Juan 3:25 - Biblia Yanowamö

²⁵ Bei. Yai Bada nija bä dodijidawä dablamobä, judio bä showadi lä aumamou wei tä a̦fa wayoaöje ja, Juannö bä lä nocamabono wei bä sho, judio ai a sho, bä a̦ bluca lämoma.

Juan 3:25 Iomraidhean Croise

Mateo 3:11

Abinaja Juan a cuma. —Camiyänö bämacö fe ojoblaö däjä, mau u ja bämacö jödödöblamaö, wa̦lidiwä tä ja wamacö bufi lädou dablamobä. Inaja camiyä ya cuaaö ma balöo wei ma cui, camiyä ya nodi jamö, a nö yai lä wa̦lojaö wei a nia waloo nomöjöoyoluu. Ö̦jö a shino yai doblaa ayaa cudeenö, ya bayeliblaö bädaobä tä ma cui ja, ya nö quilibö wei. Bei mamicö lä didio wei ecö bädawä ma cui, ya etäbä nö yefibou quilibö wei. Ö̦jö a lä cuinö, bejedi lä wamacö nia yai jödödöblaö. Mau unö mlai, Yai Bada a Bufinö wamacö nia jödödöblaö. Cowa wacönö täbä ca̦i nia jödödöblaö.

Marcos 7:8

¿Ö̦jö tawä? Yai Bada tänö tä nabä yai lä shömaö wei wama tä taö mlai ja, wamacö nö badabö lä cuaano wei wama bä shino owäbou bufi doblao dicoo.

Juan 2:6

Bei. Jai oshoboli bä bada cuwä, 6 täbä bada i̦tao ajedeoma, maa mabä ja bä lä tablaleno wejei bä bada. Judio bä showadi aumamou lä cuaaö weinaja bä aumamou cuaabä, ö̦jö ubä li cuoma, Moisesinö bä taamaö lä bufino weinaja showawä.

Hebreos 6:2

Täbä fe lä ojomamou wei tä a̦ ma cui, Jesucristo ebä lija bada bä imicö lä maqueo wei tä a̦ ma cui, ö̦jö bäma tä a̦ ca̦i daö waiquiwä. Täbä nia demi jocädou lä co̦o wei tä a̦ ma cui, Jesucristo ebä lä mlai bä nö nia bleaaö shi lä wa̦lii wei tä a̦ ma cui, ö̦jö lä tä a̦ ja, bämacö yömölaö co̦obä tä cuami.

Hebreos 9:10

Ö̦jö Moisesi etä a̦ jamö, nii bä a̦fa shi̦lo wayoamou bädao. Toubä lä coaö wejei toubä ca̦i. Täbä dodijidablou co̦obä, bä nia lä cuaaö wei tä ca̦i. ¿Ö̦jö tawä? Shomi tä a̦ läo showao mlao däjä, bei bä sibo nia lä taamamou wei tä a̦ shi̦lo läo showao balöoma.

Hebreos 9:23

Yai Bada etä yano ma cui, ö̦jamö lä täbä madofi bluca lä fulii wejei täbä ma cui, täbä nofi lä shamibou wejei täbä dodijidablou co̦obä, inaja tä taamaö bufima. Fedu jamö täbä lä culadi, ö̦jö täbä nö owä cuo balöoma täbä. Ö̦jö ma cui, Yai Bada tä yano yai lä culadi jamö täbä auobä, tä nowa yai lä bluca wei tänö täbä shi̦lo yai aublou.

1 Pedro 3:21

Inaja showawä, fei däjä bämacö lä bayeliblamou wei, mau u jamö culanö bäma tä jömaö, bämacö fe lä ojomamou wei däjä. Bei bämacö sibo ya̦lömobä tämi. Bämacö fe ojomamou däjä, wa̦lidiwä bäma tä lämabou mlai ja, Yai Bada nijamö bämacö bufi mö lä yaiblou wei bäma tä shino yai jömaö. Jesucristo a demi jocädou co̦layoma yalo, bämacö bayeliblamou.