Juan 3:16 - Biblia Yanowamö

¹⁶ ’Yai Bada tänö yanowamö täbä nofimaö fa dodijionö, bä Ijilubö moli ya e lä cui yale shömölema. Wale a̦ bejedi lä bufii wejei bä bluca lä cui, bä nomaö mlai ja bä ba̦limi cuobä.

Juan 3:16 Iomraidhean Croise

Génesis 22:12

—¡Ijilufä a famima dijä! ¡A taama dijä! Ijilufä wa moli lä tabole, camiyä nija wa noshi umabou fa mlacunö, bäfä bejedi malä dablale. Camiyä Yai Bada ya lä cui, wale nö quili malä taö wei —a cuma.

Génesis 22:2

—Ijilufä wa moli lä tabole, Isaacö a lä cui, wa lä nofimaö wei, wa fa nocamalänö, Molia tä ulifi jamö a ca̦i da alufälö. Tä ulifi lä jefubö wei jamö wa ca̦i fa waloicunö, ya jefu lä jömaö wei jamö wa ca̦i fa dolequebofälönö, camiyä nija a da dodobojolu. Yalo bä ö̦shö dodobou lä cuaaö wejeinaja, wa dodobou cuo mö feduobä —a nowa tama.

Isaías 9:6

Ijilu a ja bämalecö nia dobäö. Bämacö ijilubö nia jibäaö. Camiyä bämacö lija a nia Bada läo. A wa̦fa jilaöje ja, abenaja bä nia cuu. —Bä bufi yai shalilamaö lä daö wei a. Yai Bada tä nö shi̦lo wa̦lojaö lä ayai a. Bämacö Fö̦ömou shi lä wa̦lile a. Bämacö yai lä yanöcömabou wei a Bada —bä nia cuu.

Mateo 9:13

Yai Bada etä a̦ lä cuu wei tä a̦ ja, bä bufi da dayäo, wamacö bufi jaducublobä. Abinaja tä a̦ cuu —a cuma. Yalo wama bä ö̦shö lä dodobou wei, ö̦jö ya tä bufiboimi. Yanowamö wama täbä nofi nia lä ojodabou wei, ö̦jö ya tä shino yai bufii. ’Einaja Yai Bada tä a̦ cuu —a cuma—. Bä dodijidawä lä jömöo wei, ya bä nabä juno malä mlai. Wa̦lidiwä talewä ya bä nabä yai li juma.

Marcos 12:6

’Ö̦jö ma cui, bada a lä cui, ai moli e feioma —Jesús a cuma—, bä ijilubö e yai lä cuono wei. Ö̦jö a yai nofimaö dodijioma. Ya̦cumö, ö̦jö a shömöa nomöjölema. “Ijiluyä ei a yai lä cui, a nofi yai tabobeje”, a bufi cuma yalo, a shömöa nomöjölema.

Lucas 2:14

—Fedu fedole jamö Yai Bada a lä bälöladi, ¡a nofi shino yai doablamobä! Bita jamö a bufi lä doblamabolajei bä lä cui, ¡dodijidawä bä bufi yanöcöwä ca̦i bälöblamou cuaabä! —bä a̦jele cuma.

Juan 1:14

Awei. Ö̦jö bei tä a̦ jaba cuo lä showaono wei tä a̦ lä cui, ya̦cumö tä a̦ yanowamöblaleyoluma. A fa yanowamöblalunö, ö̦jönö yamalecö ca̦i bälöoma. Yama a doblao dalalema. Bä Ijilubö moli e cuoma yalo, bä Fö̦ö enö a doblamabou dodijioma. Bejedi lä. Täbä jödödöwä nofi showadi ojodaboma. Showadi a bejedimoma.

Juan 1:18

Yanowamö bämacö nija Yai Bada tä dablamoimi. Tä dablamou ma mlai ma cui, bä Ijilubö moli e lä cuinö, bä Fö̦ö e nija a lä ajedelenö, ö̦jönö tä damalalema.

Juan 1:29

Ö̦jö tä fena ja, Jesús a juu fa dalalönö, Juan a wa̦ fama. —¡Ei, ei! Quiji a lä cui, Yai Bada tänö a shömölema. Oweja a wa̦fa ocalo lä jilamou wei a. Bita jamö täbä lä bälöblai täbä nowa wa̦lidiwä mladamabä, a nia lä shämou wei, ö̦jö lä a.

Juan 10:28

Ö̦jö bä lä cui ya bä ba̦limiblamaö. Bä nia ca̦i nomaimi. Camiyä nija ö̦jö bä nia lä jucäaö wei, moli ma cui a ca̦i cuami.

Juan 3:15

Camiyä wale a̦ bejedi lä bufii wejei bä bluca lä cui, bä ba̦limi cuobä.

Juan 3:18

’Wale a̦ bejedi lä bufii wejei bä lä cui, Yai Bada tänö ö̦jö bä nö bleaamabä bämi —a cuma—. Wale a̦ bejedi bufii lä mlajei bä lä cui, ö̦jö bä nö bleaamabä cäbä. Yai Bada bei Ijilubö moli ya e lä cui, wale a̦ bejedi bufiimije yalo, bä nö bleaamabä bä li waiquiwä.

