Juan 3:2 - Biblia Yanowamö

² Ö̦jö a lä cui, didi däjä Jesús nija a icua fe fa jaluicunö, abinaja e cuma. —Tä a̦ wäyäle. Yamalecö yömölayolubä, Yai Bada tänö wa shömölema. Ö̦jö yama tä daö. Ö̦jö wa e nö ö̦jöböamobä, tä nö lä quilijii bluca wa tä wawämaö. Yai Bada tänö wa ca̦i cuo mlao fa cunoja, inaja wa nö cuaabö mlai —e cuma.

Juan 3:2 Iomraidhean Croise

1 Reyes 17:24

Abenaja Elia lija a suwä cuma. —Yai Bada wa e lä cui, fei däjä bä yai daö. Jeobaa wa wa̦no lä taö wei, fei däjä ya tä a̦ ca̦i bejedi daö —a cuma.

Mateo 22:16

¿Ö̦jö tawä? Ö̦jö bä bada nija bä lä nocaono wei, ai ebä shömölemaje, bada tä Elode ai ebä ca̦i mö feduwä. Jesús nija abinaja ebä cuyoluma. —Tä a̦ wäyäle. Wa lä bejedimou wei bäfä daö. Yanowamö wa bä nö quili taimi. Bada bä ma cui, bada bä lä mlai bä ma cui, wa bä nofi tabou fe usucuo fa showaonö, Yai Bada tänö bämalecö taamaö lä bufii wei, quilii mlai ja wa tä a̦ shino yai wäyäö shalilou.

Mateo 23:7

Nii bä lä lulaö wejei jamö, bä nö bada ca̦i ö̦jöböamou bufi doblao. “Tä a̦ wäyäle”, bä nowa tamamou bufi ca̦i doblao.

Mateo 23:8

’¿Ö̦jö tawä? —a cuma—. Ö̦jö ma cui, cafä wamacö lä cui, “Tä a̦ wäyäle”, bä nowa tamamou bufio dijä. Cafä wamacö nija ya tä a̦ lä wäyäö wei, ei ö̦jö moli lä ya waiquiwä malä cui. Cafä wamacö lä cui, moli wamacö ca̦i mashi.

Marcos 12:14

Jesús a wa̦liyoluuje ja, abinaja bä cuma. —Tä a̦ wäyäle. Wa lä bejedimou wei bäfä dablaö. Yanowamö wa bä nö quili taimi. Bada bä ma cui, bada bä lä mlai bä ma cui, wa bä nofi tabou fe usucuo fa showadaonö, Yai Bada tänö bämalecö taamaö lä bufii wei, quilii mlai ja wa tä a̦ shino yai wäyäö shalilou. ¿Ö̦jö tawä? Ö̦jö cudeenö, bäfä wa̦lii lä cule. Lomateli bada Sesa a lä cui, ö̦jö befi bä blada lä nacaö wejei, camiyä bämacö ma cuinö, ¿bäma bä blada jöböabä tawä? ¿Tä a̦ läami daanö? Ma, ¿tä a̦ läa tawä?

Juan 1:38

Jesús a mö fa yabadalunö cäcöbö yaua dalalema. Cäcöbö wa̦lii ja, abinaja a cuma. —¿Wedi bei wafä tä dayäö cule? —a cuma. —Tä a̦ wäyäle —cäcöbö cuma—. ¿Wedi bä nija bei wa li bälöblaa cule?

Juan 10:38

Ö̦jö ma cui, ya tä yai taö däjä, camiyä wamale a̦ bejedi bufii ma mlai ma cui, ya tä bluca lä taö wei tänö, bä bufi juducua fe da yadiicu. Camiyä nija Fayä a lä cule, wama tä daö fe yadiobä. Cama nija camiyä ya ca̦i lä cule, wama tä ca̦i dabä. Ö̦jö yafäcö —Jesús a cuma.

Juan 12:37

Täbä mamo showao däjä, bejedi lä Jesús a nö quiliama. Yai Bada e nö ö̦jöböamobä, tä nö lä quilijii tä bluca ma wawämano wei ma cui, a wa̦ bejedi bufinomije.

Juan 14:10

Fayä nija ya lä cule, camiyä nija Fayä a ca̦i lä cule, ¿wama tä a̦ bejedi bufii yailawä? Cafä wamacö nija ya tä a̦ lä wäyäö wei, camiyä ya wa̦ bädawämi. Fayä ya wa̦no wäyäö. Ya ma cuaaö wei ma cui, camiyä nija Fayä a yai culanö, ö̦jönö tä taö.

Juan 15:24

Cama bä nijamö tä nö lä quilijii ya tä bluca wawämaö mlao fa cunoja, bä nö wa̦lidiwä jömamobö mlai. Ö̦jö ma cui, ya lä cuaano wei tä ma dalaleno wejei ma cui, wale nofi wa̦libou fe yadioje. Fayä a ma cui, a nofi ca̦i wa̦libou mö feduoje.

Juan 2:11

Inaja Jesús a cuaaö ja, tä nö lä quilijii tä jaba wawäblamalema, Yai Bada e nö ö̦jöböamobä. Inaja a doblao damoa fa culalunö, cama ebä lä nocamabono wei bä lä cuinö a wa̦ bejedi bufilemaje. Calilea tä ulifi jamö a cuo däjä, inaja a cuaama, Canaateli bä nijamö.

