Juan 3:19 - Biblia Yanowamö

¹⁹ ’Yanowamö täbä bufi wacacamabobä, bita jamö Yai Bada etä shi̦i ma waloole ma cui, etä shi̦i bufiimije. Mö didi tä shino yai bufiije, ¿ö̦jö tawä? Bä dobloimi waiquiwä cudeenö bä jo̦yao bufi doblao. Inaja bä cuaaö cudeenö bä nö nia bleaamaö.

Juan 3:19 Iomraidhean Croise

Proverbios 2:13

bä dodijaö lä moji wei bä lä cui lija. Didi tä jamö cama bä li fuu.

Lucas 12:47

’¿Ö̦jö tawä? —Jesús a cuma—. Bada a nosie juamobä a lä cuinö, a taamaö lä bufii wei tä daö ma waiquiono wei ma cui, tä tanomi yalo a nö nia bleaamaö dodijio.

Lucas 16:14

Jesús nija faliseo bä bada yömöca ma daono wei ma cui, blada bä nofi yaibou waiquiaje cudeenö, a wa̦ nö waiblamaje.

Juan 1:4

Täbä lä ba̦limiblamaö wei, ö̦jö a cuoma. Ö̦jö ba̦limiblamodima tä shi̦i lä cuinö, täbä bufi nia bluca wacacamaboma.

Juan 1:5

Mö didi tä jamö ö̦jö tä shi̦i wacacawä cudio showao. Didi tänö tä shi̦i lublamaimi.

Juan 12:31

Fei däjä Yai Bada tänö yanowamö täbä nia jömaö. Fei däjä fecula bada a nö nia bleaamaö, bita jamö a lä nosiemou wei a lä cui.

Juan 12:43

¿Ö̦jö tawä? Yai Bada nija mlai, yanowamö täbä nija bä a̦fa nia dodijidawä lä tamou wei tä ja, bä bufi mö yai blucao dicooma.

Juan 12:46

Cowa wacö shi̦i lä culenaja ya shi̦i cuobä, bita jamö ya waloqueyoluma, wale a̦ bejedi lä bufii wejei bä bluca lä cui, tä mö didiobä jamö bä shi wa̦lio mlaobä.

Juan 5:44

Yai Bada a yami lä cule nija wamacö a̦fa dodijaö tamobä tä ma cule ma cui, ö̦jö tä lä cui wama tä nofi yai cadidiboimi. Ma, Yai Bada nija mlai, yanowamö täbä nija wamacö a̦fa shino dodijaö tamou bufi doblao. Ö̦jö cudeenö, camiyä wamale a̦ bejedi nö bufibimi waiquiwä.

Juan 7:17

¿Ö̦jö tawä? Yai Bada tänö bä taamaö lä bufii wei tä ja bä lä ojodao wei bä lä cuinö etä a̦ nö nia ö̦jöböaöje. Camiyä ya bufi cuu lä bädao weinaja ya tä a̦ wäyäö dicoo ja, wale nia ca̦i daöje.

Juan 7:7

Yanowamö bänö cafä wamacö nofi wa̦libou dao ma mlajei ma cui, camiyänö ya täbä a̦fa dobloimi wäyäö yalo, wale nofi yai li wa̦libouje.

Juan 8:12

Judio bä nija Jesús a wa̦ faö co̦o ja, abinaja a cuma. —Yanowamö ya täbä wacacamabobä, camiyä ei ya shi̦i. Camiyä nija bä lä nocao wei bä lä cui, mö didi jamö bä nia juimi. Camiyä ya shi̦i wacacaobä jamö bä cuo ja, ba̦limi bä nia cuo —a cuma.

Juan 9:5

Eja, ei ya cua lä showale däjä, yanowamö ya täbä wacacamabobä ya shi̦i —bä nowa tama.

Romanos 1:32

¿Ö̦jö tawä? Inaja bä lä cuaaö wei Yai Bada tänö bä nia lä nomamaö wei tä ma daö wejei ma cui, bä shijiloimi. Wa̦lidiwä tä taö mö lä feduo wejei bä lä cui, ö̦jö bä nofi ca̦i doablaöje.

Romanos 2:8

Ö̦jö ma cui bä a̦ shi̦lo lä lämou wei bä lä cuinö, tä a̦ lä bejedi wei tä a̦ ji̦liaimije. Wa̦lidiwä tä jamö bä luluamou. Yai Bada tä nö wa̦lowä lä jushuo wei etä wawäblou däjä, ö̦jö bä nö nia yai bleaaö fe balojoo.

2 Tesalonicenses 2:12

täbä bluca waimou showadaobä. Täbä waimobä täbä waiquiwä. Yai Bada etä a̦ bejedi bufibou fa mlacujenö, tä lä wasöö wei tä yai taö bufi malä doblao wejei.

1 Pedro 2:8

Abinaja ca̦i. Bä lä juu wei, maa ma jamö bä mamicö fa difequionö, bä yudubä ma nia blaaö läo. ¿Ö̦jö tawä? Täbä fa yudulunö täbä quebä, ma nia blao. Einaja tä a̦ ca̦i cuu balöo showaoma. Yai Bada tä a̦ juaimije ja, täbä yudulayou. Inaja bä taamamobä bä li cuo waiquioma cudeenö, bä li taamamou.

2 Pedro 3:3

Bei. Ei ya wa̦ lä cui, wamale a̦ da ji̦lilä. Yai Bada tänö täbä nia lä jömaö wei tä cublou ajedou däjä, a nö nia lä waiblaö wejei täbä nia wawäblou. Cama bä cuaaö bufi lä doblao wei tä ja bä nia shino cadidou.