Juan 3:36

Ö̦jö bä Ijilubö e a̦ bejedi lä bufii wejei bä lä cui, ba̦limi bä cuobä bä li. Ö̦jö ma cui, bä Ijilubö e a̦ juaö lä mlajei bä lä cui, ö̦jö bä nia ba̦limi cuomi. Yai Bada tä nö wa̦lowä lä jushudou wei tänö bä nö bleaabä ö̦jö bä li.

Juan 6:40

Abinaja Fayänö täbä taamaö bufi doblao malä cui. Bä Ijilubö wale nö yai lä ö̦jöböaö wejei bä lä cui, wale a̦ bejedi bufiije ja, bä ba̦limi tamabou bufi doblao. Tä lä jödödöblole däjä, ö̦jö ya bä nia demi jocädamaö co̦o —a cuma.

Romanos 5:10

Yai Bada lija bämacö nö nabämou showao däjä, bä Ijilubö e nomaa lä lälayono wei tä ja, bämalecö nofiblamalema. Inaja a cuaama cudeenö, fei däjä Yai Bada tä sho bämacö nofimayou majöa. Bämacö nofimayou waiquilanö, bä Ijilubö e demi cua lä co̦le tänö bämalecö noshi nia yai umlabou.

Romanos 5:8

Ö̦jö ma cui camiyä bämalecö bayeliblabä, dodijidawä mlai, wa̦lidiwä talewä bämacö yai cuo showao däjä, Cristo a shämoa lälayoma. Ö̦jö tä lä cublaliyono wei tä ja, Yai Bada tänö bämalecö yai lä nofimaö wei tä jimöa cadidiquema.

Romanos 8:32

Cama bä Ijilubö e ma cui, Yai Bada tänö a noshi umlabonomi. Bämalecö bluca bayeliblabä, a noshi malä ö̦jödabono wei. ¿Ö̦jö tawä? Bä Ijilubö e jibäaö ojodao waiquioma ja lä, ai täbä bluca ma cui ja, bei bämalecö dobäa yailei.

Efesios 2:4

Ö̦jö ma cui, Yai Bada a bufi asio fe balojoo. Bämalecö yai nofimaö fa dodijionö,

2 Tesalonicenses 2:16

Bei. Bada tä Jesucristo lä cui, cama lija showadi wamacö bayeliblamobä, Fayä Yai Bada lija ca̦i, bämalecö nofimaö fe lä balojoo wei a lija. Bämalecö nofi fa ojodadalönö, bämalecö bufi nia lofotomabou shi wa̦lii. Bäma a nofi mölabobä, bämalecö bufi taamaö.

Tito 3:4

Ö̦jö ma cui, Yai Bada lija bäma tä bayeli dalalema. Bämalecö lä fucäaö wei a li. Yai Bada bäma a nofi fa dalalönö, bämalecö nofi lä ojodadaö wei tä a̦ fa wawäblalunö, bämacö fucäama.

Hebreos 2:9

Jesús bäma a daö, a lä yanowamöblaleyoluno wei a lä cui. A̦jele bä ba̦limi lä culenaja a jaba ma cuono wei ma cui, yanowamö bämacö ba̦limi lä mlainaja a li cublou majölayoma. Yai Bada tänö bämalecö nofi lä ojodabole jamö, a nia nomamaö fa läonö, a li yanowamöblamalema. A nomaö däjä a nö ninili bleaama yalo, dodijidawä fe balojowä a tabou majöadayoa. Wawädowä a nofi yai tabou.

1 Juan 3:1

Bämacö lä Fö̦ömou wei a lä cuinö, ¡bejedi lä bämalecö nofimaö! Bämalecö nofimaö dodijia ja lä, Yai Bada bei ijilubö bäma ecö a̦fa jilamobä bämalecö tablamalema. Ö̦jö bäma ecö waiquiwä malä cui. Yanowamö täbänö Yai Bada tä daö fa mlacujenö, camiyä bämalecö nö ca̦i ö̦jöböboimi mö feduweje.

1 Juan 4:19

Yai Bada tänö bämalecö nofimaö balöoma yalo, cama bäma a nofimaö nomöjöa, cama ebä ma cui, ö̦jö lä bäma bä ca̦i bluca nofimaö.

Apocalipsis 1:5

Jesucristonö wamacö nofi ca̦i ojodabobä, wamacö bufi ca̦i yanöcömabobä, Yai Bada a wa̦fa wäyäö lä cadidou wei a lä cuinö. A jaba demi jocädou lä co̦layono wei a showawä lä cuinö. Bita jamö bä bada lä cublai, ö̦jönö bä bluca nosiemaö. Ö̦jö Jesucristo a lä cuinö bämalecö nofimaö fe balojowä. Bämacö doblou lä mlai tä blucanö bämacö ma ja̦ono wei ma cui, ö̦jö a fa shämolunö, i̦yäbö fa falönö, bämalecö jujeblamalema.