Juan 20:16

Ficali ca jamö a lä ojodamou wei a fa bufinö, abinaja e cuma. —Bada tä. Cafänö shomi jamö wa nomawä maquea nomöjömaquema ja, a jömöa da co̦bayo, ya co̦aö showadaobä —e cuma. Jesús abinaja e cuma. —María— e cuma. A wa̦fa jayublamolayou ja, María a mö lacöblaliyoma. Ebleo bä caficö a̦ ja, abinaja e cudaliyoma. —¡Tä a̦ wäyäle! —e cudaliyoma.

Juan 3:26

Ö̦jö däjä, Juan nija bä fa junö, abinaja bä cuma. —Tä a̦ wäyäle. Jodana ai u mashi jamö, cafä nijamö a lä icuono wei a lä cui, wa wa̦fa wäyäö da balöoblei a lä cui, fei däjä quiji a cua co̦a lä cule. Täbä fe ojomaö dicoo. ¿Ö̦jö tawä? Ö̦jö nija bä bluca juu bashia majöa lä cule —bä cuma.

Juan 4:31

¿Ö̦jö tawä? Cama bä juu showao däjä, Jesús a nia iyamaö fe fa yadiojenö, cama ebä lä nocamabono wei bä a̦ fe blacäjoma. —Tä a̦ wäyäle. A da iyayo, ¿ö̦jö tawä? —ebä cudima.

Juan 5:36

’Ö̦jö ma cui, Juannö wale a̦fa ma wäyäö wei ma cui, yale a̦fa yai bejedi wäyäö lä lojode wei, ai tä cua. ¿Ö̦jö tawä? Ya lä cuaaö wei tä showawänö, Fayänö wale lä shömöleno wei tä dablamou malä wawädole. Camanö wale taamaö cudeenö, ya e li cuaaö.

Juan 6:2

Ö̦jamö lä, Jesús nijamö bluca dodijiwä bä nocalayoma. Yai Bada e nö ö̦jöböamobä, jalili bä jalomaö nö lä quiliano wei tä fa dalalöjenö, bä bluca nocalayoma.

Juan 7:31

Ö̦jö ma cui, ai bä bluca lä cuinö a wa̦ bejedi bufia fe yadilemaje. Abinaja bä cuma. —Yai Bada tänö a shömabä a lä yaileno wei a lä cui, fei a waiquiwä. ¿Wedi tabä ai bäma tä nö li dabou nomöjöquei? Yai Bada e nö ö̦jöböamobä, fei a lä cuinö, tä nö lä quilijii tä bluca wawämaö malä waiquii—bä cuma.

Juan 9:16

Faliseo ai bä bada lä cui, abinaja bä cuma. —Ma. Ei a lä jalomalöfe, Yai Bada tänö a shömanomi. Täbä yanöcöobä, tä mö jalu nofi cadidibou malä mlai —bä cuma. Ö̦jö ma cui, abinaja ai bä cuu mö feduoma. —Wa̦lidiwä talewä a cuo fa cunoja, tä nö lä quilijii tä lä wawämafenaja, a nö cuaaö fe balojoobö mlai —bä cuu mö feduoma. Einaja bä bluca cuu majöadalou ja, bä bufi shedequeblaliyoma.

Hechos 10:38

Ö̦jö Nasaleteli Jesús a lä cui, Yai Bada tänö a bayelibou ja, bei Bufinö a jödödöboma. A nö ca̦i wa̦lojomaboma. ¿Ö̦jö tawä? Täbä shino bayeliblaö cuaama. Fecula bada tänö bä nö lä bleaamano wei, bä bluca ca̦i jalomaö cuaama. Yai Bada tänö a ca̦i malä cuono wei.

Hechos 2:22

Isaeli cä wama ecö. Nasaleteli Jesús ya wa̦fa wäyäö ja, wamale a̦ da ji̦lilä. Yai Bada tänö cafä wamacö nija Jesús a fa shömölönö, a nö wa̦lojoblamalema, wamacö bufi jaducublobä. Yai Bada tänö a nia lä shömano wei, “Fei a waiquiwä”, wama a nofi tabobä. ¿Ö̦jö tawä? Cafä wamacö nija a da cuoblei däjä, Yai Bada a lä cui, ¡bejedi a lojode damalalema! Tä nö lä quilijii tä bluca wawämalema. Jesús nija Yai Bada a lojode damoa dodijilaliyoma. ’¿Ö̦jö tawä? —a cuma—.

Filipenses 1:14

Abenaja ca̦i. Ya cafe quefua ma cule, ya bayeliblamou fe lä yadio wei tänö, Jesucristo ai ebä bufi bluca ca̦i lofotoblou fe balojoa lä cule. Bada tänö bä bufi fa lofotoamanö, fei däjä bä quilii mlai ja, Yai Bada etä a̦ yai wäyäö waiteliaö lä culajei.

Jueces 6:27

Ö̦jö cudeenö Jedeoni a wa̦ fuamobä 10 ebä ca̦i fa funö, Jeobaanö tä nabä shömöa lä taqueno weinaja, a cuaaö showadaoma. Ö̦jö ma cui, cama ebä nö quili fa tanö, ai bä lä bälöle bä nö quili ca̦i fa tanö, didi däjä tä taö ja̦tooma.