui, Yai Bada tänö cama ebä ca̦i cuobä jamö ö̦jö bei bä lucäimi yaiquei —a cuma.

Mateo 21:31

¿Ö̦jö tawä? —Jesús a cuma—. ¿Wedi jamö a dodijiwä lä cuinö, bä fö̦ö e nosie yai shino julema? —a cuma. —Bä ijilubö jaba e shömaö lä balöblaono wei a lä cuinö —bä cuma—. A bufi mö lä yabajadaliyono wei a lä cuinö. Ö̦jö däjä, abinaja Jesúsnö bä nowa tama. —Cafä wamacö nija ei ya wa̦ lä cui, bejedi lä ya wa̦. Inaja showawä, Yai Bada tänö cafä wamacö ca̦i cuobä wamacö waiquiwä ma cui, wamacö ca̦i nia cuomi. Ö̦jö a ijilubö lä culenaja wamacö cuwä dicowä. “¡Ei!”, wamacö cuu ma buo wei ma cui, wama a nosie yai juaimi. Lomateli bada bä befi bä blada lä doaö wejei bä ma cui, bä suwä lä dodoo wei bä ma cui, ö̦jö lä bä ca̦i nia shino cuo ayao. Bä doblou ma mlai lä ma cui, bä bufi lä läblou wei tänö a wa̦ shino yai juaö ayaaje.

Mateo 5:18

Cafä wamacö nija ei ya wa̦ lä cui, bejedi lä ya wa̦. Judu mösö ma cui, bita a ma cui, ö̦jö tä bluca cuo showao däjä, Moisesi tä a̦ oni nia joyamou balöomi. Moli tä mamo wai lä onile ma cui, tä nia oni joyamoimi. Moisesi etä a̦ lä cuu wei tä a̦ bejedi cublou showao mlao däjä, tä a̦ nia oni mladou bädaomi.

Marcos 10:14

Ö̦jö ma cui, Jesúsnö bä wasöö fa dalalönö a wa̦ läblaliyoma. Abinaja e cuma. —Wamacö a̦ läablalou dicoo mlai. Camiyä nija ijilu wama bä yai jumabä bä li. Ijilu bä a̦ juo si ijejewä lä culenaja bä lä cui, Yai Bada tänö ö̦jö bä ca̦i cuobä bä malä cui —a cuma—.

Juan 1:13

¿Ö̦jö tawä? Yanowamö täbä oshe tablamou lä culenaja mlai. Cama yanowamö täbä inaja taamamou fa ojodaonö mlai. Yai Bada tänö cama ebä tablamaö ojodao fa showadaonö, bä li tablamalema.

Juan 1:5

Mö didi tä jamö ö̦jö tä shi̦i wacacawä cudio showao. Didi tänö tä shi̦i lublamaimi.

Juan 1:51

Abinaja Jesús a cuma. —Cafä wamacö nija ei ya wa̦ lä cui, bejedi lä ya wa̦. Judu wama mösö cacablou fa dalalönö, camiyä ya lä yanowamöblaleyoluno wei ya nija, Yai Bada wama etäbä a̦jele nia juu dablaö. ¿Ö̦jö tawä? Wama bä nia itou dablaö, wama bä nia ca̦i duo dablaö —a cuma.

Juan 12:40

Jai bä mamo casö miblawä, Yai Bada tänö bä tablamalema. Bä bufi ca̦i jifumaboma, tä lä dablaö wejei tä nö ö̦jöböaö mlaobeje. Bä bufi yai jaducublou mlaobä. Bä demi cudiobä, Yai Bada nija bä bufi mö yabajadou mlaobä. Einaja tä a̦ cuu.

Juan 3:4

Abinaja Nicodemo e cuma. —Yanowamö täbä badao waiquio däjä, ¿wedinaja bä tablamou li cuo co̦obä? Bä tablamou co̦obä, bä nöö bä nija bä didio co̦obä tä cua malä mlai —e cuma.

2 Corintios 4:4

Bita jamö Sadanasi a bada lä bufiblamou wei a lä cuinö, ö̦jönö bä bufi mojodumabou. Dodijidawä tä a̦nö bä bufi wacacablou mlaobä cama etä a̦ li lämaö. Tä a̦ bejedi bufii lä mlajei, showadi inaja bä li taamaö, Cristo a nö doblao ö̦jöböaö mlaobeje. ¿Ö̦jö tawä? Yai Bada a cuwä lä dodijiinaja, Cristo a cua mö fedua.

2 Corintios 5:17

Cristo lijamö bä lä yädäle, bä dude cublou majölayoma cäbä. Bä jaba lä cuaano weinaja fei däjä bä cuaaimi. Dude tä a̦ jamö bä cublou lä majölayono wei cäbä.

