Juan 3:26 - Biblia Yanowamö

²⁶ Ö̦jö däjä, Juan nija bä fa junö, abinaja bä cuma. —Tä a̦ wäyäle. Jodana ai u mashi jamö, cafä nijamö a lä icuono wei a lä cui, wa wa̦fa wäyäö da balöoblei a lä cui, fei däjä quiji a cua co̦a lä cule. Täbä fe ojomaö dicoo. ¿Ö̦jö tawä? Ö̦jö nija bä bluca juu bashia majöa lä cule —bä cuma.

Juan 3:26 Iomraidhean Croise

Mateo 23:7

Nii bä lä lulaö wejei jamö, bä nö bada ca̦i ö̦jöböamou bufi doblao. “Tä a̦ wäyäle”, bä nowa tamamou bufi ca̦i doblao.

Mateo 23:8

’¿Ö̦jö tawä? —a cuma—. Ö̦jö ma cui, cafä wamacö lä cui, “Tä a̦ wäyäle”, bä nowa tamamou bufio dijä. Cafä wamacö nija ya tä a̦ lä wäyäö wei, ei ö̦jö moli lä ya waiquiwä malä cui. Cafä wamacö lä cui, moli wamacö ca̦i mashi.

Juan 1:15

Fe ojomalewä Juan a lä cuinö, ö̦jö a wa̦fa wäyäö ja, abinaja a wa̦ i̦cali faö ja, a cuma. —Ya wa̦fa da wäyäblei, ei a waiquiwä. Abinaja bämacö nowa da tablei. “Camiyä ya nodi jamö, a juu lä jäimi, ö̦jö a shino Bada. Camiyä ya cuo mlao däjä, a cuo showao balöoma yalo, ö̦jö ya wa̦fa Bada wäyäö lä cule”, bämacö nowa da tablei —Juan a cuma.

Juan 1:7

Ö̦jö tä shi̦i a̦fa wäyäbä Juan a waloquema, ba̦limiblamodima tä shi̦i a̦fa yai wäyäö shaliliobä. Yanowamö täbä bluca lä cuinö tä a̦ bejedi bufibeje.

Juan 1:9

Jödödöwä täbä bufi nia lä wacacamabou wei tä shi̦i bejedi lä cui, ö̦jö Jesús a li cuoma. Bita jamö a juu waiquiimama, yanowamö täbä nijamö.

Juan 11:48

Bäma a ja̦amaimi ja, jödödöwä bänö a wa̦ bejedi nia bufiije. “Ei a waiquiwä”, bä fa cunö, bä shi nia dou. Ö̦jö däjä, Lomateli bänö bämalecö nabä nia waloyoluuje. Yai Bada etä yafi nia wa̦liaöje. Judio bämalecö mö nia ca̦i watäblaöje —bä nowa tayoma.

Juan 12:19

Ö̦jö däjä, abinaja faliseo bä nowa tayoma. —Tä da möblaaje. Bäma a nö ja̦amabimi waiquiwä. Bluca bä lä bälöblai bänö, a bufii waiquiweje —bä nowa tayoma.

Juan 3:2

Ö̦jö a lä cui, didi däjä Jesús nija a icua fe fa jaluicunö, abinaja e cuma. —Tä a̦ wäyäle. Yamalecö yömölayolubä, Yai Bada tänö wa shömölema. Ö̦jö yama tä daö. Ö̦jö wa e nö ö̦jöböamobä, tä nö lä quilijii bluca wa tä wawämaö. Yai Bada tänö wa ca̦i cuo mlao fa cunoja, inaja wa nö cuaabö mlai —e cuma.

Juan 4:1

Fe ojomalewä Juan a lä cuinö, cama ebä lä nocamabono wei bä fe bluca ojomama. Bada tä Jesús ma cui, inaja cama a ca̦i cuaaö mö feduo showaoma. ¿Ö̦jö tawä? Jesús ebä shino yai lä blucaono wei, faliseo bä bada lä cuinö tä a̦ fa ji̦liläjenö, bä a̦ wayoma. Ö̦jö däjä, Jesúsnö bä wa̦no fa ji̦lilänö,

Juan 4:2

ö̦jamö, Judea tä ulifi lä cui jamö, a bälöo bufionomi. Calilea jamö a juu co̦obä, a aa co̦layofälöma. ¿Ö̦jö tawä? Ö̦jö ma cui, Jesús a cadidiwänö täbä fe ojomanomi. Cama ebä lä nocamabono wei bä nija täbä fe li ojomamoma.

Juan 4:31

¿Ö̦jö tawä? Cama bä juu showao däjä, Jesús a nia iyamaö fe fa yadiojenö, cama ebä lä nocamabono wei bä a̦ fe blacäjoma. —Tä a̦ wäyäle. A da iyayo, ¿ö̦jö tawä? —ebä cudima.

Juan 5:33

’Bä fe lä ojomaö wei a Juan ma cui nija afä wama bä ca̦i shömölema, wama a wa̦no ji̦liaö co̦ojolobä. ¿Ö̦jö tawä? —a cuma—. Ö̦jönö wale a̦fa wäyäö ja, a ca̦i bejedimoma.