Gálatas 6:15

Täbä mosi sicö lä joyamou wei tä nowa cua malä mlai. Täbä mosi sicö joyamou lä mlai tä ma cui, ö̦jö tä nowa ca̦i cuami mö feduwä. Dude bämacö tablamou lä majöo wei, ö̦jö tä nowa shi̦lo cua.

Efesios 2:1

Cafä wamacö lä cui, wa̦lidiwä talewä wamacö jaba fa cuonö, jai nomawä wamacö cuoma. ¿Ö̦jö tawä? Wamacö doblou lä mlaono wei tänö, nomawä wamacö blao ma waiquiono wei ma cui, Yai Bada tänö wamacö demiblamalema.

Tito 3:5

Bejedi lä, bämalecö fucäama. Dodijidawä bämacö cuo waiquio däjä mlai. Bämacö dodijaö waiquio däjä mlai. Bämalecö nofi fa jalujubonö, bämalecö nofi ojodadalema. Yai Bada tä Bufinö bämalecö bufi fa aublalönö, dude bämalecö tablaö co̦layoma.

Santiago 3:17

Ö̦jö ma cui, Yai Bada nija bä bufi yai lä jaducuo wei bä lä cuinö, wisibö tä nia ca̦i wa̦lidiwä jubaö bädaomije. ¿Ö̦jö tawä? Bä bufi nia shino yanöcöwä ca̦i cuo. Bufi oquewä bä nia ca̦i bälöo. Cama bä bufi lä cuu wei bädao mlai, ai bä ma cui bä a̦ nia ca̦i ji̦liaö mö feduoje. Täbä nofi nia ca̦i shino ojodabouje. Bä nia shino dodijaö. Ai täbä nofi nia tabou ayaomije. Bä nia shino bejedimou.

1 Pedro 1:3

Awei. No mlai ja Yai Bada tänö bämalecö nofi ojodabou fe balojooma yalo, bämacö bufi doblalobä bämacö. Bada tä Jesucristo bä Fö̦ö e nija, bämacö bufi a̦fa shino doblalou da wäyämo, Jesucristo nija a lä bufiblamou wei a showawä lä cui nija. ¿Ö̦jö tawä? Dude bämalecö bufi tablaö co̦layoma. Jesucristo a demi jocädou co̦layoma yalo, bämacö mölaö showalanö bämacö cua lä cule.

1 Juan 2:29

Jesucristo wama a cadejewä daö waiquiwä ja lä, bufi wedinajamou mlai ja, Yai Bada bei ijilubö wama ebä nö nia ca̦i ö̦jöböaö. Bä cadejewä mö lä fedule bä lä cui, ö̦jö lä bei ebä waiquiwä.

1 Juan 3:9

Yai Bada nija dude bä tablamoa lä co̦layono wei bä lä cuinö, wa̦lidiwä tä taimije. Cama ebä nija, Yai Bada etä cua malä waiquile. Yai Bada bei ijilubö ebä waiquiwä yalo, tä wa̦lidiwä taimije.

1 Juan 5:1

“Yai Bada tänö a shömabä a lä yaileno wei, ö̦jö Jesús a waiquiwä”, bä bufi lä cuu wei, Yai Bada bei ijilubö ebä waiquiwä. ¿Ö̦jö tawä? Bä fö̦ö ebä lä nofimaö wejei bä lä cuinö, bä ijilubö ebä ca̦i nofimaö mö feduo malä cujei.

1 Juan 5:18

Yai Bada bei ijilubö ebänö wa̦lidiwä tä taö fe yadibloimije. Ö̦jö bäma tä daö. Yai Bada bei Ijilubö Jesucristo e lä cuinö bä nowamaö. Fecula bada a yai wa̦lidiwä lä cuinö, ö̦jö lä bä juliimi.

1 Juan 5:4

Bita jamö bämacö ma yabäcamou wei ma cui, Yai Bada bäma ecö ijilubö nö bluca wa̦lojaö fe yadiobä bämacö malä cui. Jesucristo bäma a nofi lä mölabou wei tänö bämacö nö wa̦lojaö fe yadio.

Apocalipsis 3:14

Ya tä lä möno wei, abinaja a cuu nomöjöoma. —Laodisea jamö, iba bä lä yododaö wei bä nija a lä läle a lä cui nija, wa etä a̦ ca̦i nia oni shömaö. Yai Bada nija bä nacou ja, “Inaja lä tä cuobä”, bä ola lä cudou wei tä a̦ bejedi cublobä, camiyä ö̦jö lä ya. Ya tä a̦fa bejedi wäyäö lä shalilio wei, ö̦jö lä ya showawä. Yai Bada tänö täbä bluca lä tablaleno wei däjä, camiyä ya lä cuinö täbä bluca tablamolayoma. Ö̦jö ya lä cui wale wa̦no nia oniblaö.